- આજે દેશભરમાં ક્રિસમસની ઉજવણી
- પીએમ મોદી ખ્રિસ્તી સમુદાયના કાર્યક્રમમાં રહ્યા હાજર
- બાળકોએ પણ કાર્યક્રમમાં લીધો ભાગ
આજે દેશમાં ક્રિસમસનો તહેવાર મનાવવામાં આવી રહ્યો છે. આ ખાસ અવસર પર વડાપ્રધાન નરેન્દ્ર મોદી દિલ્હીમાં ખ્રિસ્તી સમુદાયના લોકોને મળ્યા હતા. આ ઉપરાંત ક્રિસમસ ડે નિમિત્તે બાળકોએ કાર્યક્રમમાં ભાગ લીધો હતો. જ્યાં પીએમ નરેન્દ્ર મોદી પણ હાજર હતા.
ખ્રિસ્તી સમુદાયની આઝાદીની ચળવળમાં મહત્વની ભૂમિકા
પીએમ મોદીએ ક્રિસમસના અવસર પર ખ્રિસ્તી સમુદાયના સભ્યો સાથે એક કાર્યક્રમમાં સંબોધન કર્યું હતું. થોડા વર્ષો પહેલા, મને પવિત્ર પોપને મળવાની તક મળી. તે ખરેખર મારા માટે ખૂબ જ યાદગાર ક્ષણ હતી.
વિશ્વ એક બહેતર સ્થળ, અમે સામાજિક સમરસતા, વૈશ્વિક ભાઈચારો, આબોહવા પરિવર્તન અને સર્વસમાવેશક વિકાસ જેવા મુદ્દાઓ પર ચર્ચા કરી હતી. તેઓએ આ પ્રસંગે વધુમાં જણાવ્યું કે ખ્રિસ્તી સમુદાયની આઝાદીની ચળવળમાં મહત્વની ભૂમિકા ભજવી છે. તેમજ સમાજને દિશા દેખાડવા પણ મહત્વની ભૂમિકા ભજવી છે.
સેક્રેડ હાર્ટ ચર્ચ પહોંચ્યા હતા
બીજી તરફ બીજેપી અધ્યક્ષ જેપી નડ્ડા પણ સોમવારે સેક્રેડ હાર્ટ કેથેડ્રલ કેથોલિક ચર્ચ પહોંચ્યા હતા. અહીં તેઓ પ્રાર્થનામાં જોડાયા હતા. તેમણે ઈસુ ખ્રિસ્તને માનવતા માટે પ્રેરણા સ્ત્રોત ગણાવ્યા. આ ચર્ચ દિલ્હીના ગોલ દખાનામાં આવેલું છે.
જે.પી નડ્ડાએ ક્રિસમસની શુભકામના પાઠવી
ચર્ચમાં પહોંચેલા ભાજપના રાષ્ટ્રીય અધ્યક્ષ જેપી નડ્ડાએ કહ્યું કે મેં જીસસ ક્રાઈસ્ટ પાસેથી આશીર્વાદ લીધા. સાથે જ જણાવ્યું કે આપણે બધા જાણીએ છીએ કે ભગવાન ઇસુ આપણા બધા માટે પ્રેરણા સ્ત્રોત છે. આજે તેમને અને તેમના ઉપદેશોને યાદ કરવાનો દિવસ છે. તેણે વધુમાં કહ્યું કે અમે તેમની પાસેથી પ્રેરણા લેવા માંગીએ છીએ. લોકો અને સમાજ વચ્ચે સંવાદિતા, શાંતિ અને વિકાસ સ્થાપિત કરવા માટે તેમના માર્ગને અનુસરો. હું તમને નાતાલના અવસર પર શુભેચ્છા પાઠવું છું.
