- દ્વારકાના ભાણવડમાં પાણીની બોટલમાં જીવાત નીકળી
- બેવિકા પ્રીમિયમ વોટર નામની બોટલમાં જીવાત
- હરિઓમ નામની દુકાનમાંથી ખરીદેલી બોટલમાં જીવાત
દ્વારકાના ભાણવડમાં પાણીની બોટલમાં જીવાત નીકળી છે. જેમાં બેવિકા પ્રીમિયમ વોટર નામની બોટલમાં જીવાત નિકળી છે. હરિઓમ નામની દુકાનમાંથી ખરીદેલી બોટલમાં જીવાત નિકળતા ચર્ચાનો વિષય બન્યો છે. સિલપેક પાણીની બોટલમાં જીવાત નીકળતા લોકોને સાવચેત રહેવાની જરૂર છે.
ભાણવડમાં પાણીની બોટલમાં જીવાત નીકળી
દ્વારકા જિલ્લાના ભાણવડમાં પાણીની બોટલમાં જીવાત નીકળી છે. બેવિકા પ્રીમિયમ વોટર નામની પાણીની બોટલમાં જીવાત આવી હતી. ભાણવડના હરિઓમ નામની દુકાનમાંથી પાણીની બોટલ ખરીદી હતી. સિલપેક પાણીની બોટલમાં જીવાત નીકળતા જાગૃત નાગરિકે મીડિયાને જાણ કરી હતી. સતત હોટલ- રેસ્ટોરન્ટમાં જમવાની આદત બનાવી લીધી હોય તો એકવાર હોટલનું ભોજન જોઈ તપાસીને જ જમાવા બેસજો.
વિવિધ વાનગીમાં જીવાત અને વંદા નીકળવાનો સિલસિલો
ગાર્લિક બ્રેડ, પિઝા, બર્ગર બાદ મસાલા પાપડ જેવી વિવિધ વાનગીમાં જીવાત અને વંદા નીકળવાનો સિલસિલો ચાલી રહ્યો છે. આ બધાની વચ્ચે દ્વારકાના ભાણવડમાં પાણીની બોટલમાં જીવાત નીકળી છે. અગાઉ અમદાવાદમાં 2 રેસ્ટોરન્ટની બેદરકારી બદલ AMCએ કાર્યવાહી કરી હતી. રાણીપની રિયલ પેપરિકા રેસ્ટોરન્ટને રૂપિયા 10 હજારનો દંડ ફટકાર્યો હતો જ્યારે વસ્ત્રાલની બ્રિટિશ પીઝાને રૂપિયા 15 હજારનો દંડ ફટકાર્યો હતો.
ગ્રાહકે કિચન વિઝિટની માગ કરતા હોટલ મેનેજમેન્ટે ઇન્કાર કર્યો
થોડા દિવસ અગાઉ અમદાવાદની નામચીન હોટલ લોકોના આરોગ્ય સાથે ચેડા કરી રહી હતી. અમદાવાદની કોર્ટયાર્ડ બાય મેરિયોટ હોટલના ભોજનમાંથી જીવાત પડેલી જોવા મળી હતી. કોર્ટયાર્ડ બાય મેરિયટના Java+માં જમવા ગયેલા ગ્રાહકે જીવાતનો વીડિયો બનાવ્યો હતો. થોડાદિવસ અગાઉ જ કબીર રેસ્ટોરન્ટ અને ઘી ગુડમાંથી પણ જીવાત નીકળી હતી. ત્યારે સમગ્ર ઘટના બાદ ગ્રાહકે કિચન વિઝિટની માગ કરતા હોટલ મેનેજમેન્ટે ઇન્કાર કર્યો હતો.
