મુફ્તી સલમાન અઝહરી સામે વધુ એક ગુનો, અરવલ્લી પોલીસ ધરપકડ કરશે!

મૌલાના મુફ્તી સલમાન અઝહરી સામે વધુ એક ગુનો દાખલ થયો છે. જેમાં અરવલ્લીના મોડાસામાં મૌલાના સામે ગુના નોંધાયો છે. ભડકાઉ ભાષણ અને એટ્રોસિટી મામલે ફરિયાદ થઇ છે. મોડાસા ટાઉન પીઆઈ ફરિયાદી બન્યા છે. ગત 24 ડિસેમ્બરે મોડાસામાં પણ કાર્યક્રમ યોજાયો હતો.

મૌલાના તેમજ આયોજક ઇશાક સામે પણ ફરિયાદ થઇ છે. અરવલ્લી પોલીસ સલમાન અઝહરીની ધરપકડની માગ કરશે. જેમાં ભચાઉથી જામીન બાદ ધરપકડ કરી શકે છે. ભડકાઉ ભાષણ આપવા મુદ્દે મૌલાના મુફ્તી સલમાન અઝહરીની મુશ્કેલીઓ વધી રહી છે. જેમાં અરવલ્લી પોલીસે મૌલાના વિરુદ્ધ ગુનો નોંધ્યો છે. ગુજરાતમાં આ મૌલાના વિરુદ્ધ ત્રીજી ફરિયાદ નોંધાઈ છે. 24 ડિસેમ્બર 2023ના રોજ ભડકાઉ ભાષણ આપવા મામલે આ કેસ નોંધવામાં આવ્યો છે. કચ્છ જિલ્લાની પોલીસ કસ્ટડીમાંથી છૂટતાની સાથે જ અરવલ્લી પોલીસ ધરપકડ કરી શકે છે.

સામખીયાળી ખાતે ગત 31મી જાન્યુઆરીના રોજ એક ધાર્મિક કાર્યક્રમમાં મૌલાના મુફ્તી સલમાન અઝહરીએ હાજરી આપી હતી. આ કાર્યક્રમમાં પણ મૌલાનાએ ભડકાઉ ભાષણ આપ્યું હતું. સામખીયાળીમા યોજાયેલ કાર્યક્રમમાં સલમાન અઝહરી દ્વારા ભડકાઉ ભાષણ આપ્યું હોવાનું પોલીસને ધ્યાને આવ્યું હતું. જે બાદ પોલીસે વીડિયો સહિતના પુરાવા એકઠા કર્યા હતા. આ મામલે સામખીયાળી પોલીસ મથકે આયોજક મામદખાન મુર અને મૌલાના મુફ્તી સલમાન અઝહરી સામે ફરિયાદ નોંધાઈ હતી.