લિયામ લિવિંગસ્ટોને 16 ડિસેમ્બરે ઇન્ટરનેશનલ લીગ T20 મેચમાં ડેઝર્ટ વાઇપર્સ સામે પોતાની ટીમ અબુ ધાબી નાઈટ રાઇડર્સ માટે શાનદાર ફટકાબાજી કરતા SRHમાં ખુશી છવાઈ ગઈ છે.
લિવિંગસ્ટોની 48 બોલમાં શાનદાર ફટકાબાજી
ઈંગ્લેન્ડના સ્ટાર ઓલરાઉન્ડર લિયામ લિવિંગસ્ટને 16 ડિસેમ્બરે ઇન્ટરનેશનલ લીગ T20 મેચમાં ડેઝર્ટ વાઇપર્સ સામે પ્રથમ બેટિંગ કરીને પોતાની ટીમ અબુ ધાબી નાઈટ રાઇડર્સ માટે એવી જોરદાર ફટકાબાજી કરી કે તે સિઝનનો તેમનો બીજો સૌથી મોટો સ્કોર બની ગયો. સ્ટાર ઓલરાઉન્ડર લિયામ લિવિંગસ્ટને આ મેચમાં ચોથા નંબરે બેટિંગ કરતા 48 બોલમાં 76 રન ફટકાર્યા હતા. આ મેચમાં તેણે છ ચોગ્ગા અને ત્રણ છગ્ગા ફટકાર્યા હતા.
ટીમે એક રનથી મેચ જીતી લીધી
અબુ ધાબી નાઈટ રાઈડર્સે આ મેચમાં પ્રથમ બેટિંગ કરીને 20 ઓવરમાં પાંચ વિકેટે 181 રન બનાવ્યા હતા અને સામે પક્ષે ડેઝર્ટ વાઇપર્સને જીતવા માટે 182 રનના લક્ષ્યની જરૂર હતી, જેના બદલામાં ડેઝર્ટ વાઇપર્સ 20 ઓવરમાં 6 વિકેટે 180 રન બનાવી શકી અને માત્ર એક રનથી તેઓ મેચ હારી ગયા હતા .
લિવિંગસ્ટન માટે રૂપિયાનો વરસાદ
SRHના માલિક કાવ્યા મારન જાણે છે કે આઇપીએલના શોર્ટ ફોર્મેટમાં ફટકાબાજી કરતાં ખેલાડીઓનું ટીમમાં હોવું ખૂબ જરૂરી હોય છે, અને આજ કારણ છે કાવ્યા મારને પોતાની તિજોરી ખોલી નાખી હતી. IPL 2026ની હરાજીના પહેલા રાઉન્ડમાં તે વેચાયો ન હતો, પરંતુ જ્યારે તેનું નામ બીજી વખત સામે આવ્યું, ત્યારે સનરાઇઝર્સ હૈદરાબાદે ₹13 કરોડમાં લિવિંગસ્ટનને ટીમ માટે નક્કી કરી લીધો. શરૂઆતમાં KKR એ લિવિંગસ્ટોન માટે બોલી લગાવવાનું શરૂ કર્યું, અને પછી ગુજરાત પણ તેમાં જોડાયું હતું પરંતુ અંતમાં બાજી સનરાઇઝર્સ હૈદરાબાદે મારી.
