- અમેરિકાની ભૂકંપ સર્વે સંસ્થાએ ભૂકંપનું કેન્દ્રબિંદુ 47 માઈલ ઊંડું દર્શાવ્યું
- ભૂકંપની તીવ્રતા પ્રચંડ હોવાથી લોકો ડરના માર્યા ઘરબહાર દોડી ગયા
- ભૂકંપને લીધે હાલ સુનામીની ચેતવણી નહીં
મેક્સિકો અને ગ્વાટેમાલાની સરહદ વિસ્તારમાં સવારે ભૂકંપના તીવ્ર આંચકા અનુભવાયા હતા. આ ધરતીકંપની તીવ્રતા રિકટર સ્કેલ ઉપર 6.4 નોંધવામાં આવી હતી. ભૂકંપ આવતાની સાથે લોકો બીકના માર્યા ઘરબહાર ખુલ્લામાં દોડી ગયા હતા. તેમજ સલામત સ્થળની શોધ કરવા લાગ્યાં હતા.
અમેરિકાની જિયોલૉજિકલ સર્વેએ એક રિપોર્ટમાં જણાવ્યું કે મેક્સિકોમાં આવેલો ભૂકંપ પ્રચંડ હતો. તેમજ ધરતીકંપની જમીનની 47 માઈલ ઊંડાઈમાં તેનું કેન્દ્રબિંદુ હતું. જો કે સારી વાત એ રહી કે આ આંચકાથી કોઈ જાનહાનિના અહેવાલ સામે નથી આવ્યા. મેક્સિકોની નેશનલ સિવિલ પ્રોટેક્શન એજન્સીએ સોશિયલ મીડિયા પર આપેલી જાણકારી અનુસાર, ભૂકંપના ઝટકા અને ત્યારબાદની સ્થિતિ પર વહીવટી તંત્ર નજર રાખી રહ્યું છે. જો કે શરૂઆતના ગાળામાં કોઈપણ પ્રકારના નુકસાનની જાણકારી નથી મળી.
ગ્વાટેમાલાના વહીવટી તંત્રની પ્રતિક્રિયા
ધરતીકંપના આંચકા બાદ ગ્વાટેમાલા મેનેજમેન્ટ વિભાગે એવા રિપોર્ટને ફગાવી દીધા હતા, જેમાં એવું કહેવાયું કે મેક્સિકોની સાથે બોર્ડર ધરાવતા સ્થાનોમાં કેટલીક ઈમારતોને નુકસાન થયું હતું. આ ઉપરાંત ભૂસ્ખલન થવાથી માર્ગોને વધુ નુકસાન થયું હોવાના રિપોર્ટ પણ ફગાવ્યા હતા.
મેક્સિકોમાં સુનામીનો ખતરો નહિ
મળતી માહિતી અનુસાર, અમેરિકન સુનામી વોર્નિંગ સિસ્ટમ અને મેક્સિકોની નેવીએ જણાવ્યું કે અત્યાર સુનામીનો કોઈ ખતો નથી. ભૂકંપના આંચકાને લઈ જણાવ્યું કે ધરતીકંપ ભયાનક હતો. આ ઉપરાંત સિવિલ ડિફેન્સ એજન્સીના અધિકારીએ જણાવ્યું કે, ઈશ્વરનો આભાર માનો કે, હવે બધુ ઠીક છે. અમે રેડિયોથી કંપનીઓ અને ગ્રામ્ય વિસ્તારોથી વાત કરી રહ્યા છીએ કે ત્યાં કોઈ નુકસાન નથી થયું.
આ અધિકારીએ વધુમાં જણાવ્યું કે, પર્વતીય ક્ષેત્ર અને તેની આસપાસના વિસ્તારમાં ધરતીકંપના તીવ્ર આંચકા અનુભવવામાં આવ્યા હતા. ત્યાં રહેતી એક મહિલાએ જણાવ્યું કે, આ હું ભૂકંપથી એલર્ટ જ હતી. કારણ કે, 30 સેન્કડ પહેલાં મને એલર્ટ મળી ચુક્યુ હતું. આ સિવાય તાપાચૂલા નજીક ભૂકંપના અનુભવને લઈ એક શિક્ષકે જણાવ્યું કે, આ ભૂકંપના આંચકા ખૂબ તેજ અને ભયાનક હતા. ખરેખર અમે સૌ ડરી ગયા હતા.
