- કેવડિયા પોલીસ સ્ટેશનમાં ફરજ બજાવતો હતો ASI
- ફરિયાદી અગાઉ આંકડાના જુગારનો ધંધો કરતો હતો
- ફરીથી ધંધો ચાલુ કરવા ASIએ 3 હજારની લાંચ માગી
નર્મદાના કેવાડિયા પોલીસ સ્ટેશનમાં ફરજ બજાવતા ASI રુપિયા 3 હજારની લાંચ લેતા ઝડપાયો છે. કેવાડિયા પોલીસ સ્ટેશનમાં ફરજ બજાવતા ધવલ વાડીલાલ પટેલ નામનો ASI કેવાડિયા પ્રતિમા હોટેલની બહાર લાંચ લેતા ઝડપાઈ ગયો હતો.
ASI ધવલ પટેલ ACBના હાથે રંગેહાથ ઝડપાઈ ગયો
અગાઉ આંકડા જુગારનો ધંધો કરતાં ફરિયાદીએ ASI ધવલ વાડીલાલ પટેલ વિરુદ્ધ ફરિયાદ નોંધાવી હતી. ફરિયાદીએ ASI વિરુદ્ધ ફરિયાદ નોંધાવી હતી કે, એએસઆઈએ રુ. 3000ની લાંચની માંગણી કરી છે. જે અંગેની ફરિયાદ ACBમાં નોંધાઈ હતી. ફરિયાદીએ જણાવ્યું હતું કે, ASI એ તેના આંકડા જુગારના ધંધાને પુનઃચાલુ કરવા માટે રુબરુ મળવા જણાવ્યું હતું અને રુ. 3 હજારની માગણી કરી હતો. લાંચની રકમ રુ. 3000 લેતાં ASI ધવલ પટેલ ACBના હાથે રંગેહાથ ઝડપાઈ ગયો હતો.
આંકડા જુગારના ધંધો કરતાં ફરિયાદીએ ACBમાં ફરિયાદ
અગાઉ આંકડા જુગારના ધંધો કરતાં ફરિયાદીએ ACB માં ફરિયાદ નોંધવતાં ACB એ આ અંગે તપાસ કરી હતી અને તેની વિરુદ્ધ ફરિયાદ નોંધીને છકટું ગોઠ્વ્યું હતું. જેમાં ASI રું. 3000 હજારની લાંચ લેતાં આ છકટામાં ઝડપાઈ ગયો હતો. ACB ને લાંચિયા ASI ને પકડવામાં સફળતા મળી હતી.
આ પહેલાં વલસાડમાં પોલીસ કોન્સ્ટેબલ લાંચ લેતા પકડાયો હતો
એક તરફ તોડકાંડ કરનાર પોલીસ સામે કાર્યવાહી ચાલી રહી છે આ પછી પણ પોલીસ લાંચ લેવામાં પાછળ પડી રહ્યું નથી. વલસાડ જિલ્લામાં પોલીસ કોન્સ્ટેબલ 3 લાખની લાંચ લેતા ઝડપાયા છે. આ અંગેની માહિતી અનુસાર, બુટલેગર પાસેથી 3 લાખ રૂપિયાની લાંચ સ્વીકારી ફરાર થયેલા કોન્સ્ટેબલને ઝડપવા LCBની ટીમે પીછો કર્યો હતો.
બુટલેગરનું નામ ન ખોલવા 5 લાખની માગણી કરી
વલસાડ જિલ્લાના LCBએ કરેલા એક વિદેશી દારૂના કેસમાં એક બુટલેગરનું નામ ન ખોલવા માટે રૂ 5 લાખની માંગણી વલસાડ LCBના કોસ્ટબલે કરી હતી. કોન્સ્ટેબલ એસીબીની ટીમને હાથતાળી આપી ગાડીમાં ફરાર થઈ ગયો હતો. આગળ જતાં એસીબીની ટીમને ખાલી ગાડી અને ગાડીમાં રહેલી રોકડ રકમની બેગ મળી હતી. એસીબીની ટીમે કોન્સ્ટેબલને વોન્ટેડ જાહેર કરી વધુ તપાસ હાથ ધરી છે.
ACBમાં ઓનલાઈન ફરિયાદ કરી હતી
બુટલેગર લાંચની રકમ આપવા માંગતો ન હોવાથી ACBમાં ઓનલાઈન ફરિયાદ કરી હતી. જે ફરિયાદ ભરૂચ ACBના હાથે લાગતા ભરૂચ ACBની ટીમે ઉદવાડા હાઇવે પાસે આવેલા સર્વિસ ઉપર એક ગેરેજ પાસે લાંચનું છટકુ ગોઠવ્યુ હતું. જેમાં કોસ્ટબલ લાંચની રકમ સ્વીકારી ગાડીમાં ફરાર થઇ ગયો હતો.
