- જવાનોને રાજનાથ સિંહની સાંત્વના, તમારી સામે આંખ ઉંચી કરી જૂએ તે પણ સહન નહી કરીએ
- ત્રણ ગ્રામીણોના મોતને પગલે ઉભી થયેલી પરિસ્થિતિની સમીક્ષા કરશે અને સુરક્ષા વ્યવસ્થાની સમીક્ષા કરશે.
- આતંકવાદીઓને મદદ કરવાની શંકાના આધારે પૂછપરછ માટે એક ડઝન લોકોની અટકાયત કરવામાં આવી હતી.
કેન્દ્રીય રક્ષા મંત્રી રાજનાથ સિંહ આજે જમ્મુ-કાશ્મીરના રાજૌરી પહોંચ્યા. રક્ષા મંત્રીની મુલાકાતને ધ્યાનમાં રાખીને રાજ્યમાં કડક સુરક્ષા વ્યવસ્થા કરવામાં આવી છે. જમ્મુ અને કાશ્મીરના સરહદી જિલ્લા પુંછમાં તાજેતરમાં થયેલા આતંકવાદી હુમલાને પગલે સુરક્ષા સ્થિતિની સમીક્ષા કરવા સંરક્ષણ પ્રધાન રાજનાથ સિંહ બુધવારે એક દિવસીય મુલાકાતે રાજૌરી પહોંચ્યા હતા. આ દરમિયાન તેમણે કહ્યું કે દરેક સૈનિક અમારા માટે મહત્વપૂર્ણ છે.
રાજનાથ સિંહે કહ્યું, “અમારા માટે દરેક સૈનિક ખૂબ જ મહત્વપૂર્ણ છે
રાજૌરી પહોંચેલા કેન્દ્રીય સંરક્ષણ પ્રધાન રાજનાથ સિંહે કહ્યું, “અમારા માટે દરેક સૈનિક ખૂબ જ મહત્વપૂર્ણ છે, અમારા દરેક સૈનિક પરિવારના સભ્ય સમાન છે. તમારા પર કોઈ નજર નાખે તે અમે સહન કરી શકતા નથી. સુરક્ષા અને ગુપ્તચર એજન્સીઓ બંને આવી ઘટનાઓને રોકવામાં મહત્વની ભૂમિકા ભજવે છે. આ માટે સરકાર તરફથી જે પણ સહયોગની જરૂર છે તેના માટે સરકારની તિજોરી ખુલ્લી છે.”
રાજનાથ સિંહનું એરપોર્ટ પર લેફ્ટનન્ટ ગવર્નર મનોજ સિંહાએ સ્વાગત કર્યું
અધિકારીઓએ જણાવ્યું કે રાજનાથ સિંહનું એરપોર્ટ પર લેફ્ટનન્ટ ગવર્નર મનોજ સિંહા અને નોર્ધન કમાન્ડના જનરલ ઓફિસર કમાન્ડિંગ-ઈન-ચીફ લેફ્ટનન્ટ જનરલ ઉપેન્દ્ર દ્વિવેદીએ સ્વાગત કર્યું હતું. રક્ષા મંત્રીની સાથે આર્મી ચીફ જનરલ મનોજ પાંડે પણ હાજર હતા. જમ્મુ એરપોર્ટ પર પહોંચ્યા પછી તરત જ, સંરક્ષણ પ્રધાન રાજૌરી-પૂંચ સેક્ટર માટે રવાના થયા જ્યાં તેઓ સુરક્ષા સ્થિતિ અને આતંકવાદ વિરોધી કામગીરીની સમીક્ષા કરશે.
22 ડિસેમ્બરે ત્રણ લોકો મૃત હાલતમાં મળી આવ્યા હતા.
નોંધનીય છે કે પુંછના બાફલિયાજમાં 21 ડિસેમ્બરે ધેરા કી ગલી અને ધાત્યાર મોર વચ્ચે થયેલા ઓચિંતા હુમલા બાદ આ વિસ્તારમાં આતંકવાદ વિરોધી ઓપરેશન ચાલી રહ્યું છે. આ વિસ્તારમાં ચાલી રહેલા આતંકવાદ વિરોધી ઓપરેશન દરમિયાન 22 ડિસેમ્બરે ત્રણ લોકો મૃત હાલતમાં મળી આવ્યા હતા. સ્થાનિક લોકોનો આરોપ છે કે પૂછપરછ દરમિયાન ત્રાસને કારણે તમામના મોત થયા હતા. જે બાદ લોકોમાં ગુસ્સો હતો કે આતંકી હુમલા બાદ સેનાએ વળતો જવાબ દેવો જોઇએ. અધિકારીઓએ જણાવ્યું કે રક્ષા મંત્રી રાજૌરીની મુલાકાત દરમિયાન મૃતકોના પરિવારજનોને પણ મળે તેવી શક્યતા છે. તેમણે કહ્યું કે રાજૌરીથી પરત ફર્યા બાદ રાજનાથ સિંહ રાજભવનમાં ઉચ્ચ સ્તરીય બેઠકમાં સુરક્ષા સ્થિતિની સમીક્ષા કરી શકે છે. રક્ષા મંત્રીની મુલાકાતને ધ્યાનમાં રાખીને સમગ્ર જમ્મુ ક્ષેત્રમાં સુરક્ષા સઘન કરવામાં આવી છે.
