- મુઝફ્ફરનગરમાં ટાઈમર બોમ્બ સાથે જાવેદ નામના શખ્સની ધરપકડ
- જાવેદે મહિલાના કહેવા પર બોટલ ટાઈમર બોમ્બ બનાવ્યા હતા
- બોટલ ટાઈમર બોમ્બ બનાવવા માટે મળવાના હતા 50 હજાર રૂપિયા
ઉત્તર પ્રદેશ STFની ટીમે ટાઈમર બોમ્બ સાથે જાવેદ નામના વ્યક્તિની ધરપકડ કરી છે. તેનું કનેક્શન નેપાળ સાથે હોવાનું ખૂલ્યું છે. તેનો જન્મ પણ નેપાળમાં થયો હતો. જણાવી દઈએ કે UP STFની ટીમે શાતિર જાવેદની યુપીના મુઝફ્ફરનગર જિલ્લામાંથી ધરપકડ કરી છે. હવે પૂછપરછમાં તેના વિશે ઘણા ખુલાસા સામે આવ્યા છે. જાવેદે મહિલાના કહેવા પર બોટલ ટાઈમર બોમ્બ બનાવ્યા હોવાનું પણ બહાર આવ્યું છે.
જાવેદની સાથે મહિલાની પણ ધરપકડ કરાઇ
હકીકતમાં, UP STFની ટીમે જાવેદ અને એક મહિલાની ધરપકડ કરી છે. મહિલાની ઓળખ ઈમરાના તરીકે થઈ છે. ઈમરાના એ જ મહિલા છે જેની સલાહ પર જાવેદે ટાઈમ બોમ્બ તૈયાર કર્યો હતો. તે બોમ્બ બનાવવાનો માસ્ટર માઈન્ડ હોવાનું કહેવામાં આવી રહ્યું છે. તેના કબજામાંથી 4 ટાઈમર બોટલ બોમ્બ મળી આવ્યા છે.
આ મહિલાની સલાહ પર બનાવ્યા હતા બોમ્બ
UP STFની ટીમ સતત જાવેદની પૂછપરછ કરી રહી છે. તેની પાસેથી ચાર બોટલ બોમ્બ IED, બોટલની અંદરથી ગન પાવડર 999, લોખંડની નાની ગોળીઓ, કોટન અને પીઓપી વગેરે પણ મળી આવ્યા હતા. જાવેદે ટીમ સમક્ષ ખુલાસો કર્યો છે કે તેણે આ બોટલ બોમ્બ આઝાદ પત્ની ઈમરાના, બાંટીખેડા ગામ, પોલીસ સ્ટેશન બાબરી, શામલી જિલ્લાના રહેવાસીના કહેવા પર બનાવ્યા હતા.
આમ એકત્રિત કર્યો બોમ્બ બનાવવા માટેનો સમાન
ઈમરાના નામની મહિલા હાલ મુઝફ્ફરનગરના કોતવાલી નગર પોલીસ સ્ટેશન વિસ્તારમાં કાલિંદી પુલિયા પાસે પ્રેમપુરીમાં રહે છે. UP STF ટીમને તપાસ દરમિયાન જાણવા મળ્યું કે તેણે બોમ્બ બનાવવા માટે ડોક્ટરો પાસેથી ગ્લુકોઝની બોટલો મેળવી હતી. જ્યારે તે સાયકલની દુકાનમાંથી લોખંડની ગોળીઓ લાવ્યો હતો. ટાઇમ બોમ્બમાં મૂકવા માટે તેણે ઘડિયાળનું મશીન ઘડિયાળની દુકાનમાંથી લીધું હતું.
બોમ્બની સામે મળવાના હતા 50 હજાર
જાવેદના ખુલાસા પ્રમાણે, ઈમરાના નામની મહિલાએ તેને બોટલ બોમ્બ તૈયાર કરવા માટે એડવાન્સમાં 10,000 રૂપિયા આપ્યા હતા અને બોમ્બ મળ્યા બાદ બાકીના 40,000 રૂપિયા આપવાનો વાયદો કર્યો હતો. આ દરમિયાન એવું પણ બહાર આવ્યું હતું કે જાવેદે બોમ્બ બનાવવાનું કામ તેના કાકા મોહમ્મદ અર્શી પાસેથી શીખ્યો હતો. મોહમ્મદ અર્શી મુઝફ્ફરનગરના મિમલાના રોડ પર રામલીલા ટીલા પોલીસ સ્ટેશન કોતવાલી નગર વિસ્તારમાં રહે છે. વાસ્તવમાં તે ફટાકડા બનાવવાનું કામ કરે છે.
આ રીતે બોમ્બ બનાવતા શીખ્યો હતો
જાવેદે તેના ઘરે રહીને ગનપાઉડર અને બોટલ બોમ્બ (IED) બનાવવાનું કામ શીખ્યો હતો. જોકે તેણે યુટ્યુબ અને ઈન્ટરનેટ દ્વારા કેટલીક માહિતી મેળવી હતી. આ ટાઈમર બોટલ બોમ્બ (IEED)નો ઉપયોગ ક્યાં કરવાનો હતો તે માત્ર ઈમરાના જ જાણતી હતી.
નેપાળી છે જાવેદની માતા
જાવેદે પૂછપરછ દરમિયાન એમ પણ જણાવ્યું હતું કે તેની માતાનું નામ નીતુ છે, જે નેપાળના કાઠમંડુના લેજીમ પાર્ટ, ખરસાની તાલની રહેવાસી છે. તેના પિતા નેપાળની મુલાકાતે ગયા હતા, જ્યાં તેમની ઓળખાણ થઈ અને ત્યાં લગ્ન કર્યા. તેઓ 2 ભાઈ અને 1 બહેન છે, જેમનો જન્મ નેપાળમાં થયો હતો. તેની બહેનના લગ્ન નેપાળમાં જ થયા હતા. તેનો ભાઈ અમેરિકાના ન્યુયોર્કમાં રહે છે અને MCR શોપિંગ સ્ટોરમાં કામ કરે છે. તેણે નેપાળમાં નર્સરીથી ધોરણ 7 સુધીનો અભ્યાસ કર્યો હતો. ત્યારબાદ, તે દાદા સાથે મુઝફ્ફરનગર આવી ગયો હતો.
