એટ્રોસિટીના કેસમાં ભાગેડુ ભરત રામાણી પોણા બે વર્ષથી પોલીસની પહોંચથી દૂર

જૂનાગઢ અને રાજકોટ પંથકમાં આટાફેરા : ચોક્કસ ટાર્ગેટને ‘હેડ’ બનાવીને ‘લાઇન’ ક્રોસ કરતો આરોપી પોણા બે વર્ષથી ફરાર

રાજકોટમાં પોણા બે વર્ષ પહેલા બનેલી એક ઘટનામાં એક આઇ.પી.એસ અધિકારીએ આરોપી ભરત વશરામ રામાણી સામે નોંધાવેલી એટ્રોસિટીની ફરિયાદમાં છેલ્લા પોણા બે વર્ષથી આ શખ્સ ફરાર છે. તાજેતરમાં આ શખ્સે પોલીસના ચોપડે ફરાર હોવા છતા છૂટથી જૂનાગઢ અને રાજકોટ આસપાસ દેખા દીધી હોવાનું જાણવા મળે છે. જે તે સમયે ગુમાનમાં આ શખ્સે પોતે ‘હેડ’ બની ‘લાઇન’ ક્રોસ કરી હતી. ટોચના અધિકારી સાથે ગેરવર્તન અને હડધૂત કરવાની ઘટના બાદ તેની સામે નોંધાયેલી ફરિયાદ એક તબક્કે ગંભીરતા પૂર્વક ચલાવવામા આવી હતી. આ શખ્સ હવે ભીંસ ઓછી થતા રાજકોટ અને જૂનાગઢ આસપાસ આટાફેરા કરતો હોવાનુ અને જૂનાગઢ પંથકમાં ધામા નાખ્યા હોવાનું ચર્ચાય છે.

એક આઇ.પી.એસ. કક્ષાના નીડર અને નિષ્પક્ષ પોલીસ અધિકારી જ્યારે રાજકોટમાં ફરજ પર હતા ત્યાંરે તેમના માન-સન્માન અને હડધૂત થાય એ રીતે આરોપી ભરત વશરામ રામાણીને ‘હેડ’ બની ‘લાઇન’ ક્રોસ કરવાનું ગુમાન હતુ. ભરત વશરામ રામણી છેલ્લા પોણા બે વર્ષથી પોલીસ ચોપડે ફરાર છે. સ્થાનિક કોર્ટે તેના આગોતરા ફગાવી દીધા બાદ આરોપી ભરત વશરામ રામાણી ભૂગર્ભમાં છે. છેલ્લાં કેટલાક દિવસોથી આરોપી ભરત વશરામ રામાણી જૂનાગઢ અને રાજકોટ આસપાસ આટાફેરા કરતો હોવાનું ઓપન સિક્રેટ છે.

ચોક્કસ ટાર્ગેટ વ્યક્તિને ‘હેડ’ બનાવીને ‘લાઇન’ ક્રોસ કરવાની ટેવ ધરાવતા અને શહેરના પેડક રોડ પર રણછોડનગર સોસાયટી શેરી નં.૨૯માં રહેતા તેમજ કુવાડવા રોડ પર પેટ્રોલ પમ્પના વ્યવસાય સાથે પણ જોડાયેલા ભરત વશરામ રામાણી સામે તા.3-૬-૨૦૨૨ના રોજ એક ગંભીર પ્રકારનો ગુનો નોંધાયો હતો. ગુનો નોંધાયાને આજે પોણા બે વર્ષ થઇ ચુક્યા છે આમ છતાં આરોપી ભરત વશરામ રામાણી હજુ ભૂગર્ભમાં છે. તેને પકડવા માટે પોલીસ દ્વારા રાજકોટ જ નહીં પણ ગુજરાત બહાર પણ શોધખોળ ચાલી રહી છે પરંતુ મળેલી બાતમી મુજબ પોલીસ પહોંચે એ પહેલા જ ભાગેડુ ભરત વશરામ રામાણી ત્યાંથી નવ-દો-ગ્યારહ થઇ જાય છે.

ભાગેડુ ભરત વશરામ રામાણી સામે એવા ગંભીર પ્રકારનો આરોપ છે કે, તા.3 જૂન ૨૦૨૨ના રોજ હીરાસર એરપોર્ટ ખાતે બંદોબસ્તના જનરલ સુપરવિઝનની જવાબદારી ફરિયાદી કર્મનિષ્ઠ, નિડર અને પ્રમાણિક આઇ.પી.એસ. અધિકારીને સોંપવામા આવી હતી. ત્યારે એ કેસમાં પોલીસ અધિકારી  સાથે લાઇન ક્રોસ કરી ગયેલા ભરત વશરામ રામાણી સામે આઇ.પી.એસ અધિકારીનું અપમાન થાય એ રીતે ગંભીર પ્રકારનો કહી શકાય તેવો આરોપ છે.

