લોકસભામાં એકલા હાથે 3૧૯થી વધુ બેઠકો જીતવાના સટ્ટા શરૂ : આગળ જતાં અપટ્રેન્ડ જવાની શકયતા
ગુજરાત સહિત દેશભરમાં ભારતીય જનતા પાર્ટીના પાર્ટીની વીન પર સટ્ટા બજારમાં સોદા શરૂ થઇ ગયા છે. સૂત્રોના જણાવ્યા મુજબ ગુજરાતમાં ભારતીય જનતા પાર્ટી ૨૬માંથી ૨૬ બેઠક જીતશે તેવા સોદા શરૂ થઇ ગયા છે અને ભાજપ હોટફેવરીટ રહેશે તે ટ્રેન્ડ બુકી બજારે પકડી લીધો છે. પરંતુ ઉમેદવારી પત્રો ભરાઇ જાય ત્યારબાદ છેલ્લી સ્થિતિમાં કયા પક્ષો કયાં અને કેટલા અપક્ષો રહે છે તેના પર સટ્ટા બજારમાં સોદાનો બીજો રાઉન્ડ થશે અને તે વધુ નજીકનું ચિત્ર બનાવશે ત્યારબાદ આખરી તબક્કાના ચિત્રમાં કઇ પાર્ટી કેટલી બેઠકો પર વીન થશે તથા કોની કેટલી લીડ રહેશે તે સ્પોટ સોદા મહત્વના ટ્રેન્ડ તરીકે જોઇ શકાય. ગુજરાતમાંથી ૨૬માંથી ૨૬ બેઠક માટે ભારતીય જનતા પાર્ટી હોટ ફેવરીટ છે અને કેન્દ્રમાં 3૧૯ બેઠક એકલા હાથે જીતશે તેવા સોદા શરૂ થશે તેવી ભાજપની ૪૦૦ પારની વાત છે તેને આડકતરૂ સમર્થન મળે છે.
પ્રથમ તબક્કાનું મતદાન ૧૯ એપ્રિલે થવાનું છે ત્યારે સટ્ટા બજાર પણ હારજીતના ખેલ પાડવા માટે સજ્જ થઇ ગઇ છે. ગુજરાતમાં વર્તમાન સ્થિતિએ પણ ભાજપ તમામ ૨૬ સીટો જીતશે તેવું સટ્ટા બજારનું અનુમાન છે. ગુજરાતમાં તા.૭મે સહિત્ કુલ સાત તબક્કામાં મતદાન પછી ૪ જૂનના ગણતરી થાય તે પહેલા ચૂંટણી સટ્ટામાં આઇપીએલથી વધુ રકમની ઉથલપાથલ થવાનું સટ્ટા બજારનું અનુમાન છે. નોંધપાત્ર બાબત એ છે કે હાલમાં તો બુકી બજાર ભાજપ એકલા હાથે 3૧૯ સીટો જીતશે તેમ માને છે. શરૂઆતમાં ભાજપને કુલ 333 સીટનો અંદાજ વ્યકત કરતી બુકી બજારે હાલમાં ભાજપની કુલ સીટો ઘટાડીને 3૧૯ કરી છે. જો કે તબક્કાવાર મતદાન થશે અને રાજયવાર સ્થિતિ સ્પષ્ટ થતી જશે તે મુજબ ચુંટણીલક્ષી સટ્ટામાં બદલાવ આવતો જશે. ચૂંટણી સાથે બે મહિનાની સટ્ટા સિઝનમાં ઓનલાઇન અને સ્થાનિક કક્ષાએ અબજો રૂપિયાની હેરાફેરી થશે.
બુકી બજારના સૂત્રો કહે છે કે ચૂંટણી સટ્ટાના ભાવ ક્રિકેટ સટ્ટા કરતાં અલગ પ્રકારે નીકળે છે. ચૂંટણી સટ્ટાના ભાવ નિશ્ચિત કરવામાં નાગપુરના રવિ નામના બુકીની માસ્ટરી છે. નાગપુરના બુકી દ્વારા નિશ્ચિત કરવામાં આવતા ભાવ આધારે ચૂંટણી જાહેર થાય ત્યાંથી શરૂ કરીને પરિણામ આવે તે દિવસ સુધી ભાવમાં વધઘટ થતી રહે છે. રાજસ્થાનમાં પણ ચૂંટણી સટ્ટાનું મોટુ બજાર છે. નાગપુર અને રાજસ્થાનના બુકીઓ દ્વારા કઢાતાં ભાવ આધારે ચૂંટણી સટ્ટાનું ઓનલાઇન માર્કેટ એપ્લીકેશનો ઉપર ગરમાગરમ છે.
