રોહિત શર્માના ઘરેલુ ક્રિકેટમાં પરત ફરવાથી ફેન્સનો ઉત્સાહ આસમાને છે. મુંબઈએ 24 ડિસેમ્બરે જયપુરમાં સિક્કિમ સામે વિજય હજારે ટ્રોફીની પોતાની શરૂઆતની મેચ રમી હતી. જ્યારે લોકો ‘હિટમેન’ને જોવા માટે સવાઈ માનસિંહ સ્ટેડિયમમાં ઉમટી પડ્યા હતા, ત્યારે એક નાના ફેને એવી યાદ બનાવી જે ઝડપથી દિવસની સૌથી હૃદયસ્પર્શી ક્ષણ બની ગઈ.
વિરાટના નાના ફેનને રોહિત શર્માએ કર્યું હગ
જયપુરમાં મેચ પછી વિરાટ કોહલીની 18 નંબરની ભારત ટેસ્ટ જર્સી પહેરેલો એક નાનો ફેન રોહિત તરફ દોડી ગયો અને તેના પગ સ્પર્શ કરવાનો પ્રયાસ કર્યો. રોહિતે પ્રેમથી બાળકને રોક્યો અને તેને ગળે લગાવ્યો.
આ સરળ છતાં અસરકારક હાવભાવને પ્રેક્ષકોએ તાળીઓના ગડગડાટથી વધાવી લીધો. આ ઈમોશનલ મોમેન્ટ સોશિયલ મીડિયા પર શેર કરવામાં આવી રહી છે, જેમાં દરેક વ્યક્તિ “હિટમેન” ના દયાળુ હાવભાવના વખાણ કરી રહ્યા છે.
રોહિત શર્માની ધમાકેદાર ઈનિંગ
જયપુરના ઈન્ટરનેશનલ સ્ટેડિયમમાં રોહિત શર્માએ દર્શકોનું મનોરંજન કરવામાં કોઈ કસર છોડી નહીં. તેને 94 બોલમાં 155 રનની વિસ્ફોટક ઈનિંગ રમી, જેનાથી મુંબઈ સિક્કિમ સામે 8 વિકેટથી જીત મેળવી શક્યું. રોહિત 7 વર્ષ પછી વિજય હજારે ટ્રોફી મેચમાં રમી રહ્યો હતો. તેને જોવા માટે મોટી ભીડ એકઠી થઈ હતી.
સિક્કિમની મુંબઈ સામે હાર
સિક્કિમે ટોસ જીતીને પહેલા બેટિંગ કરવાનો નિર્ણય લીધો. તેમને 50 ઓવરમાં 7 વિકેટે 236 રન બનાવ્યા. મુંબઈને જીત માટે 237 રનનો ટાર્ગેટ મળ્યો. ત્યારબાદ રોહિત શર્મા અને અંગક્રિશ રઘુવંશીએ મુંબઈ માટે ઈનિંગની શરૂઆત કરી, પરંતુ “હિટમેન” ઝડપથી રમ્યો, જેના કારણે મેચ એકતરફી બની ગઈ. અંતે સરફરાઝ ખાન અને મુશીર ખાને મુંબઈને જીત સુધી પહોંચાડ્યું.
આ પણ વાંચો: Virat Kohli ક્રિસમસ પર બન્યો સાન્તાક્લોઝ, બાળકોને આપી ગિફ્ટ, વાયરલ થયો VIDEO
