- IPL 2024ની હરાજી 19 ડિસેમ્બરે દુબઈમાં યોજાશે
- રોહિત શર્માની કપ્તાનીમાં મુંબઈ ઈન્ડિયન્સે 5 ટ્રોફી જીતી
- IPL ઈતિહાસમાં અત્યાર સુધી મુંબઈએ 132 મેચ જીતી
ઈન્ડિયન પ્રીમિયર લીગ (IPL 2024)ની તૈયારીઓ પૂરજોશમાં ચાલી રહી છે. 19મી ડિસેમ્બરે દુબઈમાં ખેલાડીઓ માટે હરાજી થવા જઈ રહી છે. ગત સિઝનની ચેમ્પિયન ચેન્નાઈ સુપર કિંગ્સ આ વખતે ફરીથી ટાઈટલ કબજે કરવા માટે મેદાનમાં ઉતરશે. મહેન્દ્ર સિંહ ધોની ફરી એકવાર ચેન્નાઈ સુપર કિંગ્સની કેપ્ટનશિપ કરતો જોવા મળશે. આજે અમે તમને IPL ઈતિહાસમાં એવી ટીમો વિશે જણાવવા જઈ રહ્યા છીએ જેણે સૌથી વધુ મેચ જીતી છે. કેટલીક ટીમો એવી છે જેણે ઘણી મેચ જીતી છે પરંતુ આજ સુધી IPLનો ખિતાબ જીતી શકી નથી.
1. મુંબઈ ઈન્ડિયન્સ
આ યાદીમાં પ્રથમ સ્થાને રોહિત શર્માની ટીમ મુંબઈ ઈન્ડિયન્સ છે. મુંબઈ ઈન્ડિયન્સને IPL ઈતિહાસની સૌથી સફળ ટીમ માનવામાં આવે છે. રોહિત શર્માએ પોતાની કપ્તાનીમાં મુંબઈ ઈન્ડિયન્સ માટે 5 ટ્રોફી જીતી છે. મુંબઈ ઈન્ડિયન્સ IPL ઈતિહાસમાં અત્યાર સુધી સૌથી વધુ 132 મેચ જીતી ચુક્યું છે. જોકે, IPL 2023 મુંબઈ ઈન્ડિયન્સ માટે કંઈ ખાસ રહ્યું ન હતું.
2. ચેન્નઈ સુપર કિંગ્સ
મહેન્દ્ર સિંહ ધોનીની આગેવાની હેઠળની ચેન્નાઈ સુપર કિંગ્સ IPL ઈતિહાસની બીજી સૌથી સફળ ટીમ છે. ધોનીએ પોતાની કપ્તાનીમાં ચેન્નાઈ માટે 4 IPL ટ્રોફી જીતી છે. ગત સિઝનમાં પણ ચેન્નાઈ સુપર કિંગ્સે ફાઇનલમાં ગુજરાત ટાઇટન્સને હરાવીને ટાઇટલ જીત્યું હતું. જ્યારે IPL ઈતિહાસમાં ચેન્નાઈ સુપર કિંગ્સે 126 મેચ જીતી છે.
3. કોલકાતા નાઈટ રાઈડર્સ
કોલકાતા નાઈટ રાઈડર્સ IPL ઈતિહાસની ત્રીજી સૌથી સફળ ટીમ છે. કોલકાતા નાઈટ રાઈડર્સે બે વખત IPLનો ખિતાબ જીત્યો છે. IPLના ઈતિહાસમાં કોલકાતાએ અત્યાર સુધી 116 મેચ જીતી છે.
4. રોયલ ચેલેન્જર્સ બેંગ્લોર
IPLના ઈતિહાસની સૌથી મોટી ટીમોમાંની એક રોયલ ચેલેન્જર્સ બેંગ્લોર આજ સુધી એક પણ IPL ટ્રોફી જીતી શકી નથી. ટુર્નામેન્ટમાં શાનદાર પ્રદર્શન કર્યા બાદ RCB મહત્વની મેચોમાં હારી ગયું છે. IPLના ઈતિહાસમાં અત્યાર સુધી રોયલ ચેલેન્જર્સ બેંગ્લોરે 111 મેચ જીતી છે.
5. દિલ્હી કેપિટલ્સ
દિલ્હી કેપિટલ્સ પહેલા દિલ્હી ડેરડેવિલ્સ તરીકે ઓળખાતી હતી. પરંતુ નામ બદલ્યા બાદ પણ આ ટીમ આજ સુધી એક પણ IPL ટ્રોફી જીતી શકી નથી. IPLના ઈતિહાસમાં અત્યાર સુધી દિલ્હીની ટીમે 102 મેચ જીતી છે.
6. પંજાબ કિંગ્સ
પંજાબ કિંગ્સ પહેલા કિંગ્સ ઈલેવન પંજાબ તરીકે ઓળખાતું હતું. સ્ટાર્સથી ભરપૂર આ ટીમ આજ સુધી એક પણ IPL ટાઈટલ જીતી શકી નથી. IPLના ઈતિહાસમાં આ ટીમે અત્યાર સુધી 102 મેચ જીતી છે.
