પુતિનની આ વસ્તુઓ તેમની સુરક્ષા સાથે જોડાયેલી છે. આ મહિને ભારત આવી રહેલા પુતિનની મુલાકાત તમામ માટે આકર્ષણનું કેન્દ્ર બની છે.
સુરક્ષાના કડક બંદોબસ્ત ગોઠવાયા
રશિયાના રાષ્ટ્રપતિ પુતિન ભારત પ્રવાસે આવવાના છે. 4 અને 5 ડિસેમ્બરના રોજ તેમનો ભારત પ્રવાસ છે. તેમના માટે સુરક્ષાના કડક બંદોબસ્ત ગોઠવવામાં આવશે. અહીં રશિયાની સુરક્ષા ટીમ પહેલા જ પહોંચી ચુકી છે. કોઇપણ નેતાના આગમન પર વિશેષ સુરક્ષા પ્રોટોકોલનું પાલન કરવામાં આવે છે. પરંતુ અન્ય નેતાઓની તુલનામાં પુતિનની સુરક્ષા વ્યવસ્થા અલગ છે.
સ્થાનિકોમાં પહેલા જ એકત્ર થઇ જાય છે અદ્રશ્ય સેના
પુતિન જ્યાં પણ જાય છે. ત્યાં તેમના જવા પહેલા જ તેમની અદ્રશ્ય સેના પહોંચી જાય છે. અને સુરક્ષા વ્યવસ્થામાં તૈનાત થઇ જાય છે. ત્યાં તેઓ સ્થાનિકો અને સામાન્ય માહોલમાં ભળી જાય છે. ક્રૈમલિનના સુરક્ષા અધિકારીના કહ્યા અનુસાર વર્ષ 2022માં જાપાની પીએમ શિંજો આબેની હત્યા અને સ્લોવાકિયાના પીએમ રોબર્ટ ફિકોની હત્યાના પ્રયાસ બાદ વિશેષ રૂપથી પુતિનની સુરક્ષા વ્યવસ્થા સઘન કરવામાં આવી છે.
પોર્ટેબલ લેબ પણ હોય છે સાથે
પુતિનની સુરક્ષામાં લગાવવામાં આવેલી વિશેષ સેવાઓ તેમના જીવનની લગભગ તમામ પાસાઓને નિયંત્રિત કરે છે. પોર્ટેબલ લેબનો ઉપયોગ કરીને તેમના ભોજનમાં ઝેર અંગેની પણ તપાસ કરવામાં આવે છે. પુતિન દુનિયાના કોઇપણ ખૂણે જાય તો પણ તેમના ભોજન અંગે વિશેષ ધ્યાન આપવામાં આવે છે. તેથી જ તેમના કાફિલા સાથે પોર્ટેબલ લેબ પણ સાથે હોય છે.
અંગત રસોઇયાઓ સાથે હોય છે
રશિયાના રાષ્ટ્રપતિ પુતિનની સાથે તેમના અંગત રસોઇયાઓ પણ સાથે જ પ્રવાસ કરે છે. પુતિન કોઇપણ દેશમાં તેમના રસોઇયાના હાથે બનાવવામાં આવેલી રસોઇ જ જમે છે. અહીં પણ આ ભોજનને પોર્ટેબલ લેબમાં તપાસ કરવામાં આવે છે. અને બાદમાં જ પુતિન તેને આરોગે છે. રશિયાથી પુતિન માટે ભોજન અને પાણી સાથે લાવવામાં આવે છે. તેમની ટીમ ખાવા-પીવાની તમામ સુવિધાઓનું ખાસ ધ્યાન રાખે છે.
અંગત ટોયલેટ પણ હોય છે સાથે !
પુતિન પોર્ટેબલ ટોયલેટ પણ સાથે લઇને આવે છે. અન્ય દેશોમાં તેઓ પોતાના કોઇ અંશ છોડાવા માગતા નથી. આના માટે એ કારણ છે કે, જો પુતિનની કોઇપણ વસ્તુ વિદેશી ધરતી પર છૂટી જશે તો તેમના સ્વાસ્થ્ય અંગેની માહિતી સૌ કોઇને મળી જશે. અને તે રાષ્ટ્રીય સુરક્ષાનો મુદ્દો બની શકે છે. તેથી પુતિન ભારત પ્રવાસ દરમિયાન પોતાની તમામ જરુરિયાતની વસ્તુઓ સાથે લઇને આવશે.
આ પણ વાંચોઃ Madhya Pradesh News: રાયસેનના બરેલી-પિપરિયા માર્ગ પર પુલનો ભાગ ધરાશાયી, 4 બાઇક નદીમાં ખાબકી, 10 ઘાયલ
