શું ક્વિન્ટન ડી કોકની આ મોટી ભૂલના કારણે આફ્રિકા હાર્યું? જુઓ વીડિયો

• ઓસ્ટ્રેલિયાએ સાઉથ આફ્રિકાને 3 વિકેટે હરાવ્યું
  
• આ મેચમાં સાઉથ આફ્રિકાની ખરાબ ફિલ્ડિંગ
  
• ટેમ્બા બાવુમા અને ક્વિન્ટન ડી કોક કેચ છોડ્યા
  

ક્રિકેટમાં શું થશે તેની આગાહી કરવી અશક્ય છે. આવું જ કંઈક ગુરુવારે સાઉથ આફ્રિકાની ટીમ સાથે જોવા મળ્યું. ફરી એકવાર સાઉથ આફ્રિકા વર્લ્ડકપની ફાઇનલમાં જગ્યા બનાવી શકી નથી. ઓસ્ટ્રેલિયા સામે રમાયેલી મેચમાં બંને ટીમો વચ્ચે જોરદાર સ્પર્ધા જોવા મળી હતી. ત્યારબાદ છેલ્લી ક્ષણે સુકાની પેટ કમિન્સ અને મિચેલ સ્ટાર્ક વચ્ચેની સમજદાર ઈનિંગે મેચ જીતી લીધી હતી. જો કે એક સમય એવો આવ્યો જ્યારે સાઉથ આફ્રિકા મેચ જીતી શકતું હતું, પરંતુ ક્વિન્ટન ડી કોકે આ તક ગુમાવી દીધી.

ક્વિન્ટન ડી કોક કેચ છોડ્યો

વાસ્તવમાં ઓસ્ટ્રેલિાની 7 વિકેટ પડી ગઈ હતી. જીતવા માટે દરેક રન માટે સંઘર્ષ ચાલી રહ્યો હતો, તે દરમિયાન જ્યારે 45મી ઓવરમાં 8 રન બનાવ્યા બાદ રમી રહેલા પેટ કમિન્સનો કેચ છુટ્યો હતો. આ કેચ વિકેટકીપર ક્વિન્ટન ડી કોકે છોડ્યો હતો. જો કે તે મુશ્કેલ હતું, પરંતુ જો આવી ક્ષણે આ કેચ પકડાયો હોત તો સાઉથ આફ્રિકાને માત્ર મોટી વિકેટ જ ન મળી હોત, પરંતુ 8 વિકેટ પડી ગયા બાદ ઓસ્ટ્રેલિયા પર પણ દબાણ વધી ગયું હોત. જોકે, આવું થઈ શક્યું નહીં અને કમિન્સ આઉટ થતા બચી ગયો. આ કેચ છોડ્યા બાદ માર્કરામ ઘણો નિરાશ દેખાઈ રહ્યો હતો. તેની પ્રતિક્રિયા ઝડપથી વાયરલ થઈ રહી છે. માત્ર થોડા જ કલાકોમાં ડી કોકના કેચ ડ્રોપનો વીડિયો 65 લાખથી વધુ લોકોએ જોયો હતો.

સાઉથ આફ્રિકાની ખરાબ ફિલ્ડિંગ

આ મેચમાં સાઉથ આફ્રિકાની ફિલ્ડિંગ ચર્ચામાં રહી હતી. બાવુમા અને ડી કોક કેચ પકડી શક્યા ન હતા. આ સિવાય સાઉથ આફ્રિકાએ ઘણી તકો ગુમાવી હતી. ફાઈનલની આટલી નજીક પહોંચવામાં ફિલ્ડિંગની મોટી ભૂમિકા હતી એમ કહેવું ખોટું નહીં હોય. આ મેચ સાથે ક્વિન્ટન ડી કોકની વનડે કારકિર્દીનો પણ અંત આવ્યો. ડી કોકે વર્લ્ડકપ પહેલા ODI ક્રિકેટમાંથી નિવૃત્તિ જાહેર કરી દીધી છે.