મશીન ટૂલ્સ મેન્યુફેકચરર્સ એસોસિએશનની 43મી વાર્ષિક સાધારણ સભા યોજાઈ
પ્રમુખ યોગીન છનિયારા દ્વારા સંસ્થાના નવા કોર્પોરેટ હાઉસની જાહેરાત કરાઈ
અગ્ર ગુજરાત, રાજકોટ
મશીન ટૂલ્સ મેન્યુફેક્ચરર્સ એસોસિએશન દ્વારા 43મી વાર્ષિક સાધારણ સભા હોટલ ઈમ્પીરીયલ પેલેસ ખાતે તા.9-6-2026ને મંગળવારના સાંજે 7:00 કલાકે યોજાઇ હતી. જેમાં મશીન ટૂલ્સના અંદાજે 250થી વધુ એકમોના માલિકો ઉપસ્થિત રહ્યા હતા.
કાર્યક્રમની શરૂઆત વંદે માતરમથી કરવામાં આવી હતી અને વર્ષ 2025-26ના વિવિધ કમિટીઓના અહેવાલો સભ્યો સમક્ષ રજૂ કરાયા હતા. કાર્યક્રમમાં વિનોદ સસીધરને HIMTEX 2026 પ્રદર્શન માટે પ્રેઝન્ટેશન રજૂ કરેલું હતું. તેમજ કે એન્ડ ડી કોમ્યુનિકેશન લી. ના અમિત મિસ્ત્રી દ્વારા વિવિધ એકિઝબિશનની તબક્કાવાર માહિતી સભ્ય સમર્થ રજૂ કરવામાં આવી હતી. મોટીવેશનલ સ્પીકર ટ્રેનર અને આઇએસએસ સર્ટિફિકેશનના ઓડિટર વિરાટ ઢેબર દ્વારા ઉદ્યોગકારોને પ્રેઝન્ટેશન દ્વારા ઉદ્યોગોની અલગ અલગ સમસ્યાઓના નિરાકરણ માટેનું માર્ગદર્શન આપવામાં આવ્યું હતું. ત્યારબાદ અંતિમ તબક્કામાં પ્રમુખ સ્થાનેથી યોગીનભાઈ છનિયારા દ્વારા વિવિધ કમિટીઓ સંભાળતા કારોબારી સમિતિના સભ્યોનું અભિવાદન કરાયું હતું અને એસોસિએશન આવતા દિવસોમાં ખરીદ કરવામાં આવનાર એવા નવા કોર્પોરેટ હાઉસ વિશે માહિતી આપેલી હતી જેને બધા સભ્યભાઈઓએ હર્ષ ઉલ્લાસથી વધાવી હતી અને નવી કમિટીને અભિનંદન પાઠવ્યા હતા. આ કાર્યક્રમમાં આવેલ મહેમાનોમાં રાજકોટ ચેમ્બર ઓફ કોમર્સમાંથી નૌતમભાઈ બારસીયા, ટેક્સ કન્સલ્ટન્ટ પૌરવ પોપટ, સીએ વૈભવ દાવડા, MSMEમાંથી મણિકંદન સાહેબ વિગેરે લોકોનું પુષ્પગુચ્છ અને મોમેન્ટો દ્વારા સન્માન કરાયું હતું અને અંતમાં રાષ્ટ્રગાન ગાઈને કાર્યક્રમનું સમાપન કરાયું હતું.
આ કાર્યક્રમને સફળ બનાવવા પ્રમુખ યોગીન છનિયારા, ઉપપ્રમુખ હરેશ પટેલ, મંત્રી તેજસ દુદકિયા, સહ મંત્રી દેવલ ધોરેયા, ખજાનચી કનકસિંહ ગોહિલ, તથા ડિરેકટર સચિન નાગેવાડીયા, બ્રિજેશ સાપરીયા, કરણ પરમાર, અશ્વિન કવા, કેતન ગજેરા, બિપિન સિધ્ધપુરા, ધનશ્યામ પરમાર, હરેશ ડોડીયા, રવી મારુ અને વિમલ કંટારીયાએ જહેમત ઉઠાવી હતી.
