ગૌતમચંદ્રજી સ્વામીના ૬૫મા જન્મદિન નિમિત્તે ‘માનસ સવાલનું સ્વામિ વાત્સલ્ય’ સંપન્ન
સ્વાદિષ્ટ સવાલની સ્પર્ધામાં ૧૦ ટીમો વચ્ચે રસાકસી: ‘શાહી કાજુ મેસુબ – ડ્રાય ફ્રૂટ કચોરી’ ટીમ પ્રથમ વિજેતા
આણંદપરવાળા સંઘવી પરિવાર દ્વારા પ્રાર્થના, વ્યાખ્યાન, ૧૦૮ એકાસણા પ્રશ્નમંચ અને પ્રતિક્રમણનો ઉદાર લાભ
અગ્ર ગુજરાત, રાજકોટ
પૂ.ગ.આ.ગુરુદેવ ભાવચંદ્રજી સ્વામીની પાવનકારી નિશ્રામાં ગૌતમચંદ્રજી સ્વામીના ૬૫મા જન્મદિવસના શુભ અવસરે ‘માનસ સવાલનું સ્વામિ વાત્સલ્ય’ ઉત્સાહ અને ભક્તિભાવ સાથે ઉજવાયું હતું. આ અનોખા સ્વાદિષ્ટ સવાલના સ્વામિ વાત્સલ્યમાં કુલ ૧૦ ટીમોએ ઉત્સાહભેર ભાગ લઈ પોતાની કલા અને સ્વાદનું કૌશલ્ય રજૂ કર્યું હતું.
યોજાયેલ રોમાંચક સ્પર્ધામાં વિવિધ વાનગીઓ અને સ્વાદના સંયોજન સાથે ભાગ લેનાર ટીમોમાંથી શ્રેષ્ઠ પ્રદર્શન કરનાર ટીમમાં પ્રથમ વિજેતા ટીમ ‘શાહી કાજુ મેસુબ – ડ્રાય ફ્રૂટ કચોરી’ (કેપ્ટન: દેવાંગી ખંધાર), દ્વિતીય વિજેતા ટીમ ‘શાહી મોદક – મસાલા કાજુ’ (કેપ્ટન: મીનાબેન ગોસલીયા), તૃતીય વિજેતા ટીમ ‘કેસર જલેબી ફાફડા’ (કેપ્ટન: હર્ષાબેન દોશી) જાહેર કરવામાં આવ્યા હતા.
આ પાવન અવસરે યોજાયેલ પ્રાર્થના, વ્યાખ્યાન, ૧૦૮ એકાસણા પ્રશ્નમંચ તથા સાંજે પ્રતિક્રમણ સહિતના સમગ્ર ધાર્મિક આયોજનોની અનુમોદના સાથે માતુશ્રી પ્રભાવતીબેન શાંતિલાલ સંઘવી, હ. પ્રજ્ઞાબેન કિશોરભાઈ સંઘવી તથા નિપાબેન જિતેન્દ્ર સંઘવી (આણંદપરવાળા) પરિવારે લાભ લીધો હતો. સમગ્ર આયોજન દરમિયાન ઉપસ્થિત સૌ ભાવિકો અને લાભાર્થી પરિવારને ભાવભરી અનુમોદના પાઠવવામાં આવી હતી.


