મહિલા પ્રીમિયર લીગ 2025 14 ફેબ્રુઆરીથી શરૂ થવા જઈ રહી છે. પહેલી મેચ ડિફેન્ડિંગ ચેમ્પિયન રોયલ ચેલેન્જર્સ બેંગ્લોર અને ગુજરાત જાયન્ટ્સ વચ્ચે રમાશે. ટુર્નામેન્ટ પહેલા RCB ને મોટો ઝટકો લાગ્યો છે. ટીમની સ્ટાર ખેલાડી સોફી ડિવાઈન ટુર્નામેન્ટમાંથી બહાર થઈ ગઈ છે. આગામી સિઝનમાં તે ફ્રેન્ચાઈઝીને પોતાની સેવાઓ આપી શકશે નહીં.
RCBની વધી મુશ્કેલી
સોફી ડિવાઈને ઘરેલુ ક્રિકેટમાંથી વિરામ લેવાનો નિર્ણય લીધો છે. ન્યુઝીલેન્ડે સ્ટાર ખેલાડીના બ્રેકનું કોઈ કારણ આપ્યું નથી. પરંતુ એક નિવેદનમાં કહેવામાં આવ્યું છે કે તેને વ્યાવસાયિક સલાહ લીધા પછી આમ કર્યું. એવું પણ અર્થઘટન કરવામાં આવી રહ્યું છે કે સોફી ન્યુઝીલેન્ડમાં સુપર સ્મેશમાં રમી શકશે નહીં.
સોફીના વિરામ અંગે મહિલા હાઈ પરફોર્મન્સ ડેવલપમેન્ટના પ્રમુખ લિઝ ગ્રીને કહ્યું કે “ખેલાડીઓની સુખાકારી અમારા માટે ખૂબ જ મહત્વપૂર્ણ છે. આ બધા કરતાં વધુ મહત્વપૂર્ણ છે. સોફીને ન્યુઝીલેન્ડ ક્રિકેટ પ્લેયર્સ એસોસિએશન અને અમારા પોતાના હાઈ પર્ફોર્મન્સ યુનિટ સ્ટાફ તરફથી શાનદાર સમર્થન મળ્યું છે, અને દરેક જણ સંમત થાય છે કે આ બેસ્ટ વિકલ્પ ઉપલબ્ધ છે.
RCB માટે શાનદાર પ્રદર્શન
ગત સિઝનમાં સોફી ડિવાઈને RCB માટે શાનદાર પ્રદર્શન કર્યું હતું. અત્યાર સુધી આ ખેલાડી RCB માટે 18 મેચ રમી ચૂકી છે. આ સમયગાળા દરમિયાન, મહિલા ખેલાડીએ 402 રન બનાવ્યા છે. આ સિવાય તેણે 9 વિકેટ પણ લીધી છે. RCBને આગામી સિઝનમાં આ સ્ટાર ખેલાડીની ખોટ સાલશે.
આવી રહ્યું છે કરિયર
જો આપણે સોફી ડિવાઈનના આંતરરાષ્ટ્રીય કરિયર પર નજર કરીએ તો, તેણે અત્યાર સુધીમાં ન્યુઝીલેન્ડ માટે 152 ODI મેચોમાં 3990 રન બનાવવા સિવાય 107 વિકેટ પણ લીધી છે. આ સિવાય 143 T20 મેચોમાં, મહિલા ખેલાડીએ 3391 રન બનાવ્યા છે અને 117 બેટ્સમેનોની વિકેટ પણ લીધી છે.
