રોયલ ચેલેન્જર્સ બેંગ્લુરુ ટીમે તેનું પહેલું IPL ટાઈટલ જીત્યું છે. છેલ્લો બોલ ફેંકાય તે પહેલાં જ વિરાટ કોહલી સ્ટેડિયમની વચ્ચે રડતો જોવા મળ્યો. વિરાટ કોહલીની આંખોમાં ખુશીના આંસુ જોવા મળ્યા. રોયલ ચેલેન્જર્સ બેંગ્લુરુની જીત બાદ વિરાટ કોહલીએ એબી ડી વિલિયર્સને પણ ગળે લગાવ્યો. આ પછી, અનુષ્કાને ગળે લગાવીને વિરાટ પણ રડી પડ્યો.
RCB એ પંજાબ કિંગ્સને હરાવીને પહેલીવાર IPL ટ્રોફી જીતી. રોયલ ચેલેન્જર્સ બેંગ્લુરુની જીત સાથે વિરાટ કોહલી પોતાના આંસુ રોકી શક્યો નહીં. મેચ પૂરી થવાના બે થી ત્રણ બોલ પહેલા કોહલી બાળકની જેમ રડવા લાગ્યો. છેલ્લો બોલ ફેંકાતાની સાથે જ કોહલી મેદાનની વચ્ચે ઘૂંટણિયે બેસી ગયો અને માથું નીચું રાખીને રડવા લાગ્યો. પંજાબ કિંગ્સ લક્ષ્યથી 6 રન ઓછા પડી ગયા. કોહલીએ ટાઈટલ મેચમાં બેટ દ્વારા 43 રનનું યોગદાન આપ્યું હતું.
બાળકની જેમ રડવા લાગ્યો કોહલી
છેલ્લી ઓવરમાં પંજાબ કિંગ્સને જીત માટે 29 રનની જરૂર હતી. ઓવરના પહેલા બોલ પર કોઈ રન બન્યો નહીં. આ પછી, હેઝલવુડે બીજા બોલ પર ડોટ બોલ ફેંક્યો અને આ બોલથી નક્કી થઈ ગયું કે RCB IPL 2025નું ચેમ્પિયન બનશે.
RCB ચેમ્પિયન તરીકે કન્ફર્મ થતાં જ, વિરાટ કોહલી પોતાની લાગણીઓ પર કાબૂ રાખી શક્યો નહીં. કોહલી નાના બાળકની જેમ રડવા લાગ્યો. મેચ પૂરી થતાં જ વિરાટ ઘૂંટણિયે બેસી ગયો અને જમીન પર માથું રાખીને લાંબા સમય સુધી રડ્યો. બાકીના RCB ખેલાડીઓએ કોહલીને શાંત કરાયો અને આ પછી આખું RCB કેમ્પ જીતના જશ્નમાં ડૂબી ગયું.
RCB બન્યું ચેમ્પિયન
IPL 2025 ની અંતિમ મેચમાં પ્રથમ બેટિંગ કરતા, RCB એ 20 ઓવરમાં 9 વિકેટ ગુમાવીને 190 રન બનાવ્યા. ટીમ તરફથી વિરાટ કોહલીએ સૌથી વધુ 43 રન બનાવ્યા, જ્યારે રજત પાટીદારે 26 રનનું યોગદાન આપ્યું. 191 રનના ટાર્ગેટનો પીછો કરવા ઉતરેલી પંજાબની ટીમ 20 ઓવરમાં 7 વિકેટ ગુમાવીને 184 રન જ બનાવી શકી. શશાંક સિંહે 30 બોલમાં 61 રન બનાવ્યા, પરંતુ તે ટીમને જીત અપાવી શક્યો નહીં. આખરે RCB માટે 17 વર્ષની લાંબી રાહનો અંત આવ્યો.
