૧૯મીએ અમિત શાહ ગાંધીનગરથી ઉમેદવારીપત્ર ભરશે

૧૮મીએ સાણંદ, કલોલ, સાબરમતી સહિત છ સ્થળોએ મેગા રોડ-શો, વેજલપુરમાં સભા યોજાશે

કેન્દ્રીય ગૃહમંત્રી અને ગુજરાતના પ્રથમ હરોળના નેતા અમિત શાહ ૧૯મી તારીખે ગાંધીનગરથી તેમની ઉમેદવારી નોંધાવશે. ભારતીય જનતા પાર્ટી દ્વારા અમિત શાહની ઉમેદવારી પૂર્વે તા.૧૮મીએ ભવ્ય રોડ શો અને સભા સહિતના કાર્યક્રમો યોજાશે જેમાં સાણંદ, કલોલ, સાબરમતી સહિત છ સ્થળોએ મેગા રોડ-શો, વેજલપુરમાં સભાનું આયોજન કરાયું છે.

તા.૧૮મીએ અમિત શાહના છ સ્થળોએ રોડ શો યોજાનાર છે. આ કાર્યક્રમ સફળ બનાવવા ભાજપે પૂરજોશમાં તૈયારીઓ આદરી છે. ગુરૂવારે સવારે ૮:૦૦ કલાકે સાણંદમાં ઘોડા ગાડી રીક્ષા સ્ટેન્ડથી રોડ શો શરૂ થશે જયારે સાણંદ-નળ સરોવર ચોકડી સમાપન થશે.

કલોલમાં સવારે ૯:3૦ કલાકે જે.પી.ગેટટથી રોડ શો શરૂ થશે જયારે ટાવર ચોક પર સમાપન થશે. સાબરમતીમાં બપોરે 3 કલાકે રામજી મંદિર રોડ સ્થિત સરદાર પટેલ ચોકથી રોડ શોનું પ્રસ્થાન થશે. જયારે ચાંદલોડીયા રોડ સમાપન થશે. ઘાટલોડીયામાં સાંજે ૪:3૦ કલાકે રોડ શોનું ચાંદલોડીયા રોડ ઉમિયા હોલ જંકશનથી પ્રસ્થાન થશે. સાંજે પ:3૦ કલાકે નારણપુરામાં રન્ના પાર્કથી ક્રિષ્ના ડેરી સુધી રોડ શો યોજાશે. સાંજે ૬:3૦ કલાકે વેજલપુરમાં જીવરાજ પાર્કથી રોડ શોની શરૂઆત થશે. જયારે કોર્પોરેશન વોર્ડ ઓફિસ પાસે અમિત શાહ જાહેરસભાને સંબોધીત કરશે. રોડ શો દરમિયાન માર્ગો પર રાસમંડળી, વૈદિક મંત્રોચ્ચાર, રાજસ્થાની, પંજાબી, મહારાષ્ટ્રીય નૃત્યોની પ્રસ્તુતિ રજૂ થશે. આ ઉપરાંત પાઇપ બેન્ડ, શરણાઇ મંડળી સુરાવલી રેલાવશે. આ ઉપરાંત વિવિધ ગાયક કલાકારો પણ ગાયકી રજૂ થશે.