અમેરિકામાં epstein ફાઇલ્સને લઈને સતત નવા દાવાઓ સામે આવી રહ્યા છે. તાજેતરમાં US જસ્ટિસ ડિપાર્ટમેન્ટે epstein કેસની તપાસના ભાગરૂપે આશરે 3 લાખ દસ્તાવેજો જાહેર કર્યા હોવાનો દાવો કરવામાં આવ્યો છે. આ દસ્તાવેજોમાં કેટલીક તસવીરો અને નોંધો સામેલ છે, જેને લઈને રાજકીય હલચલ જોવા મળી રહી છે.
દાવા અનુસાર શું છે ?
દાવા મુજબ, જાહેર થયેલી કેટલીક તસવીરોમાં ભૂતપૂર્વ રાષ્ટ્રપતિ બિલ ક્લિન્ટન સ્વિમિંગ પુલમાં મહિલાઓ અને યુવતીઓ સાથે પાર્ટી કરતા જોવા મળે છે. જોકે, આ તસવીરો ક્યારે અને કયા સંદર્ભમાં લેવામાં આવી હતી તે અંગે સત્તાવાર પુષ્ટિ કરવામાં આવી નથી. આ દસ્તાવેજોમાં પોપ ગાયક માઈકલ જેક્સન અને હોલીવુડ અભિનેતા ક્રિસ ટકર જેવા જાણીતા નામોનો ઉલ્લેખ પણ હોવાનો દાવો છે. એક તસવીરમાં બિલ ક્લિન્ટન, માઈકલ જેક્સન અને ગાયિકા ડાયના રોસ સાથે ઉભા હોવાનું બતાવવામાં આવ્યું છે, જ્યારે આ તસવીરમાં જેફરી એપ્સટિન દેખાતા નથી.
એપ્સટિન પર ગંભીર આરોપો
અબજોપતિ જેફરી epstein પર સગીર યુવતીઓની તસ્કરી અને શોષણના ગંભીર આરોપો લાગ્યા હતા. આરોપ મુજબ, તે પોતાની ઓળખાણ ધરાવતા ઉચ્ચ પ્રોફાઇલ લોકોને યુવતીઓ સાથે મળાવતો હતો. અનેક મહિલાઓએ વર્ષો પછી epstein સામે ગંભીર આરોપો લગાવ્યા હતા, જેના પગલે કેસ ફરીથી ચર્ચામાં આવ્યો.
ટ્રમ્પનો ઓછો ઉલ્લેખ
ફાઇલોમાં એવો દાવો પણ કરવામાં આવ્યો છે કે ભૂતપૂર્વ રાષ્ટ્રપતિ ડોનાલ્ડ ટ્રમ્પ અને epstein વચ્ચે 1990 અને 2000ના શરૂઆતના વર્ષોમાં સામાજિક ઓળખાણ હતી. જોકે, તાજેતરમાં જાહેર કરાયેલી તસવીરોમાં ટ્રમ્પનો ખાસ ઉલ્લેખ નથી હોવાનું જણાવાય છે.
તપાસ હજુ ચાલુ
રિપબ્લિકન સાંસદોના દબાણ બાદ ભૂતપૂર્વ રાષ્ટ્રપતિ ટ્રમ્પે નવેમ્બર મહિનામાં એક કાયદા પર હસ્તાક્ષર કર્યા હતા, જેમાં ન્યાય વિભાગને epstein સંબંધિત તમામ ફાઇલો અને સંદેશાવ્યવહાર રેકોર્ડ્સ જાહેર કરવાનો આદેશ આપવામાં આવ્યો હતો. આમાં જેલમાં epsteinના મૃત્યુ સંબંધિત દસ્તાવેજો પણ સામેલ છે.
ક્લિન્ટન તરફથી પ્રતિક્રિયા
ભૂતપૂર્વ રાષ્ટ્રપતિ બિલ ક્લિન્ટનના પ્રવક્તાએ દાવો કર્યો છે કે epsteinની તપાસ ક્લિન્ટન વિશે નથી. તેમના જણાવ્યા અનુસાર, વર્ષો જૂની તસવીરો રજૂ થવાથી હકીકતો બદલાતી નથી. તેમણે કહ્યું કે ગુનાઓ સામે આવ્યા પહેલા જ ક્લિન્ટને epstein સાથેના સંબંધો તોડી નાખ્યા હતા. જેફરી epsteinને વર્ષ 2019માં ફરીથી ધરપકડ કરીને જેલમાં મોકલવામાં આવ્યો હતો. થોડા સમય બાદ જ તે જેલમાં મૃત હાલતમાં મળ્યો હતો. અધિકારીઓએ તેને આત્મહત્યા જાહેર કરી હતી, પરંતુ આ મામલો આજે પણ શંકાના ઘેરામાં છે. સાથે તમામ ન્યૂઝની પોષ્ટી સંદેશ ન્યૂઝ કરતું નથી.
