અમેરિકામાં ચાલી રહેલા ટેરિફ વોર વચ્ચે રાષ્ટ્રપતિ ડોનાલ્ડ ટ્રમ્પના સ્વાસ્થ્ય અંગે મોટી અપડેટ સામે આવી છે. આ સંદર્ભમાં, વ્હાઇટ હાઉસે શુક્રવારે ટ્રમ્પની શારીરિક અને માનસિક સ્વાસ્થ્ય તપાસ કરી. જોકે, તેમનો મેડિકલ રિપોર્ટ હજુ સુધી જાહેર કરવામાં આવ્યો નથી. ટ્રમ્પે પોતે કહ્યું છે કે રિપોર્ટમાંં “હૃદય, આત્મા અને માનસિક સ્વાસ્થ્ય સંપૂર્ણ સ્વસ્થ છે.”
5 કલાક સુધી ચાલ્યુ મેડિકલ ચેક-અપ
રાષ્ટ્રપતિ ટ્રમ્પ શુક્રવારે લગભગ પાંચ કલાક સુધી વોલ્ટર રીડ નેશનલ મિલિટરી મેડિકલ સેન્ટરમાં રહ્યા, જ્યાં તેમણે અનેક મેડિકલ ટેસ્ટ કરાવ્યા. આ દરમિયાન તેમણે મીડિયાને કહ્યું, “મને લાગે છે કે મારા બધા ટેસ્ટ પોઝિટીવ છે.”
ટ્રમ્પ બિડેન કરતા ત્રણ વર્ષ નાના છે
78 વર્ષીય ટ્રમ્પ જાન્યુઆરી 2025 માં અમેરિકાના સૌથી વૃદ્ધ રાષ્ટ્રપતિ તરીકે શપથ લેશે. તેઓ વર્તમાન રાષ્ટ્રપતિ જો બિડેન કરતા ત્રણ વર્ષ નાના છે. જોકે ટ્રમ્પે ઘણીવાર જાહેર પ્લેટફોર્મ પર બિડેનની માનસિક અને શારીરિક ક્ષમતાઓ પર સવાલ ઉઠાવ્યા છે, પરંતુ તેમણે પોતે હજુ સુધી તેમના મેડિક રિપોર્ટ જાહેર કર્યા નથી.
રવિવાર સુધીમાં રિપોર્ટ આવવાની અપેક્ષા છે.
વ્હાઇટ હાઉસના પ્રેસ સેક્રેટરી કેરોલિન લેવિટે જણાવ્યું હતું કે રાષ્ટ્રપતિ ટ્રમ્પનું ચેક-અપ કરવામાં આવી રહ્યું છે અને રિપોર્ટ મળતાં જ રિપોર્ટ વિશેની માહિતી શેર કરવામાં આવશે. ટ્રમ્પે કહ્યું છે કે તેમને રવિવાર સુધીમાં તેમનો મેડિકલ રિપોર્ટ મળી જશે તેવી આશા છે.
મેડિકલ રેકોર્ડ હજુ સુધી જાહેર થયા નથી
જોકે, ટ્રમ્પે અત્યાર સુધી પોતાના મેડિકલ રેકોર્ડ જાહેર કરવાનું ટાળ્યું છે. ગયા વર્ષે એક ઇન્ટરવ્યુમાં, તેમણે ટૂંક સમયમાં રિપોર્ટ જાહેર કરવાનો દાવો કર્યો હતો, પરંતુ તે હજુ સુધી પૂર્ણ થયો નથી. અમેરિકામાં, મેડિકલ રિપોર્ટ્સને ગોપનીયતાનો વિષય માનવામાં આવે છે, તેથી રાષ્ટ્રપતિને પણ સ્વતંત્રતા છે કે તેઓ ઈચ્છે તો રિપોર્ટને જાહેર કરે કે ન કરે.
