- વર્લ્ડકપ બાદ 5 સ્ટાર ખેલાડી લેશે સંન્યાસ
- 2 ખેલાડીએ વર્લ્ડકપ રમવા માટે નિવૃત્ત પાછી ખેંચી હતી
- આ ખેલાડીઓ હવે વનડે મેચ રમતા જોવા મળશે નહીં
વર્લ્ડકપ 2023ની મેચો ભારતની ધરતી પર રમાઈ રહી છે. આ ટૂર્નામેન્ટની લીગ મેચો લગભગ પૂર્ણ થઈ છે. આ પછી નોકઆઉટ મેચો રમાવાની છે. પરંતુ શું તમે જાણો છો કે આ વર્લ્ડકપ ઘણા દિગ્ગજો માટે છેલ્લો સાબિત થઈ શકે છે. આ ઉપરાંત ઘણા એવા દિગ્ગજ ક્રિકેટરો છે, જે કદાચ આ વર્લ્ડકપ પછી વનડે ક્રિકેટ રમતા જોવા મળશે નહીં. આ યાદીમાં ઘણા મોટા નામ સામેલ છે.
ક્વિન્ટન ડિકોક
સાઉથ આફ્રિકાનો વિકેટકીપર બેટ્સમેન ક્વિન્ટન ડિ કોક તેની છેલ્લી વર્લ્ડકપ રમી રહ્યો છે. તેણે આ વર્લ્ડકપ પહેલા નિવૃત્તિની જાહેરાત કરી દીધી છે. આ પછી ક્વિન્ટન ડિ કોક વનડે ફોર્મેટમાં રમતા જોવા નહીં મળે. જો કે, આ વર્લ્ડકપમાં ક્વિન્ટન ડિ કોક શાનદાર ફોર્મમાં છે. સૌથી વધુ રન બનાવનારા ખેલાડીઓની યાદીમાં ક્વિન્ટન ડિ કોક ટોચ પર છે. અત્યાર સુધી ક્વિન્ટન ડી કોકે 4 વખત સદીનો આંકડો પાર કર્યો છે.
નવીન ઉલ હક
અફઘાનિસ્તાનના ફાસ્ટ બોલર નવીન ઉલ હક વિરાટ કોહલીના વિવાદ બાદ ઘણી ચર્ચામાં રહ્યો હતો. આ ઉપરાંત નવીન ઉલ હક તેની શાનદાર બોલિંગ માટે પ્રખ્યાત છે, પરંતુ નવીન ઉલ હક માટે આ વર્લ્ડકપ છેલ્લો સાબિત થઈ શકે છે. આ પછી નવીન ઉલ હક કદાચ વનડે ફોર્મેટમાં રમતો જોવા મળશે નહીં.
બેન સ્ટોક્સ
ડિફેન્ડિંગ ચેમ્પિયન ઈંગ્લેન્ડ માટે આ વર્લ્ડકપ નિરાશાજનક રહ્યો છે. જો કે, ઓલરાઉન્ડર બેન સ્ટોક્સે આ વર્લ્ડકપમાં શાનદાર પ્રદર્શન કર્યું છે. બેન સ્ટોક્સે વનડે ફોર્મેટને અલવિદા કહી દીધું હતું, પરંતુ વર્લ્ડકપ રમવા માટે તે ફરીથી નિવૃત્તિમાંથી બહાર આવ્યો હતો. એવું માનવામાં આવે છે કે બેન સ્ટોક્સ વર્લ્ડકપ પછી ફરી વનડે ફોર્મેટમાંથી સંન્યાસ લેશે.
સ્ટીવ સ્મિથ
ઓસ્ટ્રેલિયન ટીમ સેમીફાઈનલ માટે ક્વોલિફાઈ થઈ ગઈ છે, પરંતુ ટીમના અનુભવી ખેલાડી સ્ટીવ સ્મિથ માટે વર્લ્ડકપ સારો રહ્યો નથી. સ્ટીવ સ્મિથ અપેક્ષા મુજબનું પ્રદર્શન કરવામાં નિષ્ફળ રહ્યો છે. સાથે સ્ટીવ સ્મિથની ઉંમર અંદાજે 34 વર્ષ છે. જો કે, એવું માનવામાં આવે છે કે સ્ટીવ સ્મિથ વર્લ્ડકપ બાદ વનડે ફોર્મેટને અલવિદા કહી શકે છે.
મોઈન અલી
ઈંગ્લેન્ડના ઓલરાઉન્ડર મોઈન અલીએ વનડે ફોર્મેટને અલવિદા કહી દીધું હતું, પરંતુ વર્લ્ડકપ રમવા માટે તેણે પોતાનો નિર્ણય બદલી નાખ્યો હતો. જો કે, આ વર્લ્ડકપમાં મોઈન અલીનું પ્રદર્શન અપેક્ષા મુજબ રહ્યું નથી. આ ટૂર્નામેન્ટ બાદ મોઈન અલી વનડે ફોર્મેટને અલવિદા કહી શકે છે. એટલે કે, આ વર્લ્ડકપમાં મોઈન અલી છેલ્લી વખત ઈંગ્લેન્ડની રંગીન જર્સીમાં જોવા મળી રહ્યો છે.
