ગીર સોમનાથ જી.પં.માં 65 %, છ તાલુકા પંચાયતની 128 બેઠકો પર 65 થી 70 ટકા ધીંગુ મતદાન
જીલ્લાની ચાર નગરપાલિકાની 128 બેઠકો ઉપર 70 ટકા જેવું સરેરાશ મતદાન થયુ
અગ્ર ગુજરાત, ગીર સોમનાથ
ગીર સોમનાથ જીલ્લામાં સ્થાનિક સ્વરાજ્યની ચૂંટણીઓ અંતર્ગત યોજાયેલ મતદાનમાં મતદારો દ્વારા ઉત્સાહભેર મતાધિકારનો ઉપયોગ કરતા ધીંગુ મતદાન નોંધાયુ છે. જેમાં જિલ્લા પંચાયતની 28 બેઠકો અને છ તાલુકા પંચાયતની 128 બેઠકો ઉપર સરેરાશ 65 થી 70 ટકા જેવું મતદાન થયું છે જ્યારે જિલ્લાની ચાર નગર પાલિકાઓની 128 બેઠકો ઉપર પણ સરેરાશ 70 થી 75 % જેવું મતદાન નોંધાયું છે. જીલ્લામાં સમગ્ર મતદાન પ્રક્રિયા શાંતિપૂર્ણ માહોલમાં સંપન્ન થતા વહીવટી અને પોલીસ તંત્રએ રાહતનો શ્વાસ લીધો છે.
જીલ્લામાં સ્થાનીક સ્વરાજ્યની ચુંટણી અંતર્ગત આજે યોજાયેલ મતદાનમાં મતદારોએ ઉત્સાહભેર ધીંગુ મતદાન કર્યુ છે. ત્યારે આજે સવારે 7 થી સાંજે 6 વાગ્યા સુધીમાં થયેલ મતદાનની ટકાવારી આ મુજબ છે. જેમાં ગીર સોમનાથ જીલ્લા પંચાયતની 28 બેઠકો પર 64.65 % જેટલું મતદાન થયુ છે. જ્યારે જીલ્લાની છ તાલુકા પંચાયતમાં જોઈએ તો વેરાવળ તાલુકા પંચાયતના 22 બેઠકો પર 71.70 %, તાલાલા તાલુકા પંચાયતની 18 બેઠકો પર 69.05 %, સુત્રાપાડા તાલુકા પંચાયતની 18 બેઠકો પર 69.07 %, કોડીનાર તાલુકા પંચાયતની 24 બેઠકો પર 60.50 %, ઉના તાલુકા પંચાયતની 26 બેઠકો પર 62.73 %, ગીરગઢડા તાલુકા પંચાયતની 20 બેઠકો પર 59.70 % ટકા જેટલું મતદાન થયુ છે.
જ્યારે જીલ્લાની ચાર નગરપાલિકાઓમાં વેરાવળ પાટણ પાલીકાની 43 બેઠકો પર 69.81 %, તાલાલા પાલીકાની 24 બેઠકો પર 64.09 %, સુત્રાપાડા પાલીકાની 23 બેઠકો પર 81.07 % અને ઉના પાલીકાની 28 બેઠકો પર 63.93 % ટકા જેટલું ધીંગુ મતદાન થયુ છે.
