- કેનેડાના PM જસ્ટિન ટ્રુડોએ મૌન તોડ્યું
- ભારતે વારંવાર માંગ્યા પુરવા છતાં આપી ન શક્યા
- નિજ્જરની હત્યા બાદ ભારત-કેનેડાના સબંધોમાં તણાવ
ભારતની વારંવારની માંગણી છતાં પુરાવા ન આપી શકતા ખાલિસ્તાનીઓના સહાનુભૂતિ ધરાવતા કેનેડાના પીએમ જસ્ટિન ટ્રુડોએ પોતાનું મૌન તોડ્યું છે. જસ્ટિન ટ્રુડોએ જણાવ્યું હતું કે તેમણે શીખ સમુદાયની સુરક્ષાની ચિંતાઓ અને ‘ભારતને અટકાવવા’ માટે ભારત સરકાર અને હત્યા વચ્ચે સંભવિત જોડાણનો જાહેરમાં આક્ષેપ કરવાનું પસંદ કર્યું છે. અગાઉ ટ્રુડોએ કેનેડાની સંસદની અંદર આરોપ લગાવ્યો હતો કે ખાલિસ્તાની આતંકવાદી હરદીપ સિંહ નિજ્જરની હત્યામાં ભારત સરકારની સાંઠગાંઠ હોવાના વિશ્વસનીય આરોપો છે.
નિજ્જરની હત્યા બાદ ભારત-કેનેડાના સબંધોમાં તણાવ
કેનેડાના સરે સ્થિત ગુરુદ્વારામાં હરદીપ સિંહ નિજ્જરની ગોળી મારીને હત્યા કરવામાં આવી હતી. કેનેડિયન પ્રેસ સાથેની એક મુલાકાતમાં જસ્ટિન ટ્રુડોએ કહ્યું હતું કે તે દિવસે હાઉસ ઓફ કોમન્સને આપેલો તેમનો સંદેશ કેનેડિયનોને સુરક્ષિત રાખવા માટે વધારાના ‘નિવારક પગલાં’ હતા. તેણે એવો પણ દાવો કર્યો હતો કે સરેમાં શીખ સમુદાય આગળ શું થઈ શકે તેની ચિંતામાં છે. તમને જણાવી દઈએ કે જસ્ટિન ટ્રુડોના આ નિવેદન બાદ ભારત સરકાર અને કેનેડાના વડાપ્રધાન વચ્ચે પહેલાથી જ તણાવપૂર્ણ સંબંધો વધુ બગડી ગયા છે.
ભારતે આરોપો નકારી કાઢ્યા
ભારતે સતત હત્યા સાથે કોઈ સંબંધ હોવાનો ઈન્કાર કર્યો છે અને કહ્યું છે કે જો કેનેડા પુરાવા આપશે તો તે પગલાં લેશે. આ પહેલા અમેરિકાએ ગુર પતવંત સિંહ પન્નુની હત્યાના કથિત કાવતરા અંગે પુરાવા આપ્યા છે જેની તપાસ ભારત દ્વારા કરવામાં આવી રહી છે. જ્યારે કેનેડાના પીએમ અત્યાર સુધી કોઈ પુરાવા આપવામાં નિષ્ફળ રહ્યા છે. ટ્રુડોએ એવો પણ દાવો કર્યો હતો કે તેમનું જાહેર નિવેદન અઠવાડિયાના ‘શાંત મુત્સદ્દીગીરી’ પછી આવ્યું છે જેમાં ભારત સાથે ઉચ્ચ સ્તરે આરોપો ઉઠાવવાનો સમાવેશ થાય છે.
ટ્રુડોએ કહ્યું હતું કે આમાં નવી દિલ્હીમાં G20 સમિટમાં પીએમ મોદી સાથેની વાતચીતનો પણ સમાવેશ થાય છે. આ મુલાકાત દરમિયાન બંને 16 મિનિટ સુધી બંધ રૂમમાં મળ્યા હતા. ટ્રુડોએ કહ્યું હતું કે, ‘અમે જાણતા હતા કે આ મુશ્કેલ વાતચીત હશે પરંતુ અમે એ પણ જાણતા હતા કે ભારત માટે G20 સાથે વિશ્વ મંચ પર તેનું નેતૃત્વ દર્શાવવાની આ એક મહત્વપૂર્ણ ક્ષણ છે. અને અમે વિચાર્યું કે અમે આનો ઉપયોગ સાથે કામ કરવાની સર્જનાત્મક તક તરીકે કરી શકીએ છીએ.’
ટ્રુડોની સંસદમાં આક્ષેપો કર્યા બાદ સ્પષ્ટતા
જ્યારે ટ્રુડોને પૂછવામાં આવ્યું હતું કે શું તેમની પીએમ મોદી અને ભારતીય નેતાઓ સાથેની મુલાકાત રચનાત્મક હતી ત્યારે કેનેડિયન પીએમએ કહ્યું હતું કે, ‘ના.’ જસ્ટિન ટ્રુડોએ જાહેરાત કરી હતી કે તેમણે 18 સપ્ટેમ્બરે આ માહિતી જાહેર કરી હતી કારણ કે તેમને લાગ્યું હતું કે આ માહિતી મીડિયામાં લીક થઈ શકે છે. તે કેનેડિયનોને જાણવા માગે છે કે સરકાર આ મામલે સંપૂર્ણ રીતે સતર્ક છે. કેનેડાએ આ અંગે ભારતને પહેલેથી જ ચેતવણી આપી દીધી છે. મીડિયા સાથેની વાતચીતમાં પણ ટ્રુડોએ કોઈ પુરાવા રજૂ કર્યા ન હતા.
