આજથી IPL 2025નો ઉત્સાહ ફરી શરૂ થવા જઈ રહ્યો છે. ટુર્નામેન્ટ રોયલ ચેલેન્જર્સ બેંગ્લુરુ અને કોલકાતા નાઈટ રાઈડર્સ વચ્ચેની મેચ સાથે ફરી શરૂ થશે. આ સીઝનની 58મી મેચ છે, જે બેંગલુરુના એમ ચિન્નાસ્વામી સ્ટેડિયમમાં રમાશે.
ભારત અને પાકિસ્તાન વચ્ચે લશ્કરી સંઘર્ષને કારણે IPL 8 દિવસ માટે મુલતવી રાખવામાં આવી હતી. આરસીબી પ્લેઓફમાં સ્થાન મેળવવાનો પ્રયાસ કરશે. બેંગલુરુ પોઈન્ટ ટેબલમાં બીજા સ્થાને છે. રજત પાટીદારના નેતૃત્વ હેઠળની RCB એ 11 માંથી 8 મેચ જીતીને 16 પોઈન્ટ એકઠા કર્યા છે. જો સિલ્વર બ્રિગેડ શનિવારે KKR ને હરાવવામાં સફળ થાય છે, તો તે પ્લેઓફમાં પહોંચનારી પ્રથમ ટીમ બનશે. અજિંક્ય રહાણેની આગેવાની હેઠળની KKR માટે આ કરો યા મરો જેવી મેચ છે. કોલકાતાના 12 મેચમાં ફક્ત 11 પોઈન્ટ છે. ચિન્નાસ્વામી સામે ડિફેન્ડિંગ ચેમ્પિયન ટીમની હારથી પ્લેઓફમાં પહોંચવાની તેમની ધૂંધળી આશાઓનો અંત આવી જશે. KKR છઠ્ઠા સ્થાને છે.
