- જામનગર રેન્જ આઈજીની કડક કાર્યવાહી
- પંચકોશી બી ડિવીઝન પીએસઆઈને સસ્પેન્ડ કર્યા
- સ્ટેટ મોનિટરિંગ સેલે ઝડપી પાડ્યો હતો દારૂનો જથ્થો
જામનગરના પંચકોશી બી ડિવિઝન પીએસઆઈ એમ.એ મોરીને જામનગર રેન્જ આઈજી દ્વારા સસ્પેન્ડ કરી દેવામાં આવ્યા છે. મહત્વનું છે કે આ કાર્યવાહી બે દિવસ પહેલા સ્ટેટ મોનિટરિંગ સેલ દ્વારા 450 પેટી વિદેશી દારૂનો જથ્થો ઝડપાયો મુદ્દે થઈ હોવાનું મનાઈ રહ્યું છે.
મોનિટરિંગ સેલની કાર્યવાહી
જામનગર ખાતે આવેલ દરેડ ગામના વિસ્તારમાંથી સ્થાનિક પોલીસને ઊંઘતી રાખી સ્ટેટ મોનિટરિંગ સેલની ટીમે દારૂનો જંગી જથ્થો ઝડપી લીધો હતો. રાજસ્થાની ગેંગ દ્વારા ગોડાઉન ભાડે રાખી દારૂનું વેચાણ કરાતું હતું. પોલીસે રૂપિયા ૨૨.૬૯ લાખની કિંમતનો પેટી દારૂનો જથ્થો જપ્ત કર્યો છે. જેનાથી સ્થાનિક પોલીસની કામગીરી પ્રશ્નોના ઘેરામાં હતી. રેન્જ આઈજી અશોક કુમાર આ બાબતે ચોંકી ઉઠ્યા હતા અને તમણે કડક કાર્યવાહી કરી જ્યાંથી 5400 બોટલ દારૂ પકડાયો તે વિસ્તારના PSI એમ. એ. મોરીને સસ્પેન્ડ કરી દીધા છે
23 લાખનો દારૂ ઝડપાયો
મહત્વનું છે કે આ જથ્થો બે દિવસ પહેલા જામનગર નજીક આવેલા દરેડ જીઆઇડીસી વિસ્તારમાં સ્ટેટ મોનિટરિંગ સેલ દ્વારા દરોડો પાડવામાં આવ્યો હતો. જ્યારે ગોડાઉનમાંથી 5400 જેટલી ઇંગ્લિશ દારૂની બોટલો મળી આવી હતી. સ્ટેટ મોનિટરિંગ સેલ દ્વારા રૂપિયા 23 લાખનો મુદ્દામાલ જપ્ત કરવામાં આવ્યો હતો. આ બનાવની માહિતી પ્રમાણે પહેલા સ્ટેટ મોનિટરિંગ સેલ- ગાંધીનગરની ટીમ થોડા દિવસો અગાઉ રાજકોટમાંથી 120 પેટી દારુનો જથ્થા સાથે એક રાજસ્થાનીને ઝડપી લીધો હતો. જેની તપાસમાં જામનગર પંથકમાં વધુ દારૂ સંતાડયો હોવાનું સામે આવ્યું હતું. વધુમાં રામનારાયણ અર્જુનસિંહ કે જે મૂળ રાજસ્થાનના બાડમેર જિલ્લાનો છે, અને હાલ સત્યમ પાર્ક એચ.આર. રોડ દરેડ- જામનગર કે જે દરેડ વિસ્તારમાં ગોડાઉન ભાડેથી રાખી અને તેમાં દારૂનો મસમોટો જથ્થો સંતાડી રાખ્યો છે. તેવી વિગતો બહાર આવતા જ ગત શનિવારે સ્ટેટ મોનીટરીંગ સેલની ટીમ પહોંચી હતી.
પીએસઆઈને સસ્પેન્ડ કરવામાં આવ્યા
મહત્વનું છે કે સ્ટેટ મોનિટરિંગ સેલની ટીમે દરેડ વિસ્તારમાં ભવાની ફાર્મ નજીકના 160 નંબરના પ્લોટમાં આવેલા એક્ ગોદામમાંથી જુદી જુદી બ્રાન્ડની રૂપિયા 23 લાખની કિંમતનો 5400 બોટલ દારૂનો જથ્થો ઝડપી પાડ્યો હતો. જામનગરમાંથી ગત શનિવારના રાત્રિના સમયે સ્ટેટ મોનિટરિંગ સેલ દ્વારા દરેડ નજીક જીઆઇડીસી વિસ્તારમાં આ કાર્યવાહી કરવામાં આવી હતી. સ્ટેટ મોનિટરિંગ સેલના આ દરોડાના ઘેરા પડઘા પડ્યા છે. જેના લીધે આ વિસ્તારના પોલીસ સ્ટેશન પંચકોશી બી ડિવિઝનના પીએસઆઈ મોરી વિરુદ્ધ જામનગર રેન્જ આઈજી અશોક કુમારે કડક કાર્યવાહી કરી હતી અને તેમને સસ્પેન્ડ કરી દીધા હતા.
