- પત્ની સાથેનો અંતરંગ સમય રેકોર્ડ કરી પોર્ન સાઈટ પર અપલોડ કરાયાનો કેસ
- રાજકોટની પરિણીતાના સાસુની જામીન અરજી ફગાવતા હાઈકોર્ટનું નિરીક્ષણ
- વિશ્વના કેટલાય દેશોએ વૈવાહિક બળાત્કારને ગુનાહિત કૃત્ય તરીકે ઠરાવ્યું
રાજકોટમાં પુત્ર અને પુત્રવધૂના બેડરૂમના સેક્સના અતરંગ દ્રશ્યો રેકોર્ડ કરી પૈસા કમાવવા માટે પોર્ન વેબસાઇટ પર અપલોડ કરવાના સાસુ-સસરાના સાયબર ક્રાઇમના કેસમાં આરોપી સાસુ દ્વારા કરાયેલી જામીન અરજી હાઈકોર્ટે ફ્ગાવી દીધી છે. હાઇકોર્ટે ચુકાદામાં કેટલાક ગંભીરઅવલોકનો કરતાં જણાવ્યું હતું કે, બળાત્કાર એ બળાત્કાર છે, પછી ભલે તે પીડિતાના પતિ દ્વારા કેમ કરવામાં આવ્યા ના હોય. વિશ્વના કેટલાય દેશોએ વૈવાહિક બળાત્કારને ગુનાહિત કૃત્ય તરીકે ઠરાવ્યું છે.
હાઇકોર્ટે જણાવ્યું કે, 50 અમેરિકન રાજયો, ત્રણ આસ્ટ્રેલિયન રાજયો, ન્યૂઝીલેન્ડ, કેનેડા, ઇઝરાયેલ, ફ્રાન્સ, સ્વીડન, ડેન્માર્ક, નોર્વે, સોવિયેત યુનિયન, પોલેન્ડ અને ચેકોસ્લોવાકિયામાં વૈવાહિત બળાત્કાર ગેરકાયદેસર છે અને અન્ય કેટલાક રાષ્ટ્રોમાં પણ આ જ સિદ્ધાંત લાગુ છે. લંડનમાં પણ ભારતની આઇપીસીની કલમ-376 કે જે પતિને બળાત્કારના આરોપમાંથી મુકિત આપે છે તે મુક્તિ પણ લંડને 1991ના ચુકાદા મારફ્તે દૂર કરી દીધી છે. આમ, શાસકોએ પોતે જ પતિઓને અપાયેલ અપવાદને નાબૂદ કરી દીધો છે ત્યારે કોઇ પુરુષ સ્ત્રીનું યૌન શોષણ કરે છે અથવા બળાત્કાર કરે છે તે આઇપીસીની કલમ-376 હેઠળ સજાને પાત્ર ઠરે છે. પુરુષ એ પુરુષ છે અને કૃત્ય એ કૃત્ય છે અને બળાત્કાર એ બળાત્કાર છે પછી તે પુરુષ દ્વારા સ્ત્રી પર કરવામાં આવે કે પતિ દ્વારા પત્ની પર કરવામાં આવે.
રાજકોટનો કેસ શું હતો । રાજકોટમાં એક સાસુ-સસરા તેના પુત્ર અને પુત્રવધૂને તેમની વચ્ચેના બેડરૂમના સેક્સના દ્રશ્યો, નગ્ન વીડિયો અને ફેટો રેકોર્ડ કરવા દબાણ કરી ફ્રજ પાડતા હતા. ખુદ પોતાના પુત્ર અને પૂત્રવધૂના આવા નગ્ન વીડિયો તેઓ પોર્ન વેબસાઇટ પર અપલોડ કરી પૈસા કમાતા હતા. ફ્રિયાદી પૂત્રવધૂએ તેની સાસુનું ધ્યાન પણ દોર્યું હતું કે, તેના સસરાએ તેના પતિને ફોન પર તેમના અંતરંગ દૃશ્યો રેકોર્ડ કરવા અને પૈસા કમાવવા માટે પોર્ન વેબસાઇટ પર અપલોડ કરવા માટે ઉશ્કેર્યા હતા. તેની સાસુને વાત કરવા છતાં ઉલ્ટાના તેની સાસુ પણ ઉલ્ટાનું સસરા અને પતિના ગુનાહિત કૃત્યમા જોડાઇ તેને સાથ આપતા હતા.
