- ટેસ્ટ સિરીઝ દરમિયાન બોલરો સારા ફોર્મમાં દેખાયા
- એક નહીં બે ખેલાડીને ‘પ્લેયર ઓફ ધ સિરીઝ’ તરીકે પસંદ કરાયા
- મોહમ્મદ સિરાજને બીજી ટેસ્ટ મેચ માટે મળ્યો ‘પ્લેયર ઓફ ધ મેચ’
ભારતનો દક્ષિણ આફ્રિકા પ્રવાસ ખતમ થઈ ગયો છે. બ્લુ ટીમનાદ્રષ્ટિકોણથી આ પ્રવાસ ખૂબ જ મહત્વપૂર્ણ હતો. ટીમ ઈન્ડિયાએ ટી20 અને ટેસ્ટ સિરીઝ ડ્રો સાથે સમાપ્ત કરી. આ સાથે જ તે વનડે સિરીઝ 2-1થી જીતવામાં સફળ રહી હતી. ટેસ્ટ સિરીઝની છેલ્લી મેચ કેપટાઉનમાં રમાઈ હતી. આ મેચમાં ભારતીય ટીમે શાનદાર પ્રદર્શન કર્યું હતું અને સાત વિકેટે જીત મેળવી હતી.
બોલરોએ તોડ્યા રેકોર્ડ
ટેસ્ટ સિરીઝ દરમિયાન ઘણા ખેલાડીઓનું પ્રદર્શન પ્રશંસનીય હતું. ખાસ કરીને બોલરો સારા ફોર્મમાં હતા. વિપક્ષી ટીમ તરફથી કગીસો રબાડા શાનદાર ફોર્મમાં દેખાઈ રહ્યો હતો. ભારતીય ટીમ વતી મોહમ્મદ સિરાજ અને જસપ્રિત બુમરાહ પોતાની છાપ છોડવામાં સફળ રહ્યા હતા.
માર્કરમ-એલ્ગરે બનાવ્યા રન
બેટિંગ દરમિયાન આફ્રિકન ટીમ માટે ડીન એલ્ગર અને એડન માર્કરામે સારી બેટિંગ કરી અને ભારતીય ટીમ માટે કેએલ રાહુલ અને વિરાટ કોહલીએ ઘણા રન બનાવ્યા. ચાહકો એ જાણવા માટે ખૂબ ઉત્સુક છે કે ટેસ્ટ શ્રેણીમાં તેના શ્રેષ્ઠ પ્રદર્શન માટે કયા ખેલાડીને ‘પ્લેયર ઓફ ધ સિરીઝ’ તરીકે પસંદ કરવામાં આવ્યો છે. જો તમને પણ આવો જ સવાલ હોય તો અમે લાવ્યા છીએ જવાબ.
આ ખેલાડીઓને મળ્યા એવોર્ડ
ભારત અને દક્ષિણ આફ્રિકા વચ્ચે રમાયેલી ટેસ્ટ શ્રેણી માટે બે ખેલાડીઓને ‘પ્લેયર્સ ઓફ ધ સિરીઝ’ તરીકે પસંદ કરવામાં આવ્યા છે. જેમાં આફ્રિકાના બેટ્સમેન ડીન એલ્ગર અને ભારતીય બોલર જસપ્રિત બુમરાહનું નામ સામેલ છે. આખી મેચ દરમિયાન ડીન એલ્ગરે સૌથી વધુ 201 રન બનાવ્યા હતા. જ્યારે જસપ્રીત બુમરાહને ટૂર્નામેન્ટ દરમિયાન 12 સફળતા મળી હતી. મોહમ્મદ સિરાજને બીજી ટેસ્ટ મેચ માટે ‘પ્લેયર ઓફ ધ મેચ’ તરીકે પસંદ કરવામાં આવ્યો છે.
