- ભારત અને ઓસ્ટ્રેલિયાની મહિલા ટીમો વચ્ચે ત્રણ મેચની ODI અને T20 સીરીઝ રમાશે
- ODI અને T20 બંને માટે ભારતીય ટીમની જાહેરાત કરવામાં આવી
- ODI અને T20 બંને ટીમોની કમાન હરમનપ્રીત કૌરને સોંપવામાં આવી
ઓસ્ટ્રેલિયાની મહિલા ટીમ ભારતના પ્રવાસે છે. ભારત અ ઓસ્ટ્રેલિયા વચ્ચે એકમાત્ર ટેસ્ટ મેચ રમાઈ છે. હવે ભારત અને ઓસ્ટ્રેલિયાની મહિલા ટીમો વચ્ચે ત્રણ મેચની ODI અને T20 સીરીઝ રમાશે, જેના માટે ભારતીય ક્રિકેટ કંટ્રોલ બોર્ડ (BCCI) એ ટીમની જાહેરાત કરી છે. ODI અને T20 બંને ટીમોની કમાન હરમનપ્રીત કૌરને સોંપવામાં આવી છે. આ સિવાય સ્મૃતિ મંધાનાને બંને ટીમની વાઈસ કેપ્ટન બનાવવામાં આવી છે. જ્યારે બોલિંગ ઓલરાઉન્ડર શ્રેયંકા પાટિલ પ્રથમ વખત ODI ટીમનો ભાગ બની છે.
સીરીઝ શરૂઆત ત્રણ ODI મેચોથી થશે, જેમાંથી પ્રથમ મેચ 28 ડિસેમ્બર ગુરૂવારે રમાશે. ત્યારબાદ શુક્રવાર, 05 જાન્યુઆરીથી ત્રણ ટી-20 મેચોની શ્રેણી શરૂ થશે. ODI મેચની સીરીઝ મુંબઈના વાનખેડે સ્ટેડિયમમાં રમાશે. આ સિવાય ટી20 સિરીઝની તમામ મેચો નવી મુંબઈમાં ડીવાય પાટિલ સ્પોર્ટ્સ એકેડમીમાં રમાશે.
ઓસ્ટ્રેલિયા સામેની ODI શ્રેણી માટે ભારતીય મહિલા ટીમ
હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), જેમિમાહ રોડ્રિગ્સ, શેફાલી વર્મા, દીપ્તિ શર્મા, યાસ્તિકા ભાટિયા (wc), રિચા ઘોષ (wc), અમનજોત કૌર, શ્રેયંકા પાટિલ, મન્નત કશ્યપ, સાયકા ઈશાક, રેણુકા સિંહ ઠાકુર, તિતાસ સાધુ , પૂજા વસ્ત્રાકર, સ્નેહ રાણા, હરલીન દેઓલ.
ઓસ્ટ્રેલિયા સામે ટી20 શ્રેણી માટે ભારતીય મહિલા ટીમ
હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), જેમિમાહ રોડ્રિગ્સ, શેફાલી વર્મા, દીપ્તિ શર્મા, યાસ્તિકા ભાટિયા (wc), રિચા ઘોષ (wc), અમનજોત કૌર, શ્રેયંકા પાટિલ, મન્નત કશ્યપ, સાયકા ઈશાક, રેણુકા સિંહ ઠાકુર, તિતાસ સાધુ, પૂજા વસ્ત્રાકર, કનિકા આહુજા, મિનુ મણિ.
ODI અને T20 સિરીઝનું સંપૂર્ણ શેડ્યૂલ
ભારત અને ઓસ્ટ્રેલિયાની મહિલા ટીમો વચ્ચે 28 ડિસેમ્બરથી વનડે સીરીઝ શરૂ થશે. આ પછી બીજી મેચ 30 ડિસેમ્બરે રમાશે. ત્યારબાદ ત્રીજી અને છેલ્લી વનડે 02 જાન્યુઆરીએ રમાશે. આ પછી 05 જાન્યુઆરીથી T20 શ્રેણી શરૂ થશે. ત્યારબાદ બીજી મેચ 7 જાન્યુઆરીએ અને ત્રીજી મેચ 9 જાન્યુઆરીએ રમાશે.
