ગણતંત્ર દિવસને લઇ જમ્મુ-કાશ્મીરમાં સરપ્રાઈઝ ચેકિંગ…! હવે આતંકીઓની ખેર નહીં

• 75મો ગણતંત્ર દિવસને લઇ જમ્મુ-કાશ્મીર કડક સુરક્ષા વ્યવસ્થા ગોઠવાઇ
• ગણતંત્ર દિવસ સમારોહના સ્થળોની આસપાસ સુરક્ષા વધારી દેવામાં આવી
• જમ્મુ અને કાશ્મીર પોલીસ અને અન્ય સુરક્ષા કર્મચારીઓ દ્વારા સર્ચ ઓપરેશન 

આ વખતે દેશ પોતાનો 75મો ગણતંત્ર દિવસ ઉજવી રહ્યો છે, જેના માટે દેશભરમાં કડક સુરક્ષા વ્યવસ્થા કરવામાં આવી છે. કાશ્મીર ખીણમાં પણ સુરક્ષાને લઈને વહીવટીતંત્ર એલર્ટ છે. અધિકારીઓના જણાવ્યા અનુસાર, દરેક ઈન્ટેલિજન્સ ઈનપુટ પર વિશેષ ધ્યાન આપવામાં આવી રહ્યું છે. અધિકારીઓના જણાવ્યા અનુસાર, કાશ્મીરમાં પ્રજાસત્તાક દિવસ પહેલા શાંતિપૂર્ણ ઉજવણી સુનિશ્ચિત કરવા માટે સુરક્ષા કડક કરવામાં આવી છે. સુરક્ષા માટે જમીનથી લઈને આકાશ સુધી વ્યવસ્થા કરવામાં આવી છે.

75મો ગણતંત્ર દિવસને લઇ જમ્મુ-કાશ્મીર કડક સુરક્ષા વ્યવસ્થા ગોઠવાઇ

જમ્મુ અને કાશ્મીર પોલીસ અને અન્ય સુરક્ષા કર્મચારીઓ દ્વારા વિસ્તાર પર પ્રભુત્વ અને આશ્ચર્યજનક સર્ચ ઓપરેશન હાથ ધરવામાં આવી રહ્યું છે. અધિકારીઓએ જણાવ્યું કે શહેર પોલીસ અને અન્ય જિલ્લા મુખ્યાલયોની સાથે સીઆરપીએફના જવાનો સહિત અર્ધલશ્કરી દળો પણ આ ઓપરેશનમાં સામેલ છે. આ ઉપરાંત, શ્રીનગરમાં વિવિધ સ્થળોએ, ખાસ કરીને શહેર અને અન્ય જિલ્લાઓના પ્રવેશ સ્થળો પર ચેકપોસ્ટ બનાવવામાં આવી છે.

અધિકારીઓ પાસેથી મળેલી માહિતી મુજબ સુરક્ષા દળો આતંકી પ્રવૃતી કરતા તત્વોને નિષ્ફળ બનાવવા માટે વાહનોની તપાસ કરી રહ્યા છે. આ ઉપરાંત સમયાંતરે મુસાફરોની શોધખોળ કરવામાં આવી રહી છે. ઉલ્લેખનીય છે કે ગણતંત્ર દિવસનું મુખ્ય સમારોહ જમ્મુમાં યોજાશે જેની અધ્યક્ષતા જમ્મુ અને કાશ્મીરના લેફ્ટનન્ટ ગવર્નર મનોજ સિંહા કરશે. 

જમ્મુ અને કાશ્મીર પોલીસ અને અન્ય સુરક્ષા કર્મચારીઓ દ્વારા સર્ચ ઓપરેશન 

પોલીસ અધિકારીઓએ જણાવ્યું હતું કે ખીણમાં ગણતંત્ર દિવસ સમારોહના સ્થળોની આસપાસ સુરક્ષા વધારી દેવામાં આવી છે, જેમાં સ્ટેડિયમનો પણ સમાવેશ થાય છે, અને સ્થળોની આસપાસ બહુસ્તરીય સુરક્ષા વ્યવસ્થા ગોઠવવામાં આવી છે. અધિકારીઓએ કહ્યું કે સુરક્ષા દળો અને અન્ય સુરક્ષા એજન્સીઓને સતર્ક રહેવા અને કોઈને પણ કાયદો અને વ્યવસ્થા અને શાંતિને ખલેલ પહોંચાડવાની મંજૂરી ન આપવા માટે કહેવામાં આવ્યું છે.