બુધવારે વોશિંગ્ટન, ડી.સી.માં વ્હાઇટ હાઉસથી થોડા બ્લોક દૂર ગોળીબાર થતા વિશ્વભરમાં ખળભળાટ મચી ગયો છે. આ ગોળીબારમાં ઓછામાં ઓછા ત્રણ લોકો ઘાયલ થયા હતા, જેમાં બે નેશનલ ગાર્ડ સભ્યોનો સમાવેશ થાય છે. ઘાયલોને હોસ્પિટલમાં દાખલ કરવામાં આવ્યા છે. શંકાસ્પદ વ્યક્તિની ઓળખ રહેમાનુલ્લાહ લાખનવાલ તરીકે થઈ છે, જે 29 વર્ષીય અફઘાન નાગરિક છે અને 2021 માં યુનાઇટેડ સ્ટેટ્સમાં પ્રવેશ્યો હતો.
ગાર્ડ સભ્યોને ગંભીર હાલતમાં હોસ્પિટલમાં દાખલ કરવામાં આવ્યા
વોશિંગ્ટનના મેયર મુરિયલ બોઝરે આ ઘટનાની નિંદા કરતા તેને લક્ષ્યાંકિત હુમલો ગણાવ્યો હતો. એફબીઆઈના ડિરેક્ટર કાશ પટેલ અને મેયર મુરિયલ બોઝરે જણાવ્યું હતું કે ગાર્ડ સભ્યોને ગંભીર હાલતમાં હોસ્પિટલમાં દાખલ કરવામાં આવ્યા છે. આ ઘટના સ્થાનિક સમય મુજબ બપોરે 2:30 વાગ્યે બની હતી.
સમગ્ર વિસ્તારને સીલ કરી દેવામાં આવ્યો
મેટ્રોપોલિટન પોલીસ વિભાગના જણાવ્યા અનુસાર, ગોળીબાર વ્હાઇટ હાઉસ નજીક થયો હતો. ઘટના પછી તરત જ, સમગ્ર વિસ્તારમાં ભારે પોલીસ બંદોબસ્ત ગોઠવી દેવામાં આવ્યો હતો, અને સમગ્ર વિસ્તારને સીલ કરી દેવામાં આવ્યો હતો.
વ્હાઇટ હાઉસથી થોડે દૂર
આ ગોળીબાર ફરગુટ સ્ક્વેર નજીક થયો હતો, જે ઓફિસો, ચેઇન રેસ્ટોરન્ટ્સ અને કોફી શોપ્સથી ઘેરાયેલો વ્યસ્ત લંચ સ્પોટ છે. આ પાર્ક બે મેટ્રો સ્ટેશનોની નજીક સ્થિત છે અને વ્હાઇટ હાઉસથી થોડે દૂર છે.
અફઘાન નાગરિકની ધરપકડ
મેટ્રોપોલિટન પોલીસના આસિસ્ટન્ટ ચીફ જેફ કેરોલે જણાવ્યું હતું કે નેશનલ ગાર્ડના સૈનિકો પેટ્રોલિંગમાં હતા ત્યારે હુમલાખોરે એ તેમના પર હુમલો કર્યો. ગોળીબાર બાદ, અન્ય ગાર્ડ સભ્યોએ શંકાસ્પદ વ્યક્તિને ઘેરી લીધો અને તેની ધરપકડ કરી. હાલમાં તેની પૂછપરછ કરવામાં આવી રહી છે. વોશિંગ્ટન, ડી.સી.માં નેશનલ ગાર્ડ ગોળીબારના શંકાસ્પદ વ્યક્તિની ઓળખ રહેમાનુલ્લાહ લકનવાલ તરીકે થઈ છે, જે 29 વર્ષીય અફઘાન નાગરિક છે અને 2021 માં યુનાઇટેડ સ્ટેટ્સ પહોંચ્યો હતો.
‘આ હુમલા માટે ભારે કિંમત ચૂકવવી પડશે’
આ દરમિયાન, યુએસ પ્રમુખ ડોનાલ્ડ ટ્રમ્પે આ ઘટનાની નિંદા કરી અને કહ્યું કે આ હુમલાના ગુનેગારોને ભારે કિંમત ચૂકવવી પડશે. સોશિયલ મીડિયા પોસ્ટમાં, ટ્રમ્પે કહ્યું કે ગુનેગારોને ભારે કિંમત ચૂકવવી પડશે. તેમણે નેશનલ ગાર્ડની પ્રશંસા કરતા કહ્યું, “ભગવાન આપણા મહાન નેશનલ ગાર્ડ અને આપણી સમગ્ર સૈન્ય અને કાયદા અમલીકરણ એજન્સીઓને આશીર્વાદ આપે. તેઓ ખરેખર મહાન લોકો છે.” હું, યુનાઇટેડ સ્ટેટ્સના રાષ્ટ્રપતિ તરીકે, અને રાષ્ટ્રપતિ કાર્યાલય સાથે સંકળાયેલા દરેક વ્યક્તિ, તમારી સાથે ઉભો છું!
બે ઘાયલોની હાલત ગંભીર
FBI ડિરેક્ટર કાશ પટેલે પુષ્ટિ આપી કે સ્થાનિક હોસ્પિટલોમાં બે ઘાયલ સર્વિસ મેમ્બરોની હાલત ગંભીર છે. અધિકારીઓએ જણાવ્યું હતું કે બંદૂકધારીએ એકલા જ કૃત્ય કર્યું હોય તેવું લાગે છે અને તેનો હેતુ હજુ સુધી જાણી શકાયો નથી. પીડિતો અને શંકાસ્પદ વ્યક્તિની ઓળખ હજુ સુધી જાહેર કરવામાં આવી નથી.
500 વધારાના નેશનલ ગાર્ડ સૈનિકો તૈનાત
હુમલા બાદ, સંરક્ષણ સચિવ પીટ હેગસેથે જણાવ્યું હતું કે રાષ્ટ્રપતિ ટ્રમ્પે શહેરમાં સૈનિકો વધારવાની વિનંતી કરી હતી. “આ ઘટના વ્હાઇટ હાઉસથી થોડા જ પગલાં દૂર બની હતી, અને તેને સહન કરવામાં આવશે નહીં,” હેગસેથે પત્રકારોને જણાવ્યું હતું. “એટલા માટે જ રાષ્ટ્રપતિ ટ્રમ્પે મને અને હું સેના સચિવને વોશિંગ્ટન ડી.સી.માં 500 વધારાના નેશનલ ગાર્ડ સૈનિકો તૈનાત કરવા કહ્યું છે.”
આ પણ વાંચો— World News: હોંગકોંગના રહેણાંક ટાવર્સમાં ભીષણ આગમાં 44 લોકોના મોત; ઘણા ગુમ થવાની આશંકા
