- મોબાઈલ ફોનનું વણગળ કેટલી હદ સુધી હત્યા પ્રેરે તેનો કિસ્સો
- કિશોરે ત્રણ હત્યા કર્યા પછી મૃતદેહો પાસે ત્રણ દિવસ બેસી રહ્યો
-
ત્રણ દિવસ બાદ કિશોરે હત્યાનો ગુનો કબૂલી લીધો હતો
મોબાઈલની લત કેટલી હદ સુધી મન પર હાવી થાય કે તે હત્યા કરવાથી પણ નથી અચકાતો. બસ આવી જ એક ઘટના બ્રાઝિલમાં સામે આવી છે. જેમાં મોબાઈલ ફોન લઈ લેવાથી રોષે ભરાયેલા બાળકે પોતાના માતા-પિતા તેમજ બહેનને ગોળી મારી હત્યા કરી દીધી હતી.
તપાસના વડા રોબર્ટો અફોન્સોએ જણાવ્યું હતું કે શહેરના પોલીસકર્મી અને તેની પત્નીએ એક છોકરાને દત્તક લીધો હતો. એક દિવસ તેનો તેના માતા-પિતા સાથે કોઈ મુદ્દે વિવાદ થયો. તેનો ફોન છીનવાઈ ગયો હતો. આનાથી ગુસ્સે થઈને છોકરાએ પિતાની સર્વિસ ગન ઉપાડી અને 57 વર્ષના પિતાને પીઠ પર ગોળી મારી દીધી. ત્યારબાદ તે તેની બહેન જ્યાં હતી તે રૂમમાં ઉપર ગયો અને તેની 16 વર્ષની બહેનના ચહેરા પર ગોળી મારી દીધી. તે સમયે માતા ઘરે ન હતી. થોડા કલાકો પછી જ્યારે માતા ઘરે પહોંચી ત્યારે તેણે તેને ગોળી મારીને હત્યા કરી નાખી હતી.
આ ઘટના શુક્રવારે બની હતી, શુક્રવારથી સોમવાર સુધી છોકરો તેના માતા-પિતા અને બહેનના મૃતદેહ સાથે ઘરે રહ્યો હતો. દરમિયાન, તે સામાન્ય જીવન જીવી રહ્યો હતો, તે જીમ અને બેકરીમાં પણ ગયો હતો. શનિવારે કોઈ વાત પર ગુસ્સે થઈને તેણે તેની માતાના શરીર પર પણ છરી વડે હુમલો કર્યો હતો. સોમવારે છોકરાએ પોતે આ અંગે પોલીસને જાણ કરી અને પોતાનો ગુનો કબૂલી લીધો. પોલીસે તેને કસ્ટડીમાં લીધો છે.
ઉલ્લેખનીય કે બ્રાઝિલમાં સગીર આરોપીઓને વિશેષ કાયદા હેઠળ રક્ષણ મળે છે. તેમની સામે પુખ્ત વયના લોકોની જેમ કાર્યવાહી કરી શકાતી નથી. જો કે પોલીસ સમગ્ર મામલાની ઝીણવટપૂર્વક તપાસ કરી રહી છે, પરંતુ પોલીસ અધિકારીનું કહેવું છે કે તેઓ તપાસ કરી રહ્યા છે કે આ બધુ છોકરાએ એકલા હાથે કર્યું છે કે અન્ય કોઈ પણ આમાં સામેલ છે. છોકરાએ ફોન પર કોઈની સાથે વાત કરી હતી?
