- રોહિત શર્માની કેપ્ટન્સીમાં ટીમ ઈન્ડિયા મેદાનમાં ઉતરશે
- ભારત અને દક્ષિણ આફ્રિકા વચ્ચે પ્રથમ ટેસ્ટ મેચ બપોરે 1.30 વાગ્યે શરૂ થશે
- મેચના પહેલા દિવસે વરસાદની શક્યતા ઘણી ઓછી
ભારત અને દક્ષિણ આફ્રિકા વચ્ચેની બે ટેસ્ટ મેચની શ્રેણીની પ્રથમ મેચને લઈને ચાહકો ખૂબ જ ઉત્સાહિત દેખાઈ રહ્યા છે. દરેકને આશા છે કે ભારતીય ટીમ પ્રથમ વખત દક્ષિણ આફ્રિકાને તેમના મેદાન પર શ્રેણીમાં હરાવશે. રોહિત શર્માની કેપ્ટન્સીમાં ટીમ ઈન્ડિયા પ્રથમ ટેસ્ટ મેચમાં મેદાનમાં ઉતરશે. જે ટીમ આ મેચ જીતશે તે સીરીઝમાં પણ આગેકૂચ કરશે. આ મેચમાં ટીમ ઈન્ડિયાની પ્લેઈંગ ઈલેવન કેવી રહેશે તે જોવું રહ્યું.
ભારત વિ દક્ષિણ આફ્રિકા પ્રથમ ટેસ્ટ સ્થળ
પ્રથમ ટેસ્ટ મેચ સેન્ચુરિયનમાં યોજાશે. બંને ટીમો વચ્ચેની આ મેચ 26 ડિસેમ્બરથી શરૂ થવાની છે. ભારતીય ટીમને જોતા આપણે કહી શકીએ કે આ મેચ આસાન નથી. બે ટીમો વચ્ચે જે વધુ સારું રમશે તે જીતશે.
અહીં ફ્રીમાં જોઇ શકશો લાઇવ
ભારતીય સમય અનુસાર, ભારત અને દક્ષિણ આફ્રિકા વચ્ચે પ્રથમ ટેસ્ટ મેચ બપોરે 1.30 વાગ્યે શરૂ થશે. તેની ટોસ બપોરે 1 વાગ્યે થવાનો છે. આ મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્ક પર જોઈ શકાશે. આ સિવાય આ મેચ હોટસ્ટાર પર પણ લાઈવ જોઈ શકાશે.
કેવું હશે હવામાન?
સેન્ચુરિયન ટેસ્ટના પ્રથમ દિવસની રમત વરસાદને કારણે ધોવાઈ શકે છે. જો આપણે આગાહી પર નજર કરીએ તો સેન્ચુરિયનમાં મંગળવારે દિવસ દરમિયાન ભારે વરસાદ પડી શકે છે. હવામાન અહેવાલ અનુસાર, અહીં વરસાદની 92 ટકા સંભાવના છે, જે ચાર કલાક સુધી ચાલુ રહી શકે છે. એટલે કે જો દિવસ દરમિયાન આટલો બધો વરસાદ પડશે તો મેચ ધોવાઇ જશે તે નિશ્ચિત છે. જો ટોસ ન થાય અને ચાર કલાક વરસાદ પડે તો પહેલો દિવસ ધોવાઈ જાય. આ પહેલા દિવસે હતો, બીજા દિવસે પણ ભારે વરસાદની સંભાવના છે. મેચના બીજા દિવસે 27 ડિસેમ્બરે વરસાદની 90 ટકા સંભાવના છે. બીજા દિવસે અઢી કલાક વરસાદ પડી શકે છે. ત્યાર બાદ 28 ડિસેમ્બરે ત્રીજા દિવસે વાતાવરણ ખુલે તેવી શક્યતા છે, પરંતુ ચોથા દિવસે 40થી 50 ટકા વરસાદની શક્યતા છે. 30 ડિસેમ્બરના રોજ છેલ્લા દિવસે 63 ટકા વરસાદની સંભાવના છે. એટલે કે એકંદરે આ મેચમાં વરસાદને કારણે ઘણી સમસ્યાઓનો સામનો કરવો પડી શકે છે. આ કારણથી સેન્ચુરિયન ટેસ્ટ ડ્રો થવાનો ખતરો છે. પીચ વિશે વાત કરીએ તો, દક્ષિણ આફ્રિકાની પીચો સામાન્ય રીતે ઝડપી હોય છે. તેમાં ઉછાળ અને સ્વિંગ છે અને આ વખતે પણ કંઈક આવું જ જોવા મળશે.
