IPL2025માં આ વખતે સૌથી વધારે કોઈ ખેલાડી સમાચારમાં સ્થાન પામ્યો હોય તો એ ખેલાડીનું નામ છે વૈભવ સૂર્યવંશી. વૈભવ સૂર્યવંશીએ માત્ર 14 વર્ષની ઉમરમાં આખા ક્રિકેટ જગતને પોતાની તોફાની બેટિંગથી ચોંકાવી દીધું છે. આજ કારણોસર વૈભવ સૂર્યવંશી આ વખતે IPL 2025નો એક ખાસ એવોર્ડ જીતવાની રેસમાં પણ છે.
વૈભવ સૂર્યવંશીએ રંગ રાખ્યો
આ વખતની IPL2025 હવે એના અંતિમ ચરણો તરફ ડગલાં માંડી રહી છે. જે પણ ટીમ આજે ફાઇનલ જીતશે એના માટે આ એક સપના જેવુ હશે, કેમકે બંને ટીમો માટે આજની મેચ ખુબજ મહત્વપૂર્ણ છે. આ વખતે IPL2025માં બિહારના 14 વર્ષના તોફાની બેટ્સમેને સમાચાર પત્રોમાં પોતાની જગ્યા બનાવામાં સફળતા હાંસલ કરી છે. રાજસ્થાન રોયલ્સ તરફથી રમતા બિહારના વૈભવ સૂર્યવંશીએ PL2025માં ખુબજ સારું પ્રદર્શન કર્યું છે. IPL2025માં વૈભવ સૂર્યવંશી મોટા મોટા બોલરોને પણ ભારે પડ્યા છે.
IPLના મોટા એવોર્ડની રેસમાં વૈભવ સૂર્યવંશી
બિહારના સમસ્તિપુર જિલ્લાનો એક યુવા ખેલાડી, અને આ ખેલાડી એટલે વૈભવ સૂર્યવંશી. માત્ર 14 વર્ષની ઉમરમાં વૈભવ સૂર્યવંશીએ IPLમાં સૌથી નાની ઉમરમાં પોતાનું પદાર્પણ કરનાર ખેલાડીનો રેકોર્ડ તેના નામે કર્યો છે, અને ટી20 ક્રિકેટ ફોર્મેટમાં સૌથી નાની ઉમરમાં શતક ફટકારનાર ખેલાડીનો રેકોર્ડ પણ વૈભવ સૂર્યવંશીના નામેજ છે. સવાઇ માનસિંહ સ્ટેડિયમ ખાતે લખનૌ સામે રમાયેલ મેચમાં રાજસ્થાન રોયલ્સ તરફથી રમનાર aઆ સ્ટાર ખેલાડીએ પ્રથમ બોલમાજ છગ્ગો ફટકારીને પોતાનું હુનર દેખાડી દીધું હતું.
કોને અપાય છે ઈમર્જિનગ પ્લેયર એવોર્ડ
આઈપીએલમાં ઈમર્જિનગ પ્લેયર એવોર્ડ એવા યુવા ખેલાડીઓને આપવામાં આવે છે, જેમનો જન્મ 1 એપ્રિલ 1999 કે એના પછી થયો હોય, સિજન શરૂ થાય એ પહેલા 25 થી ઓછી આઈપીએલ મેચ રમી હોય, 5 ટેસ્ટ અને 20 થી વધારે એક દિવસીય મેચ ના રમી હોય અને પહેલા આવો કોઈ એવોર્ડ ના જીત્યો હોય. વૈભવ સૂર્યવંશી aઆ નિયમોના તમામ બંધારણમાં ફિટ બેસે છે. આ વખતે આઈપીએલમાં વૈભવ સૂર્યવંશીએ 7 મેચમાં 252 રન બનાવ્યા છે, જેમાં શતક અને અર્ધ શતક પણ છે. આમ જોવા જતાં આ વખતે IPLનો આ એવોર્ડ વૈભવ સૂર્યવંશીને મળી શકે છે.
