- 20 જૂનથી ચોમાસુ આગળ વધવાની હતી શક્યતા
- 20 જૂન થઇ પણ ચોમાસુ હજુ નવસારીમાં અટકેલું
- આવનારા 2 દિવસમાં ચોમાસુ આગળ વધે તેવી સંભાવના
ચોમાસાને લઇને ચિંતાજનક સમાચાર સામે આવ્યા છે. જેમાં ચોમાસુ હજુ પણ નવસારીમાં જ અટકેલું છે. તેમાં 20 જૂનથી ચોમાસુ આગળ વધવાની શક્યતા હતી તેમાં 20 જૂન થઇ પણ ચોમાસુ હજુ નવસારીમાં અટકેલું છે. આવનારા 2 દિવસમાં ચોમાસુ આગળ વધે તેવી સંભાવના દેખાઇ રહી છે. ત્યારે ગુજરાતમાં 7 દિવસ વરસાદની આગાહી કરવામાં આવી છે.
દ.ગુજરાતમાં ભારે વરસાદની આગાહી કરવામાં આવી
દ.ગુજરાતમાં ભારે વરસાદની આગાહી કરવામાં આવી છે. તેમજ પંચમહાલ, દાહોદ, વડોદરા, છોટાઉદેપુર તથા નર્મદા, ભરૂચ, સુરત, ડાંગ, નવસારીમાં વરસાદની આગાહી છે. તેમજ આગામી બે દિવસ માછીમારોને દરિયો ન ખેડવા સૂચના આપવામાં આવી છે. તથા રાજ્યમાં પવનની ગતિ 40 થી 45 કિ.મીની રહેશે. તથા સૌરાષ્ટ્ર, ઉ.ગુજરાતમાં હળવાથી મધ્યમ વરસાદની આગાહી કરાઇ છે. તેમજ સાયક્લોનિક સર્ક્યુલેશનના કારણે વરસાદની આગાહી કરાઇ છે. જો કે, ચોમાસુ અટવાતા રાજ્યના 31 જિલ્લાઓમાં વરસાદની ઘટ નોંધાઈ છે. જૂન મહિનામાં સૌરાષ્ટ્ર અને કચ્છમાં 66% અને ગુજરાતમાં 74% ઓછો વરસાદ થયો છે.
આગામી દિવસોમાં વરસાદની ઘટ ઓછી થવાની શક્યતા
આગામી દિવસોમાં વરસાદની ઘટ ઓછી થવાની શક્યતા છે. દ્વારકા અને પોરબંદર જિલ્લામાં ગઈકાલે બપોરે બે ઈંચ વરસાદ પણ નોંધાયો હતો.હવામાન નિષ્ણાત અંબાલાલ પટેલના જણાવ્યા મુજબ, આગામી 23 જૂનથી દક્ષિણ ભારતમાં ભારે વરસાદની શરૂઆત થશે. અંબાલાલ પટેલે સમગ્ર ગુજરાતમાં 30 જૂન સુધીમાં વરસાદની આગાહી કરી છે. જેમાં 21 જૂન અમદાવાદ, આણંદ, વડોદરા, સુરત, નવસારી, વલસાડ, તાપી, દમણ, દાદરા નગર હવેલી ,પોરબંદર, જુનાગઢ, અમરેલી, ભાવનગર,ગીર સોમનાથ, દીવ, કચ્છમાં વરસાદની આગાહી કરવામાં આવી છે.
