- સમગ્ર દુનિયાભરમાં હાહાકાર મચાવનાર જુલિયન અસાંજે ફરી એકવાર ચર્ચામાં
- વિકીલિક્સે અફઘાનિસ્તાન અને ઈરાકમાં વોશિંગ્ટન વિરુદ્ધ હજારો દસ્તાવેજો જાહેર કર્યા હતા
- 13 વર્ષથી કાયદાની લડાઈ લડતા અસાંજેને કેસમાંથી મુક્તિની પ્રતીક્ષા
વિકીલીક્સના સ્થાપક જુલિયન અસાંજેએ જાસૂસીના આરોપસર યુએસમાં પ્રત્યાર્પણ કરવાના આદેશ સામે અપીલ કરી શકે છે. આ અંગેનો બ્રિટીશ કોર્ટે સોમવારે ચુકાદો આપ્યો હતો. હાઈકોર્ટના બે ન્યાયાધીશોએ જણાવ્યું હતું કે અસાંજે પાસે યુકે સરકારના પ્રત્યાર્પણના આદેશને પડકારવાનું કારણ છે. હાઈકોર્ટના આ નિર્ણય બાદ અસાંજે માટે અપીલ કરવાનો માર્ગ મોકળો થઈ ગયો છે, જેના કારણે આ કાનૂની લડાઈ વર્ષો સુધી ચાલી શકે છે.
અસાંજેની આજથી લગભગ 15 વર્ષ પહેલાં તેની વેબસાઇટ પર યુએસ દસ્તાવેજોના પ્રકાશિત કરવા પર જાસૂસીના 17 આરોપો અને કમ્પ્યૂટરના દુરુપયોગનો સામનો કરી રહ્યો છે. અસાંજે સાત વર્ષ સુધી લંડનમાં ઈક્વાડોર એમ્બેસીમાં આશ્રય લીધા બાદ છેલ્લા પાંચ વર્ષ બ્રિટિશ જેલમાં વિતાવ્યા છે.
અમેરિકા પર જાસૂસીનો આરોપ છે
જુલિયન અસાંજે પર અમેરિકા માટે જાસૂસી કરવાનો આરોપ છે. અસાંજે 13 વર્ષથી કાનૂની લડાઈ લડી રહ્યા છે. તેના પ્રત્યાર્પણ માટે અમેરિકા દ્વારા બ્રિટિશ કોર્ટમાં અરજી પણ દાખલ કરવામાં આવી હતી. અમેરિકાએ બ્રિટિશ કોર્ટને ખાતરી આપી છે કે તેઓ 52 વર્ષીય જુલિયન અસાંજેને ફાંસીની સજા નહીં આપે. આ સિવાય જો અસાંજે પર જાસૂસીના આરોપમાં કાર્યવાહી કરવામાં આવશે તો તેને ‘યુએસ ફર્સ્ટ એમેન્ડમેન્ટ રાઈટ’ હેઠળ ભાષણની સ્વતંત્રતાનો અધિકાર આપવામાં આવશે. તે વર્ષ 2010-11 હતું જ્યારે વિકિલીક્સના ખુલાસા બાદ અમેરિકાએ આરોપ લગાવ્યો હતો કે જુલિયન અસાંજે તેમના દેશની જાસૂસી કરી હતી. તેણે ગુપ્ત ફાઈલ પ્રકાશિત કરી હતી. જેણે ઘણા લોકોના જીવનને જોખમમાં મૂક્યું હતું. પરંતુ અસાંજએ હંમેશા જાસૂસીના આરોપોને નકારી કાઢ્યા છે.
2010માં ધરપકડ કરવામાં આવી હતી
જુલિયન અસાંજેની 2010માં સ્વીડનની અપીલ પર લંડનમાં ધરપકડ કરવામાં આવી હતી. તેના પર બે સ્વીડિશ મહિલાઓએ બળાત્કારનો આરોપ લગાવ્યો હતો. સ્વીડનમાં દેશનિકાલ ટાળવા માટે, અસાંજે 2012 માં લંડનમાં ઇક્વાડોર દૂતાવાસમાં આશરો લીધો, ત્યાંથી ધરપકડ ટાળી. તે અહીં 2012થી 2019 વચ્ચે ઈક્વાડોરમાં રહ્યો હતો. 11 એપ્રિલ, 2019ના રોજ, તે કોર્ટમાં હાજર થવામાં નિષ્ફળ ગયો, ત્યારબાદ તેની ધરપકડ કરવામાં આવી. બાદમાં ઇક્વાડોર સરકારે તેને આશ્રય આપવાનો ઇનકાર કર્યો હતો. તેનું કારણ આંતરરાષ્ટ્રીય કરારોનું સતત ઉલ્લંઘન હોવાનું જણાવવામાં આવ્યું હતું. 2019 માં, ઇક્વાડોર એમ્બેસીમાંથી બહાર આવ્યા પછી બ્રિટિશ પોલીસે તેની ધરપકડ કરી હતી. ત્યારથી તે લંડનની બેલમાર્શ જેલમાં બંધ છે. જેથી નવેમ્બર 2019માં સ્વીડને અસાંજે સામેના બળાત્કારના આરોપો પાછા ખેંચ્યા હોવા છતાં તે જેલમાં જ રહ્યો હતો.
