- આજે ઓસ્ટ્રેલિયા અને દક્ષિણ આફ્રિકા વચ્ચે મેચ
- કોલકાતાના ઈડન ગાર્ડન્સમાં રમાઇ રહી છે મેચ
- સાઉથ આફ્રિકાના નામે નોંધાયો શરમજનક રેકોર્ડ
વર્લ્ડકપની બીજી સેમિફાઇનલ ઓસ્ટ્રેલિયા અને સાઉથ આફ્રિકા વચ્ચે રમાઈ રહી છે. કોલકાતાના ઈડન ગાર્ડન્સમાં બંને ટીમો આમને-સામને છે. આ મેચમાં સાઉથ આફ્રિકાના કેપ્ટન ટેમ્બા બાવુમાએ ટોસ જીતીને પ્રથમ બેટિંગ કરવાનો નિર્ણય કર્યો હતો. પરંતુ સાઉથ આફ્રિકાના બેટ્સમેનોએ ખૂબ જ ધીમી શરૂઆત કરી હતી. સાઉથ આફ્રિકાના બેટ્સમેનો પ્રથમ 7 ઓવરમાં માત્ર 8 રન બનાવી શક્યા હતા. જ્યારે બંને ઓપનર પેવેલિયન પરત ફર્યા હતા. વર્લ્ડકપ સેમિફાઇનલના ઇતિહાસમાં આ સૌથી ધીમી શરૂઆત છે.
સાઉથ આફ્રિકાની ઇનિંગ 49.4 ઓવરમાં 212 રનમાં સમેટાઈ ગઇ હતી. મિલરે 101 રનની ઇનિંગ રમી હતી. ક્લાસને 47 રનનું યોગદાન આપ્યું હતું. ઓસ્ટ્રેલિયા તરફથી શાનદાર બોલિંગ હતી. સ્ટાર્કે 10 ઓવરમાં 34 રન આપીને ત્રણ વિકેટ ઝડપી હતી. કમિન્સ પણ ત્રણ વિકેટ લેવામાં સફળ રહ્યો હતો. હેડ અને હેઝલવુડને બે-બે વિકેટ મળી હતી.
રોહિત શર્માએ પહેલી જ ઓવરમાં આના કરતા વધુ રન બનાવ્યા…’
પૂર્વ ભારતીય ખેલાડી મોહમ્મદ કૈફે સાઉથ આફ્રિકાની ધીમી શરૂઆત પર પોતાની પ્રતિક્રિયા આપી છે. મોહમ્મદ કૈફે કહ્યું કે સાઉથ આફ્રિકાના બેટ્સમેનો 7 ઓવરમાં માત્ર 8 રન જ બનાવી શક્યા હતા, પરંતુ રોહિત શર્મા પહેલી જ ઓવરમાં આના કરતા વધુ રન બનાવે છે. વાસ્તવમાં, ટોસ જીતીને પ્રથમ બેટિંગ કરવા આવ્યા બાદ સાઉથ આફ્રિકાની ટીમની શરૂઆત ખૂબ જ ખરાબ રહી હતી. સાઉથ આફ્રિકાના બેટ્સમેનો સતત પેવેલિયન પરત ફરતા રહ્યા. સાઉથ આફ્રિકાના બેટ્સમેનો પણ પ્રથમ 8 ઓવરમાં 9 રન ઉમેરી શક્યા હતા.
ભારતીય ટીમે ફાઇનલમાં પોતાનું સ્થાન નિશ્ચિત કરી લીધું
આ પહેલા બુધવારે ભારતીય ટીમે ન્યૂઝીલેન્ડને હરાવી ફાઇનલમાં જગ્યા બનાવી હતી. રોહિત શર્માની આગેવાની હેઠળની ટીમ ઈન્ડિયાએ ન્યૂઝીલેન્ડને 70 રનથી હરાવ્યું હતું. જો કે આજે કોલકાતાના ઈડન ગાર્ડન્સ ખાતે ઓસ્ટ્રેલિયા અને સાઉથ આફ્રિકા વચ્ચે બીજી સેમીફાઈનલ રમાઈ રહી છે. આ મેચની વિજેતા ટીમ ફાઈનલમાં ભારત સામે ટકરાશે. ઉલ્લેખનીય છે કે વર્લ્ડકપની ફાઇનલ મેચ 19 નવેમ્બરે અમદાવાદના નરેન્દ્ર મોદી સ્ટેડિયમમાં રમાશે.
