કૈથરીનની આ કહાની માત્ર એક એજન્ટની જ નહી પરંતુ જાસૂસી દુનિયાની એવી દાસ્તાન છે કે જ્યાં વિશ્વાસ, ભાવનાઓ અને ધર્મ માત્ર એક મિશન માટે જ કામ કરે છે. અને તેનો મહત્ત્વનો ભાગ છે. આ કોઇ કાલ્પનિક ફિલ્મ નથી. પરંતુ સત્ય હકીકત છે. જેણે મધ્ય પૂર્વની સાથે સમગ્ર દુનિયામાં ભારે હલચલ મચાવી છે. તેહરાને કરેલા ખુલાસામાં એ જોઇ શકાય છે કે, એક મહિલા એજન્ટ દ્વારા કેવી રીતે એક ખતરનાક મિશનને પાર કરવામાં આવ્યુ. આ મહિલાઓ માત્ર ઘૂસણખોરી જ નહી પરંતુ અધિકારીઓના અંગત જીવનને પણ હચમચાવી દીધુ.
કોણ છે આ મહિલા એજન્ટ ?
આ મહિલા એજન્ટનું નામ છે કેથરીન પેરેઝ શેકેડ. જે મૂળ ફાંસની હતી. તે સુંદર, હોશિયાર અને ગુપ્તચર ટ્રેનિંગમાં માહિર હતી. બે વર્ષ પહેલા તેણે ઇરાનમાં પ્રવેશ કર્યો. અને પોતાને ધાર્મિક વ્યક્તિ કહીને ઇરાનના સમાજમાં એકત્ર થઇ ગઇ. એણે શિયા ઇસ્લામ ધર્મ સ્વીકાર્યો હતો. ઇરાનના મુખ્ય અધિકારીઓના નિવાસસ્થાને મુખ્ય મહેમાન બનીને તેમના વિશ્વાસ પાત્ર વ્યક્તિઓના લિસ્ટમાં સામેલ થઇ ગઇ હતી.
ધર્મના નામે ઘૂસણખોરી
કેથરીને પહેલા ધાર્મિક શિક્ષાઓમાં રસ દાખવીને અધિકારીઓની પત્ની સાથે મિત્રતા કરી હતી. અને બાદમાં એવો માહોલ ઉભો કર્યો હતો કે, બાદમાં તે આ અધિકારીઓના ઘરમાં અવર-જવર કરી શકતી હતી. તેણ તમામા માહિતીઓ મોસાદ સુધી પહોંચાડતી હતી. ઇરાન અને ઇઝરાયલ વચ્ચે જ્યારે સંબંધો વધુ વણસી ગયા હતા. ત્યારે ઇરાની અધિકારીઓ પોતાના સ્થળો બદલી રહ્યા હતા. તે સમયે હુમલાઓ એટલા સટીક હતા કે કોઇ બચી શકતું ન હતુ. ત્યારે ગુપ્તચર એજન્સીઓને શંકા થઇ અને તપાસ શરુ કરવામાં આવી હતી. તપાસ દરમિયાન એક જ ચહેરો વારંવાર સામે આવતો હતો. અને તે હતો કેથરીનનો. અધિકારીઓ સાથેના ફોટા અને વીડિયોમાં કેથરીન દરેક સ્થળે જોવા મળી હતી.
હવે ક્યાં છે કેથરીન ?
હવે કેથરીન ગાયબ છે. ઇરાનની ગુપ્તચર એજન્સીઓએ તેના ફોટા દેશભરમાં લગાવી રાખ્યા છે. પરંતુ હમણાં સુધી તેની કોઇ ભાળ કે પુરાવા હાથ લાગ્યા નથી. તે અન્ય દેશની નાગરિક થઇ ગઇ હોવાની શંકા ઇરાનની ગુપ્તચર એજન્સીઓ લગાવી રહી છે. પરંતુ એક વાત સત્ય છે કે મોસાદે કેથરીન સાથે મળીને એક ખતરનાક મિશન પાર પાડ્યુ હતુ.
