- વિમેન્સ પ્રીમિયર લીગની બીજી સીઝનની બીજી મેચ ચાલું
- યુપી વોરિયર્સનો મુકાબલો હોમ ટીમ રોયલ ચેલેન્જર્સ બેંગ્લોર સામે થશે
- યુપીની કેપ્ટન એલિસા હીલીએ ટોસ જીતીને પહેલા બોલિંગ કરવાનો નિર્ણય લીધો
વિમેન્સ પ્રીમિયર લીગની બીજી સીઝનની બીજી મેચ શનિવારે બેંગલુરુમાં રમાઈ રહી છે. આ મેચમાં યુપી વોરિયર્સનો મુકાબલો હોમ ટીમ રોયલ ચેલેન્જર્સ બેંગ્લોર સામે થશે. મહિલા સ્ટાર સ્મૃતિ મંધાના આરસીબીની કમાન સંભાળી રહી છે અને બીજી તરફ ઓસ્ટ્રેલિયન ખેલાડી એલિસા હીલી યુપી વોરિયર્સની કમાન સંભાળી રહી છે. આ મેચ પહેલા યુપીની કેપ્ટન એલિસા હીલીએ ટોસ જીતીને પહેલા બોલિંગ કરવાનો નિર્ણય લીધો છે. જ્યારે બેંગ્લોરની ટીમ પ્રથમ બેટિંગ કરતી જોવા મળશે. આ મેચમાં RCB માટે ચાર ખેલાડીઓ ડેબ્યૂ કરતા જોવા મળશે.
કયા 4 ખેલાડીઓ ડેબ્યુ કરશે?
RCBની ટીમ ગત સિઝનમાં સારું પ્રદર્શન કરી શકી ન હતી. ટીમ માત્ર બે મેચ જીતી શકી હતી. તેથી હવે આ ટીમ નવી વ્યૂહરચના સાથે કામ કરવા માંગે છે. ટીમે ચાર ખેલાડીઓને પોતાની કેપ આપી છે. એટલે કે આરસીબી માટે ચાર ખેલાડીઓ ડેબ્યૂ કરી રહ્યા છે. તેમાંના નામ છે સભિનેની મેઘના, જ્યોર્જિયા વેયરહમ, સોફી મોલિનિઉક્સ અને શોભના આશા. યુપીએ પણ ત્રણ ખેલાડીઓને ડેબ્યૂની તક આપી હતી.
<a href="http://Enter a X URL
” target=”_blank”>Enter a X URL
સ્મૃતિ મંધાનાનું જોરદાર સ્વાગત
જો RCBની ટીમ મેદાનમાં ઉતરે અને સ્ટેડિયમ બેંગલુરુના ચિન્નાસ્વામી હોય તો ચાહકોનો ઉત્સાહ અને જોશ ચરમસીમાએ હોય છે. અહીં પણ એવું જ જોવા મળ્યું. સ્મૃતિ મંધાના સમગ્ર ભારતની ફેવરિટ ક્રિકેટર છે. જ્યારે તેણે આરસીબીની જર્સી પહેરી ત્યારે તેના ચાહકોની સંખ્યા વધુ વધી ગઈ. આ જ કારણ હતું કે જ્યારે ટોસ દરમિયાન બોલવાનો વારો આવ્યો ત્યારે ચાહકોએ તેને એવા અવાજથી આવકાર્યો કે તેનો અવાજ ડૂબી ગયો. ચાહકોના નારામાં તેમની ફેવરિટ ક્રિકેટર સ્મૃતિ મંધાનાના નામનો જ ગુંજ હતો.
બંને ટીમની પ્લેઇંગ 11
RCB: સ્મૃતિ મંધાના (c), સોફી ડેવાઇન, સભિનેની મેઘના, એલિસ પેરી, રિચા ઘોષ (wk), સોફી મોલિનેક્સ, જ્યોર્જિયા વેયરહેમ, શ્રેયંકા પાટિલ, સિમરન બહાદુર, શોભના આશા, રેણુકા ઠાકુર સિંહ.
UP વોરિયર્સ: એલિસા હેઇલી (c/wk), સોફી એક્લેસ્ટોન, તાહલિયા મેકગ્રા, દીપ્તિ શર્મા, રાજેશ્વરી ગાયકવાડ, કિરણ નવગીરે, વૃંદા દિનેશ, પૂનમ ખેમનાર, શ્વેતા સેહરાવત, ગ્રેસ હેરિસ, સાયમા ઠાકુર.
