છેલ્લા કેટલાક વર્ષોમાં પાકિસ્તાની ક્રિકેટ ટીમના ધોરણોમાં ઘટાડો થયો છે. પરિણામે પાકિસ્તાની ખેલાડીઓ અને ટીમને નિશાન બનાવતા ટ્રોલર્સની કોઈ કમી નથી.
સામાન્ય રીતે ક્રિકેટમાં પ્લેયર ઓફ ધ મેચને ચમકતી ટ્રોફી અને લાખો રૂપિયાનું ઈનામ મળે છે. પરંતુ જો કોઈ પાકિસ્તાની ખેલાડીને “મેન ઓફ ધ મેચ” તરીકે પસંદ કરવા બદલ બકરી અને તેલની બે ભારે બોટલ મળે? આવો એક વીડિયો સોશિયલ મીડિયા પર વાયરલ થઈ રહ્યો છે, પરંતુ સત્ય શું છે? તે જાણો
જાણો શું છે વાયરલ વીડિયોનું સત્ય
સોશિયલ મીડિયા પર વાયરલ થઈ રહેલા એક વીડિયોમાં પાકિસ્તાની જર્સીમાં એક ક્રિકેટર પ્લેયર ઓફ ધ મેચનો એવોર્ડ લેવા પહોંચે છે. તેને ઈનામ તરીકે એક બકરી આપવામાં આવી હતી, જે તેની સામે મૂકવામાં આવી હતી. તેને તેલની બે બોટલ પણ આપવામાં આવી હતી. પોસ્ટમાં દાવો કરવામાં આવ્યો છે કે પાકિસ્તાનમાં પ્લેયર ઓફ ધ મેચ જીતવા બદલ પણ આવો જ એવોર્ડ આપવામાં આવે છે. પરંતુ આ વીડિયો વિશે તપાસ કરતાં જાણવા મળ્યું કે આ વીડિયો નકલી છે અને AI નો ઉપયોગ કરીને બનાવવામાં આવ્યો છે.
હેર ડ્રાયર અને ટ્રીમર જેવી ગિફ્ટ
વાયરલ વીડિયો નકલી હોવાનું બહાર આવ્યું છે, પરંતુ પાકિસ્તાન સુપર લીગમાં ખેલાડીઓને વિચિત્ર ગિફ્ટ મળવાના કિસ્સાઓ બન્યા છે. કરાચી કિંગ્સ તરફથી રમતા જેમ્સ વિન્સને મુલતાન સુલ્તાન્સ સામે સદી ફટકારવા બદલ હેર ડ્રાયર ગિફ્ટમાં આપવામાં આવ્યું હતું.
કરાચી કિંગ્સ તરફથી રમતા પાકિસ્તાની ઓલરાઉન્ડર હસન અલીને પણ તેના મેચ વિનિંગ પર્ફોમન્સ બાદ ટ્રીમર ગિફ્ટમાં આપવામાં આવ્યું હતું. આ ઘટનાઓ AI દ્વારા બનાવવામાં આવી ન હતી. ખેલાડીઓને ખરેખર હેર ડ્રાયર અને ટ્રીમર જેવા ગિફ્ટ મળ્યા છે.
આ પણ વાંચો: ના વિરાટ, ના રોહિત… 2 વર્ષમાં બદલાઈ ગઈ ચેમ્પિયન ટીમ, વર્લ્ડકપ 2026માં સ્ટાર ખેલાડીઓ નથી ટીમનો ભાગ
