- હમાસ વચ્ચેના યુદ્ધને સમાપ્ત કરવાના આંતરરાષ્ટ્રીય કોલ્સને નેતન્યાહુએ નકાર્યા
- યુદ્ધ હજુ ચાલુ છે પરંતુ હમાસ માટે આ અંતની શરૂઆત છે:નેતન્યાહુ
- હમાસના ડઝનબંધ લડવૈયાઓએ ઇઝરાયલી દળો સમક્ષ આત્મસમર્પણ કર્યું
ઇઝરાયેલના વડાપ્રધાન બેન્જામિન નેતન્યાહુએ રવિવારે ઇઝરાયેલ અને હમાસ વચ્ચેના યુદ્ધને સમાપ્ત કરવાના આંતરરાષ્ટ્રીય કોલ્સને નકારી કાઢ્યા હતા.
અહેવાલ અનુસાર, તેમની કેબિનેટની માહિતી આપતાં નેતન્યાહુએ કહ્યું હતું કે તેમણે ફ્રાન્સ, જર્મની અને અન્ય દેશોના નેતાઓને કહ્યું હતું કે, ‘તમે એક તરફ હમાસને ખતમ કરવાનું સમર્થન કરી શકતા નથી અને બીજી તરફ યુદ્ધ સમાપ્ત કરવાનો આગ્રહ કરી શકો છો. અમે એવા ઠરાવ માટે દબાણ કરી શકતા નથી જે હમાસને નાબૂદ અટકાવે.
હમાસના અંતની શરૂઆત:બેન્જામિન નેતન્યાહુ
અહેવાલ મુજબ, બેન્જામિન નેતન્યાહુએ એક નિવેદનમાં જણાવ્યું હતું કે હાલનાં દિવસોમાં હમાસના ડઝનબંધ લડવૈયાઓએ ઇઝરાયલી દળો સમક્ષ આત્મસમર્પણ કર્યું છે. ‘તેઓ તેમના હથિયારો નીચે મૂકે છે અને પોતાને આપણા બહાદુર સૈનિકો સમક્ષ સમર્પણ કરી રહ્યા છે તે સમય લેશે’. યુદ્ધ હજુ ચાલુ છે પરંતુ હમાસ માટે આ અંતની શરૂઆત છે.
નેતન્યાહુએ કહ્યું હતું કે, ‘હું હમાસના આતંકવાદીઓને કહું છું તે સમાપ્ત થઈ ગયું છે.’ (હમાસ નેતા) યાહ્યા સિનવર માટે મરશો નહીં, હવે શરણાગતિ આપો. જો કે, ઇઝરાયેલી સૈન્યએ હમાસ લડવૈયાઓ વતી શરણાગતિના પુરાવા જાહેર કર્યા નથી અને હમાસે આવા દાવાઓને ફગાવી દીધા છે.
બે મહિનાથી વધુ સમયથી યુદ્ધ યથાવત
ઈઝરાયેલ અને હમાસ વચ્ચે બે મહિનાથી વધુ સમયથી યુદ્ધ ચાલી રહ્યું છે જે 7 ઓક્ટોબરે દક્ષિણ ઈઝરાયેલમાં ઉગ્રવાદી સંગઠન દ્વારા અચાનક ઘાતક હુમલા બાદ શરૂ થયું હતું. હમાસના હુમલામાં લગભગ 1,200 ઇઝરાયેલીઓ જેમાં મોટાભાગે નાગરિકો માર્યા ગયા હતા. હમાસે લગભગ 240 લોકોને બંધક બનાવ્યા હતા જેમાંથી 137 હજુ પણ ગાઝામાં છે.
7 ઓક્ટોબરથી અત્યાર સુધી ઇઝરાયેલના હુમલામાં લગભગ 18,000 પેલેસ્ટિનિયન માર્યા ગયા છે અને 49,500 ઘાયલ થયા છે. યુદ્ધમાં મોટી સંખ્યામાં મહિલાઓ અને બાળકોના મોત થયા છે.
યુદ્ધવિરામ દરમિયાન બંધક-કેદીઓની આપ-લે થઈ
ઇઝરાયેલ અને હમાસ વચ્ચે 1 ડિસેમ્બરે સમાપ્ત થયેલા સાત દિવસના યુદ્ધવિરામ દરમિયાન ઘણા બંધકો અને પેલેસ્ટિનિયન કેદીઓને મુક્ત કરવામાં આવ્યા હતા. અહેવાલ મુજબ હમાસે 78 ઈઝરાયેલી મહિલાઓ અને બાળકો સહિત 110 બંધકોને મુક્ત કર્યા છે જેમને ઈઝરાયેલ અને હમાસ વચ્ચેના કરાર હેઠળ મુક્ત કરવામાં આવ્યા છે.
