- ભારત નિર્મિત તેજસ એરક્રાફ્ટની ડિમાન્ડ વધુ
- તેજસ એરક્રાફ્ટને ખરીદવા 4 દેશો છે લાઇનમાં
- તેજસ ફાઇટર પ્લેનમાં છે ખાસ વિશેષતાઓ
ભારત આત્મનિર્ભરતા તરફ આગળ વધી રહ્યુ છે. પીએમ મોદી લોકલ ફોર વોકલને પ્રાધાન્ય આપી રહ્યા છે. તો બીજી તરફ સ્મોલ બિઝનેસને પણ સારુ સ્ટાર્ટ અપ મળી રહ્યુ છે. તેવામાં હવે ભારત સંરક્ષણ ક્ષેત્રે પણ આત્મનિર્ભરતા તરફ વધી રહ્યુ છે. હમણા થોડા સમય પહેલા જ પીએમ મોદીએ સ્વદેશી તેજસ એરક્રાફ્ટમાં ઉડાન ભરી હતી. ત્યારે હવે આ ભારત નિર્મિત ફાઇટર પ્લેનનો બોલબાલા ખાસ્સી વધી ગઇ છે.એક બે નહી પરંતુ વિશ્વના ચાર દેશો તેને ખરીદવા લાઇનમાં ઉભા છે.
તેજસ એર ક્રાફ્ટની બોલબાલા
મહત્વનું છે કે તેજસ એ ભારતમાં વિકસિત પ્રથમ સ્વદેશી ફાઇટર એરક્રાફ્ટ છે. જે દુનિયાભરમાં ધૂમ મચાવી રહ્યુ છે. અમેરિકા સહિત ઘણા દેશોએ તેના ગુણોની પ્રશંસા કરી છે. તે એક એન્જીન ધરાવતું વિમાન છે જે કોઈપણ સંજોગોમાં તેનું કામ કરી શકે છે. આ જ કારણ છે કે હવે આ વિમાન ખરીદવા માટે વિશ્વના ઘણા દેશોમાં સ્પર્ધા ચાલી રહી છે. દરેક વ્યક્તિ પોતાના યુદ્ધ કાફલામાં આ ભારતીય ટેક્નોલોજીનો સમાવેશ કરીને પોતાને મજબૂત કરવા માંગે છે.
તેજસ ખરીદવા આ દેશો કતારમાં
ભારતીય યુદ્ધ જહાજો ખરીદવા માટે નાઈજીરિયા, ફિલિપાઈન્સ, આર્જેન્ટિના અને ઈજિપ્ત કતારમાં છે. HALના ચેરમેન અનંતક્રિષ્નનના જણાવ્યા અનુસાર આ તમામ દેશો પાસેથી સંભવિત ખરીદી માટે વાતચીત ચાલી રહી છે. પીટીઆઈના અહેવાલ મુજબ, જો વાતચીત સફળ થશે તો આ દેશોને તેજસ સપ્લાય કરવામાં આવશે. ખાસ વાત એ છે કે આર્જેન્ટિનાને તેજસ સપ્લાય કરવા માટે અલગ રૂટ શોધવામાં આવશે.
શું છે તેજસ એરક્રાફ્ટની વિશેષતા
તેજસ ભારતમાં ઉત્પાદિત સ્વદેશી ફાઇટર એરક્રાફ્ટ ભારતનું સ્પીડ સ્ટાર છે, એલ્યુમિનિયમ, લિથિયમ એલોય સાથે ફાઇબર સંયુક્ત સ્ટીલનું બનેલું છે. એટલા માટે તે અન્ય ફાઈટર પ્લેનની સરખામણીમાં ખૂબ જ હલકું છે. સૌથી મહત્વની વાત એ છે કે લાઈટ હોવાના કારણે આ ફાઈટર પ્લેનને લેન્ડિંગ અને ટેક ઓફ માટે ખૂબ જ ટૂંકા રનવેની જરૂર પડે છે. આ એરક્રાફ્ટને 2019માં જ સેનામાં સામેલ કરવામાં આવ્યું હતું. ત્યારથી તે સતત દુનિયા પર પોતાની છાપ છોડી રહી છે.
અન્ય દેશોમાં તેજસ કેમ લોકપ્રિય ?
તેજસ પોતાની સાથે મોટા પ્રમાણમાં હથિયારો લઈ જઈ શકે છે. સૌથી મહત્વની બાબત એ છે કે તે દુર્ગમ વિસ્તારોમાં પણ લેન્ડિંગ અને ટેક ઓફ કરવાની શક્તિ ધરાવે છે. હવામાન પણ તેજસ માટે કોઈ અડચણ ઊભી કરી શકતું નથી. તેનું રડાર હવાથી હવા તેમજ હવાથી જમીન પર પ્રહાર કરવા માટે પણ સક્ષમ છે. તેની ઝડપ અને રડારથી બચવાની ક્ષમતા સાથે, તેજસમાં એવી ઘણી વિશેષતાઓ છે જે નવી પેઢીના અન્ય ફાઈટર જેટ પાસે નથી. તેથી જ તેની વિશેષતાઓને કારણે ફાઈટર પ્લેન તેજસે સમગ્ર વિશ્વનું ધ્યાન પોતાની તરફ ખેંચ્યું છે.
તેજસની આ છે મુખ્ય ખાસિયત
તેજસ એરક્રાફ્ટ એક સાથે લગભગ 10 ટાર્ગેટને નિશાન બનાવી શકે છે, એરક્રાફ્ટને આ ગુણવત્તા તેના રડારના કારણે મળી છે. આ રડાર ઈઝરાયેલથી લેવામાં આવ્યું છે. જોકે, તેના અડધાથી વધુ સ્પેરપાર્ટ્સ ભારતીય છે. જો ભારતીય વાયુસેનાના કાફલાની વાત કરીએ તો અત્યારે ભારત પાસે સુખોઈ, મિગ, મિરાજ, રાફેલ અને જગુઆર ફાઈટર જેટ છે, પરંતુ સૌથી ખાસ અને પ્રખ્યાત ફાઈટર પ્લેન તેજસ છે. તેથી જ ભારત પાસેથી આ વિમાન ખરીદવા માટે વિશ્વના ઘણા દેશોમાં સ્પર્ધા છે.