આ કેસમાં ભરત વશરામ રામાણી છેલ્લા પોણા બે વર્ષથી પોલીસ ચોપડે ફરાર છે. તેને પકડવા માટે પોલીસની એક ખાસ ટીમ કામે લગાડવામા આવી છે. દરમિયાન છેલ્લા કેટલાક સમયથી ભરત વશરામ રામાણી જૂનાગઢ અને રાજકોટ આસપાસ આટાફેરા કરતો હોવાની ચોક્કસ બાતમી મળતા તેને દબોચવા માટેના ચક્રો ગતિમાન થયા છે.

સેશન્સ કોર્ટે પણ આપેલો છે સ્પષ્ટ ચુકાદો

ભરત વશરામ રામાણીને આગોતરા જામીનમુક્ત કરવાનું ઉચિત જણાતુ નથી

આ કેસમાં બી.બી.જાદવ (સ્પેશિયલ જજ (એટ્રોસિટી કોર્ટ) અને ૧૧માં એડી.સેશન્સ જજ, રાજકોટ)એ પણ એવો સ્પષ્ટ ચુકાદો આપેલો છે કે, “અરજદારને મળેલી સ્વતંત્રતાનો ઘોર દૂરઉપયોગ સમાન છે. અરજદારને પોતાને પ્રાપ્ત વાણીસ્વતંત્રતા અને અભિવ્યક્તિની સ્વતંત્રતાના અધિકારના મર્યાદાપૂર્ણ ઉપયોગથી ઉપરવટ નીકળી જઇ દૂરપયોગ સુધી પહોંચી ગયેલા. વધુમાં સમગ્ર એફ.આઇ.આર. વંચાણે લેતા પણ સ્પષ્ટપણે એટ્રોસિટી એક્ટની કલમ-૧૮ મુજબની જોગવાઇઓ એટ્રેક્ટ થતી હોય તેવા સંજોગોમાં આ કાયદાની કલમ-૧૮ મુજબ આગોતરા જામીન અરજી ટકવાપાત્ર નથી. તેવા સંજોગોમાં અરજદાર પક્ષે વિ.વ.શ્રીએ તેમની દલિલના સમર્થનમાં જે ઓથોરિટીઓ ઉપર આધાર રાખેલ છે તેનો લાભ અરજદારોને મળી શકે નહીં. કારણ કે રજૂ કરેલ ઓથોરિટીઓ મુજબ જ્યારે પ્રથમ દર્શનીય રીતે એફ.આઇ.આર. ઉપરથી એટ્રોસિટી એક્ટ અન્વયેનો ગુનો બનતો હોય તેવા સંજોગોમાં આગોતરા જામીન ન આપી શકાય. આ કામે એફ.આઇ.આર. જોતા તેમજ પોલીસ પેપર્સ જોતા સ્પષ્ટપણે પ્રથમ દર્શનીય રીતે એટ્રોસિટી એક્ટની જોગવાઇ મુજબનો ગુનો બનતો હોવાનું ફલિત થતુ હોય અરજદારોની આગોતરા જામીન અરજી ટકવાપાત્ર નથી તેવુ અત્રેની અદાલતનું નમ્રપણે માનવુ છે. સમગ્રપણે જોતા ઉપરના કારણોસર અરજદારોના લાભમાં વિવેકબુધ્ધિની સતા વાપરીને અરજદારને આગોતરા જામીનમુક્ત કરવાનું ઉચિત જણાતુ નથી.”

ભરત વશરામ રામાણી સામે લાગી છે આટલી ગંભીર કલમો

આરોપી ભરત વશરામ રામાણી વિરુધ્ધ આ કેસમાં એ-ડીવીઝન પોલીસ સ્ટેશનમાં ગુના રજીસ્ટર નંબર 11208050221285/2022, આઇ.પી.સી. કલમ ૫૦૦, ૫૦૧, ૪૬૯, ૧૨૦(બી) તથા અનુસુચિત જાતિ અને અનુસુચિત જનજાતિ પ્રતિબંધ અધિનિયમની કલમ 3(૧)(આર), 3(૧)(એસ), 3(૧)(યુ), 3(૨)(પ-એ.) મુજબની ગંભીર કહી શકાય તેવી કલમ લાગી છે.