છત્તીસગઢ : તસવીર-પર સરનામું લખી દેજે દીકરી, હું પત્ર લખીશ : મોદી

• રેલીમાં સ્કેચ સાથે ઉભેલી બાળકી પર વડાપ્રધાન મોદીએ પ્રેમ વરસાવ્યો
• છત્તીસગઢના કાંકેરમાં આયોજિત ચૂંટણી રેલીમાં કોંગ્રેસ સરકાર પર પ્રહારો
  
• પરિવારવાદ, ભાઇ ભત્રીજાવાદ, ભ્રષ્ટચાર જ કોંગ્રેસની રીતિનીતિ : મોદી
  

છત્તીસગઢ વિધાનસભા ચૂંટણી પ્રચાર માટે વડાપ્રધાન નરેન્દ્ર મોદી કાંકેર પહોંચ્યા હતા. અહીં તેમણે એક રેલીને સંબોધન કર્યું હતું. તેઓે ભાષણ આપી રહ્યા હતા તે દરમિયાન તેમનું ધ્યાન ભીડમાં ઉભેલી એક કન્યા પર ગયું. તે કન્યા વડાપ્રધાન મોદીની તસવીર લઇને ઊભી હતી. બાળકીને જોતાં વડાપ્રધાને મંચ પરથી કહ્યું કે બેટા તું થાકી જઇશ. તસવીર જવાનોને આપી દો. વડાપ્રધાન મોદીએ મંચ પરથી કહ્યું કે,’બેટી મેં તારી તસવીર જોઇ. તું ખૂબ સુંદર ચિત્ર બનાવીને લાવી છો. હું તને આશીર્વાદ આપું છું. પરંતુ બેટા તુ ક્યારની ઊભી છે. થાકી જઇશ, બેસી જા.’ વડાપ્રધાન મોદીએ ત્યાં ઉભેલા પોલીસ કર્મીઓને ઇશારો કરતાં કહ્યું કે,’ તે દીકરી તસવીર આપવા માંગે છે, લઇ લો અને મારા સુધી જરૂર પહોંચાડશો. થેંક યુ બેટા, તું તસવીરમાં તારું સરનામું લખી દેજે. હું તને જરૂરથી પત્ર લખીશ.’ રેલીમાં વડાપ્રધાન મોદીએ કોંગ્રેસ પર જોરદાર પ્રહાર કર્યા હતા. તેમણે કહ્યું કે પરિવારવાદ, ભાઇ ભત્રીજાવાદ, ભ્રષ્ટચાર જ કોંગ્રેસની રીતિનીતિ છે. છત્તીસગઢની કોંગ્રેસ સરકાર પર ભારે ભ્રષ્ટાચાર આચર્યો હોવાના આક્ષેપ કર્યા હતા. વડાપ્રધાન મોદીએ આક્ષેપ કર્યા હતા કે કોંગ્રેસે છત્તીસગઢના યુવાનો સાથે સૌથી મોટી છેતરપિંડી કરી છે. તેમણે છત્તીસગઢ લોકસેવા આયોગને કોંગ્રેસ સમિતિનું કાર્યાલય બનાવી દીધું. પીએસએ પરીક્ષાઓંમાં કોંગ્રેસના નેતાઓના બાળકોની પસંદગી થઇ. તમારા બાળકોને પસંદગીથી બહાર રાખી દીધા.