બાળકોમાં આજે બહારનું ખાવાનું ચલણ વધ્યું છે. ઘરનું ભોજન છોડી બાળકો હોટલ-રેસ્ટોરન્ટનું ખાવાનું વધુ પંસદ કરે છે. બાળકોને પિઝા, પાસ્તા અને નૂડલ્સ વધુ પ્રિય છે. પરંતુ આ ખોરાક તેમની હેલ્થ માટે નુકસાનકારક છે. શિયાળામાં સ્વાસ્થ્ય બગડે નહી માટે બાળકોને પૌષ્ટીક આહાર જરૂર આપવો જોઈએ. તેમની દિનચર્યામાં કેટલાક સુપરફૂડને સામેલ કરશો તો શરદી અને ખાંસી તો શું તાવ પણ દૂર રહેશે. આ સુપરફૂડના સેવનથી બાળકોની રોગપ્રતિકારક ક્ષમતા વધશે. તેઓ જલ્દી કોઈ ચેપના શિકાર થશે નહીં.
બાળકો રહેશે મજબૂત, આપો આ સુપરફૂડ
શિયાળામાં સ્વસ્થ રહેવા વસાણા ખાવામાં આવે છે. આ વસાણા ખાસ સામગ્રીમાંથી બને છે. પરંતુ તેનો સ્વાદ બાળકોને પસંદ આવતો નથી. તમે બાળકોના આહારમાં રાગી જેવા અનાજ, લીલા પાંદડાવાળા શાકભાજી, ગાજર, બીટ, ટામેટાં, મૂળાભાજી, સરગવાને સામેલ કરી શકો છો. આ ઉપરાંત ફળમાં તમે આમળા, નારંગી અને મોસંબી જેવા વિટામિન સીથી ભરૂપર ફળોને સામેલ કરો. તમે કોળા, અળસી, ચિયા સીડ્સ અને સૂર્યમુખી જેવા બીજને બાળકોના દૈનિક આહારમાં સ્થાન આપો. બાળકોના ખોરાક માટે ચોક્કસ પ્રકારનું ટાઈમટેબલ બનાવી તેમને આ સુપરફુડ આપી શકો છો.
બાળકોને આ રીતે આપો સુપરફૂડ
આ સુપરફુડને તમે બાળકોને વિવિધ રીતે આપી શકો છો. રાગીમાંથી તમે પરોઠા, શિરો અને સ્વાદિષ્ટ ચિલ્લા બનાવી શકો છો. તેમાં ફાઇબર, પ્રોટીનનું પ્રમાણ વધુ હોવાથી ઠંડીની ઋતુમાં સેવન કરવાથી લાભ થશે. લીલા પાંદડાવાળા શાકભાજી ખાવાથી આંખની રોશની અને ત્વચા તંદુરસ્ત રહેશે. બાળકોને લીલી ભાજી ખવડાવા થેપલા, પરોઠા અને સૂપ તેમજ પૂરી બનાવો. શિયાળામાં આમળા અને નારંગીતો ખાસ આપવા. વિટામિન સીના સ્ત્રોત છે. ખજૂર લાલ હોય કે કાળી કોઈપણ રીતે સેવન કરવી જોઈએ. ખજૂરને દૂધ સાથે અથવા તેનો પાક બનાવી બાળકોને આપી શકો છો.
(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )
