સૌરાષ્ટ્ર યુનિવર્સિટીમાં વધુ ચાર કોર્ષને મંજૂરી આપતા કુલપતિ
એકેડેમીક કાઉન્સિલની બેઠકમાં લેવાયેલો નિર્ણય : સ્કીલ બેઝ વિદ્યાર્થીઓને પુરતું પ્લેટફોર્મ મળશે
અગ્ર ગુજરાત, રાજકોટ
સૌરાષ્ટ્ર યુનિવર્સિટીના 60 મા સ્થાપના દિવસ – હિરક જયંતિ વર્ષની ઉજવણીના ભાગરૂપે વિદ્યાર્થીલક્ષી નવા અભ્યાસક્રમો શરુ કરવા મંજુરી આપવામાં આવી છે. સૌરાષ્ટ્ર યુનિવર્સિટીની એકેડેમિક કાઉન્સીલના મીટીંગ કુલપતિ પ્રોફે.ઉત્પલ જોશી દ્વારા આ કોર્ષોને લીલીઝંડી આપી છે. સૌરાષ્ટ્ર યુનિવર્સિટીમાં નવા કોર્ષ શરૂ થતાં સ્કીલ બેઝ વિદ્યાર્થીઓને એક પ્લેટફોર્મ મળી રહેશે.
4th Year Honours with Research માં જે વિદ્યાર્થીઓ જરુરી લાયકાત ધરાવતા હશે તેઓને યુનિવર્સિટીના અનુસ્નાતક ભવનમાં અભ્યાસની તક મળશે. આજની એકેડેમિક કાઉન્સીલની મીટીંગમાં યુનિવર્સિટી ભવનોમાં નવા અભ્યાસક્રમો શરુ કરવા અંગે ચર્ચા વિચારણા કરવામાં આવી હતી.
આ નવા અભ્યાસક્રમો યુનિવર્સિટી ભવનોમાં શરુ કરવા માટે આજની એકેડેમિક કાઉન્સીલની મીટીંગમાં સર્વાનુમતે નિર્ણય કરવામાં આવેલ છે. આ નવા અભ્યાસક્રમો યુનિવર્સિટી ભવનોમાં આ વર્ષથી જ શરુ થશે. આ માટે વિદ્યાર્થીઓએ યુનિવર્સિટી વેબસાઈટ જોવા અનુરોધ કરવામાં આવ્યો છે. આ ઓનલાઈન મળેલ મીટીંગમાં એકેડેમિક કાઉન્સીલના સભ્યશ્રીઓ, કુલસચિવ ડૉ. અજયસિંહ જાડેજા તથા અધિકારીઓ ઉપસ્થિત રહ્યા હતા.
અત્રે ઉલ્લેખનીય છે કે વર્તમાન સમયમાં આર્ટિફિશ્યલ ઇન્ટેલિજન્સની ખૂબ જ ડિમાન્ડ છે. આ ફિલ્ડમાં વિદ્યાર્થીઓને યોગ્ય માર્ગદર્શન મળી રહે તે માટે યુનિવર્સિટી દ્વારા હકારાત્મક નિર્ણય લેવામાં આવ્યો છે. આગામી દિવસોમાં વિદ્યાર્થીઓને આ અંગે યોગ્ય તકો મળી રહેશે.
નવા કોર્ષને અપાયેલી મંજૂરીની યાદી
- MBA ભવનમાં માં Certificate Course in Financial Literacy and Investment Management
- Pharmacy ભવનમાં Post Graduate Diploma in Integrative Medicine, 2. Post Graduate Diploma in Hospital & Healthcare Management
- Bioscience ભવનમાં Post Graduate Diploma in Food Science & Technology
- સૌરાષ્ટ્ર હેરીટેજ ચેર – અંગ્રેજી ભવનમાં Sourashtri Yuva Bharthi Course
- Human Rights and International Humanitarian Laws ભવનમાં Post Graduate Dilpoma in Human Rights Cyber Security Laws
- SPRIHA અંતર્ગત Post Graduate Diploma in Intellectual Property Rights
- Mathamatics ભવનમાં Certificate Course in Basic of Vedic Mathamatics
- Home Science ભવનમાં Post Graduate Diploma in Fashion and Clothing Textile Technology
- Electronics ભવનમાં Artificial Intelligence: Tools, Technology and Applications, 2. 3D Printing and Additive Manufacturing, 3. Open-Source Geoinformatics
