જળાશયોમાં પાણીની આવક : આજી-૨ સહિત ૧૧ ડેમ વોર્નિંગ પર

જળાશયોમાં પાણીની આવક : આજી-૨ સહિત ૧૧ ડેમ વોર્નિંગ પર

૨૦૬ ડેમમાં ૪૦.૯૭ ટકા જથ્થો, નર્મદાની સપાટી ૪૧૭.૫૨ ફૂટે પહોંચી : ૫ ડેમ ૧૦ ટકા છલોછલ, ૧૧ હાઇએલર્ટ : નિચાણવાળા વિસ્તારોને ચેતવણી અપાઇ

અગ્ર ગુજરાત, રાજકોટ

રાજ્યભરમાં મેઘમહેર થતા જળાશયોમાં નવા નીરની ધીંગી આવક થઈ રહી છે. 17 જુલાઈ 2026 ના સવારે 08:00 વાગ્યા સુધીના સત્તાવાર ડેટા મુજબ, રાજ્યની જીવાદોરી સમાન સરદાર સરોવર નર્મદા ડેમમાં પાણીની માતબર આવક નોંધાઈ છે, અને રાજ્યના અનેક ડેમો હાઈ એલર્ટ પર છે.  ગુજરાતની જીવાદોરી સમાન નર્મદા સરદાર સરોવર ડેમ માં પાણીની આવકમાં નોંધપાત્ર વધારો થયો છે. સરદાર સરોવર નર્મદા ડેમની કુલ 454.98 ફૂટની સપાટી સામે હાલની જળસપાટી (PWL) 417.42 ફૂટ પર પહોંચી ગઈ છે. વધુમાં, નર્મદા ડેમમાં2,22,028 mcft જળસંગ્રહ થયેલો છે.

સરદાર સરોવર સિવાય રાજ્યના અન્ય 206 જળાશયોમાં કુલ સંગ્રહ 2,28,548 mcft છે, જે કુલ સંગ્રહ ક્ષમતાના 40.97 ટકા જેટલો છે.  જેમાં પાંચ ડેમ ૧૦૦ ટકા ભરાયેલ, ૨૧ ડેમ 70% થી 100% વચ્ચે ભરાયેલ, ૨3 ડેમ 50% થી 70% વચ્ચે ભરાયેલ, ૫૧ ડેમ 25% થી 50% વચ્ચે ભરાયેલ, ૧૦૬ ડેમ 25% થી નીચે ભરાયેલ છે.

રાજયમાં સતત પાણીની આવક વતા તંત્ર દ્વારા વિવિધ ડેમો માટે ચેતવણી જારી કરવામાં આવી છે.

રાજ્યના જે 11 ડેમ 90 ટકીથી વધુ ભરાઈ ગયા છે, તેમને હાઈ એલર્ટ પર રાખવામાં આવ્યા છે. જેમાં અમરેલીનો ધાતરવડી અને સુરજવાડી, ભાવનગરનો રોજકી અને શેત્રુંજી તથા તાપીનો દોસવાડા ડેમ સંપૂર્ણ ભરાઈ ચૂક્યા છે.

સુરેન્દ્રનગર-વઢવાણનો ધોળીધજા ડેમ (88.92%), ભાવનગરનો માલણ ડેમ (87.33%) અને ગીર-સોમનાથનો રાવલ ડેમ (80.47%) એલર્ટ પર મુકવામાં આવ્યા છે.

આ સિવાય અન્ય 12 ડેમોને ‘વોર્નિંગ’ (Warning) પર રાખવામાં આવ્યા છે. જેમાં ભાવનગરનો ખારો ડેમ, રાજકોટનો આજી-II અને લાલપરી ડેમ, બોટાદનો કાળુભાર સહિતના ડેમોનો સમાવેશ થાય છે.

ડેમોમાં પાણીની આવક વધવાથી ખેડૂતોમાં સિંચાઈ માટે ખુશીની લહેર જોવા મળી રહી છે, જ્યારે નીચાણવાળા વિસ્તારોમાં રહેતા લોકોને નદીપટમાં ન જવા અને સાવચેત રહેવા તંત્ર દ્વારા અપીલ કરવામાં આવી છે. સતત મોનિટરિંગ દ્વારા ડેમની સપાટી પર ચાંપતી નજર રાખવામાં આવી રહી છે

હાઇએલર્ટ ડેમોની યાદી