- 13 માર્ચથી નરોડા લાંભા ક્રોસ રોડ પર દોડશે ડબલ ડેકર બસ
- સારંગપુરથી સિંગરવા, લાલ દરવાજાથી શિલજ સુધી દોડશે ડબલ ડેકર બસ
- હાલ એક ડબલ ડેકર બસ વાસણાથી ચાંદખેડા દોડી રહી છે
મેટ્રો સિટી અમદાવાદને આજે એક મોટી ભેટ મળી છે.અમદાવાદમાં 13 માર્ચથી વધુ 3 ડેબલ ડેકર બસનો લાભ મુસાફરોને મળશે,જેમાં નરોડા થી લાભ ક્રોસ રોડ,સારંગપુર થી સિંગરવા રૂટ પર ડબલ ડેકર બસ દોડાવવમાં આવશે,તો 3 ફેબુઆરીના રોજ અમદાવાદના મેયર દ્રારા વાસણાથી ચાંદખેડા રૂટ પર એક ડબલ ડેકર બસને ફલેગ ઓફ કરાવમાં આવી હતી,મહત્વનું છે કે, ગુજરાત રાજ્ય માર્ગ વાહન વ્યવહાર નિગમ દ્વારા ગાંધીનગરમાં ડબલ ડેકર બસની શરૂઆત કરવામાં આવી હતી અને ત્યારબાદ અમદાવાદમાં ડબલ ડેકર બસની શરૂઆત કરાઈ છે.
પહેલા કયો રૂટ હતો અને હવે કયો રૂટ રહેશે
અમદાવાદ મ્યુનિસિપલ કોર્પોરેશન દ્વારા આજે મેયરના હસ્તે ડબલ ડેકર બસની શરૂઆત કરવામાં આવી છે. અમદાવાદને 34 વર્ષ બાદ મળેલ ડબલ ડેકર બસમાં જેટલા 60 લોકો બેસી શકે તેવી વ્યવસ્થા છે,સૌ પ્રથમ ડબલ ડેકર બસને વાસણા AMTS બસ સ્ટેશનથી લીલી ઝંડી આપવામાં આવી હતી,પ્રથમ બસનો રૂટ વાસણા બસ સ્ટેન્ડથી ચાંદખેડા સુધી નો છે,મુસાફરોને વધુ સુવિધા મળે તે હેતુંથી કોર્પોરેશ દ્રારા વધુ 3 ડબલ ડેકર બસ દોડાવાનો નિર્ણય લેવામાં આવ્યો છે,આ બસનો રૂટ નરોડાથી લાંભા ક્રોસ રોડ,સારંગપુરથી સિંગરવા, અને લાલદરવાજાથી શિલજ સુધીનો રહેશે.
ડબલ ડેકર બસનો 34 વર્ષ જૂનો ઇતિહાસ
આજથી 34 વર્ષ પહેલા એટલે કે 80 અને 90ના દાયકામાં બાળકો,મોટા અને તમામ લોકોને ફેવરિટ હતી આ ડબલ ડેકર બસ. તમને યાદ હોય તો જ્યારે તમે આ ડબલ ડેકર બસના ઉપલા ડેક પર આગળની સીટ પર બેસતા ત્યારે કેવો રાજા જેવો અનુભવ થતો હતો ? અગાઉ 90ના દાયકાના અંતમાં ડબલ ડેકર બસ અદૃશ્ય થઈ ગયા બાદ હવે છેક 34 વર્ષે અમદાવાદ મ્યુનિસિપલ ટ્રાન્સપોર્ટ સર્વિસ (AMTS) દ્રારા ડબલ-ડેકર સ્વપ્નને પુનર્જીવિત કરી છે.
