- AUSનો બીજો સૌથી સફળ બેટ્સમેન બન્યો ડેવિડ વોર્નર
- ડેવિડના નામે આંતરરાષ્ટ્રીય ક્રિકેટમાં 49 શતક અને 93 અર્ઘશતક છે
- મેલબોર્ન ટેસ્ટમાં 38 રન બનાવી વોર્નરે બન્યો બીજો સફળ બેટ્સમેન
ડેવિડ વોર્નરે પોતાના કરીયારના અંતિમ તબક્કામાં ઈતિહાસ રચ્યો છે. ઓસ્ટ્રેલિયાના પૂર્વ કેપ્ટન સ્ટીવ વો ને પાછળ છોડીને ડેવિડ વોર્નર આંતરરાષ્ટ્રીય ક્રિકેટમાં સૌથી વધુ રન ફટકારી બીજો સફળ બેટ્સમેન બન્યો છે. 37 વર્ષના આ અનુભવી બેટ્સમેને મેલબોર્ન ટેસ્ટની પ્રથમ ઇનિંગ્સમાં 38 રન બનાવીને એક ખાસ સિદ્ધિ મેળવી છે. તે ક્રિકેટના ઈતિહાસમાં કાંગારૂ ટીમ માટે સૌથી વધુ રન બનાવનાર બીજો બેટ્સમેન બની ગયો છે. તેના પહેલા આ ખાસ સિદ્ધિ પૂર્વ કેપ્ટન અને મહાન બેટ્સમેન સ્ટીવ વો ના નામે નોંધાયેલી હતી.
સ્ટીવ વો અને ડેવિડ વોર્નરની શતક અને અર્ઘશતક
સ્ટીવ વો 1985 થી 2004 વચ્ચે ઓસ્ટ્રેલિયા માટે કુલ 493 મેચો રમી હતી. આ સમયગાળા દરમિયાન તેના બેટમાંથી 548 ઇનિંગમાં 41.65ની એવરેજથી 18,496 રન બનાવ્યા હતા. સ્ટીવ વોના નામે આંતરરાષ્ટ્રીય ક્રિકેટમાં 35 શતક અને 45 અર્ઘશતક નોઘાયોલ છે. આંતરરાષ્ટ્રીય ક્રિકેટમાં તેનો સ્ટ્રાઈક રેટ 57.03 હતો. જ્યારે મેલબોર્નમાં રમાયેલી 38 રનની ઇનિંગ બાદ વોર્નરે તેને પાછળ છોડી દીધો છે. વોર્નરે 2009 થી કાંગારૂ ટીમ માટે 371 આંતરરાષ્ટ્રીય મેચ રમી છે. આ દરમિયાન તેણે 460 ઇનિંગમાં 42.56ની એવરેજથી પોતાના બેટથી 18,515 રન બનાવ્યા છે. વોર્નરના નામે આંતરરાષ્ટ્રીય ક્રિકેટમાં 49 શતક અને 93 અર્ઘશતક ફટકાર્યા છે. અહીં તેનો સ્ટ્રાઈક રેટ 85.98 છે.
ભૂતપૂર્વ કેપ્ટન રિંકી પોન્ટિંગના નામે સૌથી વધુ રન
ઓસ્ટ્રેલિયા માટે આંતરરાષ્ટ્રીય ક્રિકેટમાં સૌથી વધુ રન બનાવવાનો વિશેષ રેકોર્ડ ભૂતપૂર્વ કેપ્ટન રિંકી પોન્ટિંગના નામે નોંધાયેલ છે. પોન્ટિંગે 1995થી 2012 વચ્ચે કાંગારૂ ટીમ માટે કુલ 559 મેચોમાં ભાગ લીધો હતો. આ દરમિયાન તેના બેટમાંથી 667 ઇનિંગમાં 45.84ની એવરેજથી 27,368 રન બનાવ્યા હતા. આંતરરાષ્ટ્રીય ક્રિકેટમાં તેના બેટમાંથી 70 શતક અને 146 અર્ઘશતક નિકળ્યા છે.
મેલબોર્નમાં ઓસ્ટ્રેલિયાનું પલડું ભારી
ઓસ્ટ્રેલિયા પ્રથમ દાવમાં 318 રનમાં ઓલઆઉટ થયા બાદ, પાકિસ્તાને તેનો પ્રથમ દાવ ઘાકડ રીતે શરૂ કર્યો હતો, પરંતુ મધ્યમ ક્રમના બેટ્સમેનો ફરી એકવાર ફ્લોપ થયા પછી, તેઓ બીજા દિવસના અંત સુધીમાં સંકટની સ્થિતિમાં દેખાતા હતા. પાકિસ્તાન ટીમે તેના પ્રથમ દાવમાં 196 રનના સ્કોર પર છ વિકેટ ગુમાવી દીધી. મોહમ્મદ રિઝવાન મેદાનમાં ટકી રહ્યો છે, જે ટીમ માટે આશાનું કિરણ પૂરું પાડ્યું છે. દિવસના અંત સુધીમાં છઠ્ઠા નંબર પર બેટિંગ કરતી વખતે તેણે 34 બોલનો સામનો કરી 29 રન બનાવી અણનમ રહ્યા છે.
