- હૂતી બળવાખોરોએ અમેરિકી એમક્યૂ-9 ડ્રોનનો પણ તોડી પાડયું
- રશિયાનું ટેન્કર ગુજરાતના વાડીનાર તરફ આવી રહ્યું હતું
- ઈરાન ટેકેદાર હૂતી ઉગ્રવાદીઓ એડનની ખાડીમાં કબ્જો કરી સતત હુમલા કરી રહ્યા છે
રાતા સમુદ્રમાં યમનના સમર્થિત હૂતી બળવાખોરોનો આતંક સમાપ્ત નથી થઈ રહ્યો. હૂતિ બળવાખોરોએ એકવાર ફરી કોમર્શિય શિપને પોતાનો ટાર્ગેટ બનાવ્યું છે. મળતી માહિતી અનુસાર, રાતા સમુદ્રમાં ભારત લઈ જવાતા ઓઈલ ટેન્કર પર હૂતીઓએ મિસાઈલ છોડી હતી. આ ટેન્કર ભારત આવી રહ્યું હતું. આ મિસાઈલ હુમલામાં જહાજને નુકસાન થયું છે. બ્રિટિશ સમુદ્રી સિક્યોરિટી ફર્મે પણ આ અહેવાલને સમર્થન આપ્યું છે. જહાજના માલિકે જણાવ્યું કે હૂતી બળવાખોરોના મિસાઈલ હુમલાને લીધે ટેન્કરને ખૂબ નુકસાન પહોંચ્યું છે.
યમનના હૂતી બળવાખોરો ગાઝા યુદ્ધમાં ઈઝરાયેલ સામે લડી રહેલા પેલેસ્ટાઈનીઓને સમર્થન આપી રહ્યા છે. એટલા માટે તેઓ આ વિસ્તારમાં કોમર્શિયલ જહાજો પર હુમલો કરી રહ્યા છે. જેના કારણે ધંધા પર ભારે અસર પડી રહી છે.
રશિયાનું ટેન્કર ગુજરાતના વાડીનાર તરફ આવી રહ્યું હતું
હૂતીના પ્રવક્તા યાહ્યા સરિયાએ જણાવ્યું હતું કે પનામા-ધ્વજવાળું જહાજ બ્રિટિશ માલિકીનું હતું, પરંતુ LSEG ડેટા અને એમ્બ્રેના શિપિંગ ડેટા દર્શાવે છે કે તે તાજેતરમાં વેચવામાં આવ્યું હતું. તેના વર્તમાન માલિક સેશેલ્સ રજિસ્ટર્ડ છે. ટેન્કર રશિયા સાથે સંબંધિત વેપારમાં રોકાયેલું છે. એમ્બ્રેએ જણાવ્યું હતું કે તે રશિયાના પ્રિમોર્સ્કથી ભારતના ગુજરાતના વાડીનાર જઈ રહી હતી. આ પહેલા શુક્રવાર, 26 એપ્રિલના રોજ, હુથિઓએ દાવો કર્યો હતો કે તેઓએ યમનના સાદા પ્રાંતની એરસ્પેસમાં અમેરિકન MQ-9 ડ્રોનને તોડી પાડ્યું હતું.
તેઓ આ દેશોના જહાજોને નિશાન બનાવી રહ્યા છે
આ ક્ષણે, એન્ડ્રોમેડા સ્ટાર પર હુમલો ટૂંકા યુદ્ધવિરામ પછી હુથિઓ દ્વારા કરવામાં આવ્યો છે. હુથીઓ સતત ઈઝરાયેલ, અમેરિકા અને બ્રિટનના જહાજોને નિશાન બનાવી રહ્યા છે. યુએસએસ ડ્વાઇટ ડી. આઇઝનહોવર એરક્રાફ્ટ કેરિયરે વાણિજ્યિક શિપિંગને સુરક્ષિત કરવા માટે યુએસની આગેવાની હેઠળના ગઠબંધનની મદદ કર્યા પછી શુક્રવારે સુએઝ કેનાલ દ્વારા રાતા સમુદ્રમાંથી બહાર નીકળ્યું હતું.
ગયા વર્ષના નવેમ્બરથી હૂતી હુમલાઓ ચાલુ છે
ઈરાન સાથે જોડાયેલા હૂતી આતંકવાદીઓએ ગયા વર્ષે નવેમ્બરથી રાતા સમુદ્ર, બાબ અલ-મંડબ અને એડનની ખાડીમાં ડ્રોન અને મિસાઈલ વડે અનેક જહાજોને નિશાન બનાવ્યા છે. જેના કારણે જહાજોએ લાંબા અંતર કાપવું પડે છે. જહાજોને દક્ષિણ આફ્રિકામાંથી પસાર થવું પડે છે. આ મુસાફરી લાંબી અને ખર્ચાળ છે. દેશોને માલ મોકલવા માટે લાંબી અને મોંઘી મુસાફરી કરવાની ફરજ પડી છે.
