- IPL 2024 માટે મિની હરાજી 19 ડિસેમ્બરે યોજાઈ હતી
- હરાજી દરમિયાન સનરાઈઝર્સ હૈદરાબાદની ઘણી સક્રિય દેખાઈ
- સનરાઈઝર્સ હૈદરાબાદે પેટ કમિન્સને 20.50 કરોડમાં ખરીદ્યો
IPL 2024 માટે હરાજીની પ્રક્રિયા પૂર્ણ થઈ ગઈ છે. હરાજી દરમિયાન સનરાઈઝર્સ હૈદરાબાદની ટીમ ઘણી સક્રિય દેખાઈ હતી. ફ્રેન્ચાઇઝીએ કેટલાક ખેલાડીઓ પર મોટી બોલી લગાવી છે અને તેમને તેમની ટીમમાં સામેલ કર્યા છે. ટીમમાં નવા ખેલાડીઓનો સમાવેશ થયા બાદ હવે વાત કરીએ SRHની શ્રેષ્ઠ પ્લેઈંગ ઈલેવન કઈ હોઈ શકે, તો તે નીચે મુજબ છે-
હેડ અને મયંકની ઓપનિંગ જોડી
વર્લ્ડ કપમાં ટ્રેવિસ હેડે પોતાની શાનદાર બેટિંગથી બધાને પોતાના દિવાના બનાવી દીધા છે. ભારતીય ટીમમાંથી બહાર રહેલા સ્ટાર બેટ્સમેન મયંક અગ્રવાલની બેટિંગથી દરેક વ્યક્તિ સારી રીતે વાકેફ છે. આ ઓપનિંગ જોડી આગામી સિઝનમાં SRH માટે સૌથી પરફેક્ટ ઓપનિંગ જોડી સાબિત થઈ શકે છે.
બેટ્સમેનની કમાન રાહુલ, અભિષેક અને ક્લાસેન પર રહેશે
ઓપનિંગ જોડી બાદ રાહુલ ત્રિપાઠી, અભિષેક શર્મા અને હેનરિક ક્લાસેનને મિડલ ઓર્ડરમાં સામેલ કરી શકાય છે. આ બેટ્સમેનોમાં તેમની શાનદાર બેટિંગથી હારેલી બાજીને જીતમાં પલ્ટી નાખવાની શક્તિ છે. ત્રિપાઠીએ IPL 2022માં પોતાની સર્વશ્રેષ્ઠ રમત બતાવી હતી. જે બાદ તેને ભારતીય ટીમમાં પણ રમવાની લેવાની તક મળી હતી. આ જ વર્ષે અભિષેકે પણ 14 ઇનિંગ્સમાં 158.23ની એવરેજથી 413 રન બનાવીને પોતાની ક્ષમતા લોકો સમક્ષ રજૂ કરી હતી. આ બે ખેલાડીઓ સિવાય, ક્લાસેન (448 રન) છેલ્લી સિઝનમાં SRH માટે સૌથી વધુ રન બનાવનાર ખેલાડી છે.
ઓલરાઉન્ડરની ભૂમિકામાં આ 3 શ્રેષ્ઠ ખેલાડીઓ
કોઈપણ ટીમમાં ઓલરાઉન્ડરની ભૂમિકા ખૂબ મહત્વની હોય છે. SRH ટીમમાં ઘણા શ્રેષ્ઠ ઓલરાઉન્ડર છે. જોકે, જ્યારે પ્લેઈંગ ઈલેવનમાં સમાવેશ કરવાની વાત આવે છે ત્યારે વોશિંગ્ટન સુંદર, શાહબાઝ અહેમદ અને વાનિન્દુ હસરંગાનો સમાવેશ થઈ શકે છે. બેટિંગની સાથે આ ખેલાડી બોલિંગમાં પણ નિપુણ છે.
પરફેક્ટ પેસ એટેક
પેટ કમિન્સ ટીમમાં જોડાયા બાદ સનરાઇઝર્સ હૈદરાબાદની ફાસ્ટ બોલિંગ લાઇનઅપ ખૂબ જ આક્રમક લાગી રહી છે. મેચ દરમિયાન ટીમ પેટ કમિન્સ, ભુવનેશ્વર કુમાર અને ટી નટરાજન સાથે મેદાનમાં ઉતરી શકે છે. આ સિવાય જો કોઈ બોલર ઈજાગ્રસ્ત થાય છે તો ઉમરાન મલિકને પ્લેઈંગ ઈલેવનમાં સામેલ કરી શકાય છે.
SRH માટે આ પરફેક્ટ પ્લેઈંગ ઈલેવન હોઈ શકે
ટ્રેવિસ હેડ, મયંક અગ્રવાલ, રાહુલ ત્રિપાઠી, અભિષેક શર્મા, હેનરિક ક્લાસેન (વિકેટકીપર), વોશિંગ્ટન સુંદર, શાહબાઝ અહેમદ, વાનિન્દુ હસરંગા, પેટ કમિન્સ (કેપ્ટન), ભુવનેશ્વર કુમાર અને ટી નટરાજન.
